પ્રેશર કૂકરમાં શાક બનાવતા પહેલા આ 5 ટિપ્સ જાણી લો, રસોઈ ગેસ અને સમય બંનેની બચત થશે

પ્રેશર કૂકર દરેકના રસોડાનો એક મહત્વપૂર્ણ ભાગ છે જેને તમે કોઈપણ રીતે અવગણી શકો નહીં. પ્રેશર કૂકરનો ઉપયોગ ઘણી બધી વસ્તુઓમાં થાય છે અને લોકો તેનાથી ખાટી, મીઠી, મસાલેદાર રસોઈ બનાવે છે, પરંતુ ઘણી વખત આપણે દરરોજ કૂકરનો ઉપયોગ કરવામાં ધ્યાન રાખતા નથી કે તેનાથી બીજા ઘણા ઉપયોગો પણ કરી શકાય છે.

આજે અમે તમને એવી જ કેટલીક ટિપ્સ વિશે જણાવવા જઈ રહ્યા છીએ જે પ્રેશર કૂકરનો ઉપયોગ કરતી વખતે તમારો સમય બચાવાની સાથે રસોઈ ગેસની પણ બચત કરશે. તો ચાલો જાણીએ આ ઉપયોગી કેટલીક ટિપ્સ.

1. એક સાથે ઘણી વસ્તુઓ બાફવા માટે : જો તમે અત્યાર સુધી પ્રેશર કૂકરનો ઉપયોગ ફક્ત એક સમયે એક જ વસ્તુ બાફવા માટે કરી રહયા છો તો તે ખોટું છે. પ્રેશર કૂકરમાં એક પછી એક વસ્તુને બાફવામાં આવે તો રસોઈ ગેસ અને સમય બંનેનો બગાડ થાય છે.

તેથી તમે એકસાથે ઘણી બધી વસ્તુઓને એકસાથે અલગ બાઉલમાં રાખીને બાફવા મુકો. આમ કરવાથી તમારો ઘણો કિંમતી સમય પણ બચશે. એક વખતનું શાક બનાવવા માટેની બધી સામગ્રીને એકસાથે બાફી શકાય છે. આ માટે તમે ઇચ્છો તો પ્રેશર કૂકર બોક્સનો પણ ઉપયોગ કરી શકો છો.

2. પ્રેશર કૂકરની એસેસરીઝને હંમેશા ધ્યાનમાં રાખો : ઘણા ઘરોમાં 5 લિટરનું મોટું કૂકર હોય છે અને તેમાં રસોઈ બનાવવાના અલગ અલગ કમ્પાર્ટમેન્ટ હોય છે. તે ફક્ત તમારા કામને સરળ બનાવતા નથી, પરંતુ તે એક સાથે ઘણી વસ્તુઓ રાંધવા માટે ઉપયોગી થઈ શકે છે.

ઉદાહરણ તરીકે, જો માત્ર બે લોકો માટે રસોઈ બનાવી રહયા હોય તો દાળ અને ભાત બંને એકસાથે બનાવી શકાય છે. એક ડબ્બામાં ઈડલી અને બીજા ડબ્બામાં ઢોકળા રાખીને તમે એકસાથે સ્ટીમ કરી શકો છો. એ જ રીતે ઘણી વાનગીઓ બનાવી શકાય છે. આ કમ્પાર્ટમેન્ટ્સ તમને કેક, આથોવાળી વસ્તુઓ વગેરે બનાવવા માટે ઉપયોગી છે.

3. દાળનું પાણી કૂકરના ઢાંકણમાં ચોંટશે નહીં : જો કૂકરમાં દાળ રાંધવામાં આવે તો ઘણી વખત તેનું પાણી સીટી વાગે ત્યારે બહાર આવવા લાગે છે અને આસપાસનો આખી જગ્યા ગંદી થઇ જાય છે. તેના કારણે કૂકરનું ઢાંકણું અને ગેસ પણ ખૂબ જ ગંદુ થઈ જાય છે. આ સમસ્યાથી બચવા તમે એક નાની ટ્રીક અપનાવી શકો છો.

આ માટે જ્યારે પણ તમે દાળ રાંધો ત્યારે દાળની ઉપર સ્ટીલનો ખાલી વાટકી રાખો. તમારે પાણી ભર્યા પછી કૂકરમાં ખાલી વાટકી મુકવાની છે, ધ્યાન રાખો કે આ વાટકી સીધી હોવી જોઈએ અને ઉલટી ના હોવી જોઈએ. તમને છેલ્લે આ વાટકીમાં એકઠું થયેલું બધું જ વધારાનું પાણી ભેગું થયેલું મળશે અને દાળ ફેલાવવાની કોઈ સમસ્યા નહીં થાય.

4. સ્ટીમ રીલીઝીંગ પોઈન્ટને ધ્યાનમાં રાખો : પ્રેશર કૂકરમાં અડધાથી વધુ સમસ્યાઓ સ્ટીમ રીલીઝિંગ પોઈન્ટ બ્લોક થવાના કારણે થાય છે. તમારે ધ્યાન રાખવું પડશે કે આ બિંદુ હંમેશા સ્વચ્છ રાખો. જો તે સ્વચ્છ ન હોય તો તે તમારા પ્રેશર કૂકર માટે સારું રહેશે નહીં.

હકીકતમાં, આના કારણે કૂકરની સ્ટીમ બહાર નીકળવામાં અને બનવામાં સમસ્યા આવે છે અને ગેસ વધારે બળવાની સાથે, પ્રેશર કૂકરમાં ખૂબ વધારે અથવા ખૂબ ઓછું દબાણ બનાવવાની સમસ્યા થઈ શકે છે. આવી સ્થિતિમાં ઘણી વખત ઢાંકણની અંદરથી પાણી નીકળવા લાગે છે અને કૂકરનું રબર બગડી જાય છે. તેથી તેને સમયસર કાળજીપૂર્વક સાફ કરતા રહો.

5. શાકભાજીને ફ્રાય કરો : ઘણા લોકો કૂકરમાં બધા મસાલા નાખીને ઉતાવળમાં શાકભાજી નાખી દે છે અને તેનાથી શાક સ્વાદિષ્ટ નથી બનતું. પછી લોકો કહે છે કે પ્રેશર કૂકરની ખરાબી છે, પરંતુ વાસ્તવમાં એવું નથી. પ્રેશર કૂકરમાં પણ શાક ખૂબ જ સ્વાદિષ્ટ બને છે, પરંતુ તમારે તેને 1-2 મિનિટ માટે ફ્રાય કરવાનું હોય છે.

પ્રેશર કૂકરમાં આખા મસાલાનો ઉપયોગ કરો અને તે પછી શાકભાજી ઉમેરો અને તેને 1-2 મિનિટ માટે આ રીતે ફ્રાય કરો પછી છેલ્લે પાણી ઉમેરો. આ રીતે કૂકરમાં શાક બનાવાથી કૂકર બંધ કર્યા પછી તેને રાંધવામાં ઓછો સમય લાગશે અને શાક પણ ખૂબ જ સ્વાદિષ્ટ બનશે.

આ પાંચ ટિપ્સ તમારા રસોઈ ગેસ અને સમય બંને બચાવી શકે છે, તો તમે પણ જયારે કૂકરમાં રસોઈ બનાવો છો આ ટિપ્સ તમને મદદ કરશે. જો તમને આ કિચન ટિપ્સ ગમી હોય તો રસોઈનીદુનિયા સાથે જોડાયેલા રહો.