ઘરની સફાઈ દરરોજ કરવામાં આવે છે પરંતુ ઘરની સફાઈ દરમિયાન વૉશ બેસિનનું બહુ ધ્યાન રાખવામાં આવતું નથી. તેને ઘસીને સાફ કરવું પણ મુશ્કેલ છે અને રોજિંદા ઉપયોગ પછી તેના પર સખ્ત પાણીના ડાઘ, ટૂથપેસ્ટના ડાઘ, કોગળા કર્યા પછી પડતા પીળા ડાઘ વગેરે થાય છે.
મોટાભાગના લોકો એવું વિચારે છે કે આ માટે બજારમાંથી પ્રોફેશનલ ક્લિનીંગ જ કામ કરશે, પરંતુ તેને સાફ કરવાની બીજી પણ ઘણી રીતો છે. વૉશ બેસિનને સાફ કરવામાં સૌથી મુશ્કેલ કામ છે પીળા ડાઘ અને સખ્ત પાણીના ડાઘ દૂર કરવા, પરંતુ જો તમને કહેવામાં આવે કે તમે તેને માત્ર 10 રૂપિયામાં ચમકાવી શકાય છે, તો તમે શું કહેશો? ચાલો જાણીએ આ વિશે.
10 રૂપિયામાં વૉશ બેસિનને ચમકાવો
આ માટે તમારે ખાવાનો સોડા અને એક સફેદ વિનેગરની જરૂર પડશે. હવે તમે વિચારતા હશો કે તેનો ઉપયોગ દરેક પ્રકારની સફાઈ માટે થાય છે, પરંતુ વિશ્વાસ કરો કે અમે તમને જે ટ્રિક જણાવવા જઈ રહ્યા છીએ તેનાથી બ્લોક પાઇપ પણ ખુલી જશે અને જો વોશ બેસિનમાંથી દુર્ગંધ આવતી હશે તો તે પણ ખતમ થઈ જશે.
શુ કરવુ?
સૌપ્રથમ તમે બે ચમચી બેકિંગ સોડાને વોશ બેસિનમાં છાંટો અને એક ચમચી બેકિંગ સોડાને વોશ બેસિનની પાઈપમાં નાખો. આ પછી, તમે તેમાં અડધો ગ્લાસ સફેદ વિનેગર નાખો અને તેને 1 કલાક માટે આ રીતે છોડી દો.
આ પછી, તમારે જે પણ ઘર કામ કરવાના હોય તે કરી લો અને ક્લીનરને તેનું કામ કરવા દો. 1 કલાક પછી, વોશિંગ બેસિનમાં પાણી નાખો અને પછી સ્ક્રબથી ઘસી લો. તમારા વૉશ બેસિનમાં ઘણા બધા ડાઘ છે, તો તમે સ્ક્રબિંગ સાથે થોડું લિક્વિડ ડિટર્જન્ટનો પણ ઉપયોગ કરી શકો છો.
આ પણ વાંચોઃ વૉશ બેસિનમાંથી આવતી દુર્ગંધને દૂર કરવા માટે કરી લો આ ઉપાય, હંમેશા સુગંધિત રહેશે
ઇનોનો ઉપયોગ કરીને વૉશ બેસિન સાફ કરો : હવે અમે તમને બીજી રીત જણાવીએ છીએ જે માત્ર 10 રૂપિયામાં તમારું વૉશ બેસિન સાફ કરી દેશે. અહીં તમારે ખાવાના સોડાને બદલે ઈનો પેકેટનો ઉપયોગ કરવો પડશે અને વિનેગરને બદલે થોડું કોલ્ડ ડ્રીંક ઉમેરવું પડશે.
ધ્યાન રાખો કે સફેદ કોલ્ડ ડ્રિંક્સનો ઉપયોગ કરો કારણ કે સફેદ સિંકમાં બ્લેક કોલ્ડ ડ્રિંક્સ તમારા સફેદ સિંક પર ડાઘા પાડી શકે છે. હવે બાકીના સ્ટેપ્સ ઉપર જણાવેલ છે તે પ્રમાણે જ અનુસરવાના છે.
આ બંને પદ્ધતિઓ તમારા વૉશ બેસિનને ચમકાવવા માટે ખૂબ જ ઉપયોગી સાબિત થઈ શકે છે. જો તમે એવા લોકોમાંથી એક છો જેમને વૉશ બેસિનને ઘસીને સાફ કરવાનો કંટાળો આવે છે તો આ હેકને ચોક્કસ અપનાવો.
જો તમને આ જાણકારી ઉપયોગી લાગી હોય અને આવી જ બીજી ટિપ્સ જાણવા માંગતા હોય તો રસોઈનીદુનિયા સાથે જોડાયેલા રહો.
