ખાવા પીવામાં ગડબડી, લાંબા સમય સુધી બેસી રહેવાથી અને કસરતના અભાવને કારણે જીવનશૈલી સાથે જોડાયેલી ઘણી સમસ્યાઓ થવા લાગે છે. આવી સ્થિતિમાં આપણે દવાઓનો સહારો લઈએ છીએ. પરંતુ, આ સમસ્યાઓ ન થવી જોઈએ, તેના માટે તમે યોગાસનની મદદ લઈ શકો છો.
આવા અનેક યોગાસનો છે, જે જીવનશૈલી સંબંધિત સમસ્યાઓને દૂર કરી શકે છે. આમાંથી એક છે શલભાસન. તમે ઘરે આને સરળતાથી કરીને ઘણા ફાયદા મેળવી શકો છો. યોગ નિષ્ણાત હરિતા અગ્રવાલ આ યોગાસન કરવાની પદ્ધતિ અને ફાયદા વિશે જણાવી રહ્યાં છે.
નિષ્ણાત અભિપ્રાય
View this post on Instagram
નિષ્ણાતો કહે છે, “યોગ તમારા શરીરની સાથે સાથે તમારા મનને પણ સ્વસ્થ રાખે છે. દરરોજ શલભાસન કરવાથી તમે અનેક પ્રકારની બીમારીઓથી બચી શકો છો. ડાયાબિટીસ અને પ્રોસ્ટેટ ગ્રંથિની સમસ્યાઓ માટે આ શ્રેષ્ઠ ઉપચાર છે. તે કરોડરજ્જુ, ગરદન અને ખભાને મજબૂત બનાવે છે અને ફેફસાના સ્વાસ્થ્યને જાળવી રાખે છે. ઉપરાંત, તે પેટની સમસ્યાઓ માટે રામબાણ ઉપાય છે અને જાંઘ અને પગમાં દુખાવો મટાડે છે. આ સિવાય તે કબજિયાતની સમસ્યાને દૂર કરે છે.
શલભાસનની રીત
Benefits of Superman Pose (Viparita Shalabhasana) are
1-Stretches & strengthens the muscles of the chest, shoulders, arms,legs,abdomen & lower back
2-Tones the abdomen & lower back
3-Improves blood circulation
4-Improves Posture #YogaLife #FitBharat 🇮🇳 pic.twitter.com/ESQRYkbGtP— Fitistan-एक Fit भारत 🇮🇳 (@TheFitistan) June 12, 2021
- સૌથી પહેલા, મેટ પર પેટ પર સૂઈ જાઓ.
- ધ્યાન રાખો કે તમારા બે પગ વચ્ચે થોડું અંતર હોવું જોઈએ.
- હાથને જાંઘની નીચે રાખો.
- હવે ઊંડો શ્વાસ લેતા માથું ઊંચું કરવાનો પ્રયાસ કરો.
- પછી હાથ અને પગને જમીન પરથી ઉંચા કરો.
- આ પોઝિશનમાં, પેટ મૈટ પર હોવું જોઈએ અને શરીરનો ઉપર અને નીચેનો ભાગ જમીનથી ઉપર હવામાં હોવો જોઈએ.
- થોડો સમય આ પોજિશનમાં રહો અને પછી મૂળ સ્થિતિમાં પાછા આવો.
- તમે તમારી ક્ષમતા અનુસાર આ મુદ્રામાં રહી શકો છો.
ડાયાબિટીસ માટે સારું
ડાયાબિટીસથી માત્ર વૃદ્ધો જ નહીં, યુવાનો પણ આજકાલ પરેશાન થઇ રહયા છે. પરંતુ, શલભાસનની મદદથી તેને સરળતાથી નિયંત્રિત કરી શકાય છે. દરરોજ આ યોગાસન કરવાથી સ્વસ્થ લોકોમાં પણ ડાયાબિટીસ થવાની શક્યતા ઓછી રહે છે.
જો કે આમ કરવાથી વ્યક્તિને ઘણા ફાયદા થાય છે. પરંતુ, જો તમને લાંબા સમયથી ડાયાબિટીસ છે, તો શલભાસન કરવાનું ટાળવું જોઈએ. એવું માનવામાં આવે છે કે શલભાસનથી તમારા બ્લડ સુગરનું સ્તર વધી શકે છે.
આ અવશ્ય વાંચોઃ વારંવાર થતા ગરદન, કમર કે પીઠનો દુખાવાને દૂર કરશે આ આયુર્વેદિક ટિપ્સ
કરોડરજ્જુમાં તાકાત
આજકાલ લોકો કલાકો સુધી એક જ સ્થિતિમાં બેસીને કામ કરતા હોય છે. આનાથી ગરદન અને પીઠમાં દુખાવો અને જકડાઈ જાય છે. આ સમસ્યાઓ માટે શલભાસન એક સારો ઉપાય છે. તે તમારા શરીર અને કરોડરજ્જુને મજબૂત બનાવે છે અને લવચીકતા વધારે છે.
રક્ત પરિભ્રમણમાં મદદરૂપ
જો રક્ત પરિભ્રમણ સારું હોય તો શરીરના દરેક કામો સારી રીતે થાય છે. શલભાસનથી લોહી પંપ કરવાની ક્ષમતા વધે છે. આ સિવાય તે શરીરના દરેક ભાગમાં લોહીનો પ્રવાહ વધારવામાં મદદ કરે છે.
પીઠના નીચલા સ્નાયુઓને ટોન કરે છે
જો તમે તમારા પીઠના નીચેના સ્નાયુઓને ટોન કરવા માંગતા હોય તો શલભાસન એક સારું આસન બની શકે છે. તે હાથ, જાંઘ, પગ અને પિંડલીને મજબૂત બનાવે છે. ઉપરાંત, તે પેટની ચરબી ઘટાડે છે .
ખભા અને ગરદન માટે ફાયદાકારક
શલભાસન કરતી વખતે, ગરદન અને ખભા પર ખેંચાણ આવે છે, જેના કારણે આ ભાગની માંસપેશીઓ મજબૂત થાય છે. તેથી, શલભાસન કરવાથી તમે સુડોળ ખભા મેળવી શકો છો.
અન્ય ફાયદા
- પાચન તંત્ર માટે સારું.છે
- પીરિયડ્સના દુખાવાને દૂર કરે છે.
- કિડની અને લીવરની તંદુરસ્તી જાળવે છે.
- ભૂખ વધારે છે.
- ચયાપચયને વેગ આપે છે.
- પગ અને જાંઘના સ્નાયુઓને ટોન કરે છે.
સાવધાની
- આ આસાન કરવા માટે વધુ શારીરિક મહેનતની જરૂર પડે છે, તેથી તે હૃદયરોગ અથવા હાઈ બીપીથી પીડિત લોકોએ ન કરવું જોઈએ.
- અલ્સર અને હર્નિયાથી પીડિત લોકોએ આ આસાન કરવાનું ટાળવું જોઈએ.
- શલભાસન કરતી વખતે આ 3 વાતોનું ધ્યાન રાખો
જો તમે પહેલીવાર શલભાસન કરી રહ્યા છો તો થોડી સાવચેતી રાખવી જરૂરી છે. આ ટિપ્સ ફોલો કરીને તમે યોગાસનથી વધુ લાભ મેળવી શકો છો.
1. ખભાની સ્થિતિ
શલભાસન કરતી વખતે ખભાને જમીનની નજીક રાખવા જોઈએ. આ આસન કરવાની આ સાચી રીત છે અને તેનાથી પૂરો ફાયદો મળશે. ઉપરાંત, તમારા ખભાને તમારા કાન સુધી લઇ જવાનું ટાળો.
2. પગના સ્ટ્રેચ
આ મુદ્રામાં તમારે તમારા પગને સીધા રાખીને સ્ટ્રેચ કરવાના હોય છે. આ સિવાય ધ્યાન રાખો કે પગને યોગ્ય મુદ્રામાં લાવવા માટે તેમને યોગ્ય રીતે ઉપર ઉઠાવો.
આ જરૂર વાંચોઃ પેટની લટકતી ચરબીથી થઇ જશે છુમંતર, મલાઈકાની જેમ ઘરે જ કરો આ 1 સિક્રેટ કસરત
3. ગરદન વિશે સાવધાની
શલભાસન કરતી વખતે તમારી ગરદન પર વધારે દબાણ ન કરો. ઈજાથી બચવા માટે તમારી ગરદનને સીધી રાખો.
તમે પણ આ યોગ કરીને આ ફાયદા મેળવી શકો છો. જો તમને પણ યોગ સંબંધિત માહિતી જોઈતી હોય તો લેખની નીચેના કોમેન્ટમાં જણાવો. જો તમને આ લેખ ગમ્યો હોય તો, આવી વધુ માહિતી મેળવવા માટે રસોઈનીદુનિયા સાથે જોડાયેલા રહો.
