આજે અમે તમારા માટે લાવ્યા છીએ ખૂબ જ સ્વાદિષ્ટ અને હેલ્ધી સરગવાની સિંગનું શાક. જેને અંગ્રેજીમાં ડ્રમસ્ટિક બીન્સ કહેવાય છે. તમે તેનું શાક અથવા અથાણું બનાવીને ખાઈ શકો છો.
જે લોકોને હાડકાની સમસ્યા હોય તેમણે માટે સરગવો ખુબ જ ફાયદાકારક છે. આનું શાક ખાવામાં ખૂબ જ સ્વાદિષ્ટ લાગે છે. અને તે બનાવવામાં પણ ખૂબ જ સરળ છે. કેટલાક લોકો આ સરગવાને પાણીમાં ઉકાળીને ખાય છે. આવું સ્વાદિષ્ટ શાક ખાધા પછી તમે પણ વારંવાર બનાવશો.
સામગ્રી :
- સરગવો શીંગો 250 ગ્રામ
- બટાકા 2
- લસણની કળીઓ 5 થી 6
- લીલા મરચા 4
- ડુંગળી 1
- ટામેટા 1
- તેલ 4 ચમચી
- રાઈ ½ ચમચી
- જીરું ½ ચમચી
- મીઠું 1 જરૂર મુજબ
- લાલ મરચું પાવડર 1 ચમચી
- હળદર પાવડર ¼ ચમચી
- ધાણા પાવડર 2 ચમચી
- ગરમ મસાલો ½ ટીસ્પૂન
- કોથમીર બારીક સમારેલી
સરગવાનું શાક બનાવવાની રીત :
સરગવાને પાણીથી ધોઈ લો. પછી તેની છાલ કાઢીને 3 થી 5 ઇંચની લંબાઈમાં કાપો. હવે બટાકાની છાલ કાઢીને તેના 2 ટુકડા કરી લો. હવે એક કડાઈમાં 2 ગ્લાસ પાણી નાખીને ગરમ રાખો. પછી ગરમ પાણીમાં સરગવો અને બટાકાના ટુકડા નાખી મધ્યમ તાપ પર 7 થી 8 મિનિટ સુધી બાફવા દો.
8 મિનિટ પછી ગેસ બંધ કરો. સરગવાની સીંગ અને બટાકાને બહાર કાઢીને પ્લેટમાં કાઢી લો. હવે બાફેલા બટાકાના નાના ટુકડા કરી લો. સરગવાની શીંગોનું બાકીનું પાણી એક બાઉલમાં કાઢી લો. (આ પાણી તમે શાકમાં પણ ઉમેરી શકો છો.)
હવે એક મિક્સરનો જાર લો, તેમાં લસણ, લીલા મરચાં અને ડુંગળી નાંખો અને તે બધાની પેસ્ટ બનાવો અને આ પેસ્ટને એક બાઉલમાં કાઢી લો. પછી ટામેટાંને મિક્સરમાં બારીક પીસીને એક બાઉલમાં કાઢી લો.
હવે પેનમાં તેલ મૂકીને ગેસ પર ગરમ કરો. ગરમ તેલમાં રાઈ અને જીરું નાખો. જીરું તતડવા લાગે એટલે તેમાં લસણ, લીલા મરચા અને ડુંગળીની પેસ્ટ નાખીને મિક્સ કરો. જ્યારે ડુંગળી આછા સોનેરી રંગની થાય ત્યારે તેમાં ટામેટાની પેસ્ટ ઉમેરીને મિક્સ કરો. હવે તેને 1 થી 2 મિનિટ માટે ફ્રાય કરો.
2 મિનિટ પછી તેમાં મીઠું, લાલ મરચું પાવડર, હળદર, ધાણા પાવડર, ગરમ મસાલો ઉમેરીને મિક્સ કરો. હવે તેને કરછીથી હલાવતા રહો, જ્યાં સુધી તેલ ઉપર ન આવે. જ્યારે તેલ ઉપર આવે ત્યારે આ ગ્રેવીમાં સરગવો અને બટાકાના ટુકડા નાખીને મિક્સ કરો.
પછી તેમાં બચેલું પાણી (બાફતી વખતે) ઉમેરો અને જો તમારે વધુ રસવાળું શાક જોઈતું હોય તો થોડું પાણી અલગથી ઉમેરો. હવે તેને મધ્યમ તાપ પર 6 થી 7 મિનિટ સુધી રાંધવા દો. 7 મિનિટ પછી ગેસ બંધ કરો.
તમારું સરગવાનું શાક તૈયાર છે. તેને એક બાઉલમાં કાઢી લો અને ઉપર થોડી લીલી કોથમીર નાંખો અને તેને ગરમા-ગરમ પરાઠા અથવા રોટલી સાથે સર્વ કરો.
આ પણ વાંચો:
પનીર અને સિમલા મરચાનું આ શાક ખાધા પછી દરેક વ્યક્તિ પૂછવા લાગશે કે કેવી રીતે બનાવ્યું
પાલક અને બટાકાનું આવું અદભુત શાક કદાચ નહીં ખાધું હોય
હવેથી ચોખાની નહીં પણ સોજી અને અડદની દાળની બનાવો રવા ઈડલી
