શું તમે ખરેખર ખુશ છો? તમે કહેશો હા, હું તમને પૂછું છું કે શું તમે હંમેશા ખુશ રહો છો? સામાન્ય રીતે કેટલી વાર એવું બન્યું છે કે તમે આખી દુનિયાની સામે ખુશ દેખાઈ રહ્યા છો પણ તમે અંદરથી હકીકતમાં ખુશ નથી હોતા. જો કે આ એક એવી સમસ્યા છે જેનાથી વિશ્વભરના ઘણા લોકો સ્સાનો કરી રહયા છે.
વ્યક્તિ ભલે બીજાઓ સાથે ખૂબ લડી લે, પરંતુ જયારે પોતાની જાત સ્સાથે લડવાનું આવે ત્યારે તે લડાઈમાં પરેશાન થઈ જાય છે. તમે ઘણા લોકોને કહેતા સાંભળ્યા હશે કે સુખ મનથી આવે છે અને જો તમે તમારી આજુબાજુની વસ્તુઓ પર ધ્યાન આપશો અને તેમનું સારું અનુભવશો તો ખુશી આપોઆપ આવી જશે. આપણા મનને હંમેશા દુઃખી રાખવાથી વ્યક્તિ માટે ખૂબ જ ખરાબ પરિસ્થિતિ પેદા કરી શકે છે.
આ તે સમય છે જ્યારે તમે તમારી આસપાસની વસ્તુઓમાં સારું જોવાનું બંધ કરો છો અને આ તેમના માનસિક સ્વાસ્થ્યને અસર કરે છે. જો તમે પણ આ સમસ્યાથી ઝઝૂમી રહ્યા છો તો તમને ખબર પડશે કે આ તમારી પર્સનલ અને પ્રોફેશનલ લાઈફ પર કેટલી અસર કરી શકે છે. આજે આ લેખમાં અમે તમને 7 કારણો વિશે જણાવીશું જેના લીધે આપણે હંમેશા ઉદાસ રહીએ છીએ.
હંમેશા ચિંતા કરતા રહેવું : ભવિષ્ય વિશે ચિંતા કરવી તે એકદમ સામાન્ય વાત છે, પરંતુ શું થશે અને કેવી રીતે થશે તે વિશે વિચારતી વખતે તમે તમારા જીવન વિશે સંપૂર્ણપણે ચિંતામાં નથી નાખી શકતા. કોઈ શું વિચારશે તેની ચિંતા કરતા રહેશો તો આ નકારાત્મક લાગણીઓ તમારા મનમાં ઘર કરી લે છે અને તે ક્યારે દુઃખનું કારણ બની જાય છે તેની તમને ખબર પણ નથી પડતી. ઘણી વખત તમે ચિંતામાં એટલા બધા પરેશાન થઈ જાવ છો કે નકારાત્મક લાગણીઓ આવવાથી આપણને હંમેશા દુઃખી રાખે છે.
પછતાવું : તમે ઘણી બધી બાબતોનો અફસોસ કરી શકો છો અને તે જરૂરી નથી કે કોઈ મોટી વસ્તુ જ હોય. તમે કોઈ કપડાં પહેરી શકતા નથી, તમે કોઈને ના પાડી શકતા નથી અથવા તો કોઈ તમારી અંગત સીમા તોડી રહ્યું છે પરંતુ તમે તેને ના પાડી શકતા નથી. કોઈની સાથે ઝઘડો થયો છે અને તમે તેનો સમયસર જવાબ આપી શક્યા નથી.
દરરોજ આવી અનેક બાબતો આપણી સામે આવે છે જેનો આપણને પસ્તાવો થતો રહે છે. તમે કદાચ તેમના પર ધ્યાન પણ નહિ આપતા હોય પરંતુ તમારા મનમાં તમે વિચારો છો કે અરે આજે મારે કાળીને બદલે લાલ સાડી પહેરવી હતી. આ નાની નાની બાબતો તમારી લાગણીઓ બદલવાનું કામ કરે છે.
મનમાં બડબડવું અથવા ફરિયાદ કરવી : આપણે બધાને એક સમયે ખરાબ અનુભવ કરીએ છીએ અને મનમાં ઘણી બધી વાતો વિચારતા રહીએ છીએ. જો તમને કોઈની વાત ગમી નથી તો તેના વિશે વિચારતા રહો છો અને મનમાં તેની સામે ફરિયાદ રાખો છો.
તમે કદાચ જાણતા નહિ હોય પરંતુ કોઈના પ્રત્યે દ્વેષ રાખવાથી તમારા મનને ઘણું નુકસાન થાય છે અને તમને હંમેશા ખરાબ લાગે છે. આ નેગેટિવ એનર્જી જ દુઃખ અને ઉદાસીનું કારણ બની જાય છે અને હંમેશા હૃદય અને મગજમાં સતત ચાલતું રહે છે.
પોતાને દુઃખી અથવા વ્યથિત તરીકે વર્ણવવા માટે : જો તમને હંમેશા એવું લાગે કે આખી દુનિયા તમારી પાછળ પડી ગઈ છે અને તમારી વિરુદ્ધ કામ કરી રહી છે તો તમે હંમેશા દુઃખી જ રહેશો. જો તમે તમારા નસીબને દોષ આપતા રહેશો તો તમે હંમેશા ઉદાસ જ રહેશો.
ભલે તમને લાગતું હોય કે તમારી સાથે ક્યારેય કંઈ સારું નહીં થઈ થાય. દરેક પરિસ્થિતિમાં વિક્ટિમ કાર્ડ રમી શકાતું નથી અને આમ કરવાથી મહિલા સશક્તિકરણનો પ્રશ્ન જ ઊભો થતો નથી. જો તમે હંમેશા માનતા હોવ કે ‘મારું નસીબ જ ખરાબ છે’ તો આ પણ તમારા દુઃખનું કારણ બની શકે છે.
હંમેશા જીદ્દી રહેવું : આપણે હંમેશા વિચારતા રહીશું કે આપણે જે વિચાર્યું છે તે જ સાચું છે તો તે સાવ ખોટું છે. તમારા જીવનની એક એક મિનિટનો સારી રીતે માણવા માટે તમારે થોડી ઢીલ આપવી પડશે. જો તમે પણ હંમેશા જીદને વળગી રહેશો તો ધીમે ધીમે લોકો તમારાથી દૂર થવા લાગશે અને તમે ખુશ રહી શકશો નહીં. તમારી પોતાની વ્યક્તિગત સીમાઓ નક્કી કરવી બરાબર છે પરંતુ કેટલીકવાર તમારે પરિસ્થિતિને અનુરૂપ પણ થવું પડે છે.
હંમેશા સરખામણી : એક વાત તમારે સમજવી પડશે કે માનસિક શાંતિ અને ખુશી તમને ત્યારે જ મળે છે જ્યારે તમે તમારી જાતથી ખુશ હોય. સમાજ ગમે તેમ કરીને આપણી સરખામણી દરેક સાથે કરતો રહે છે પરંતુ જો તમે તમારી સરખામણી કોઈની સાથે કરતા રહેશો તો તમે ક્યારેય પણ ખુશ રહી શકશો નહીં.
તમારે તે સમજવું જોઈએ કે દરેક વ્યક્તિ અલગ છે, દરેકની કહાની અલગ છે અને દરેકના સંજોગો પણ અલગ છે. કદાચ તમારી પાસે જે છે તે કોઈ બીજા માટે માત્ર એક સપનું હોય છે. તમારી જાતને ક્યારેય આંકશો નહીં અને હંમેશા તમારી જાતને કોઈની સાથે પણ સરખાવશો નહીં.
પોતાને સુધારવા માટે કામ ના કરવું : જો તમે તમારી જાતને સુધારવાનો વિચાર નથી કરતા તો તો ખોટું છે. તમારે તમારી જાતને ખુલ્લી રાખીને વિવિધ પ્રકારની વસ્તુઓ પર ધ્યાન આપવું પડશે. તમારામાં કોઈ પણ વસ્તુની ઉણપ નથી, આ લાગણી હંમેશા મગજમાં રાખવી જોઈએ.
પરંતુ તેનો અર્થ એ નથી કે તમે એવું વિચારવાનું શરૂ કરો કે તમે પણ બધું છો અને કોઈની જરૂર પડશે નહિ. પડકારો, આઘાત વગેરે માટે પણ વ્યાવસાયિક મદદની જરૂર પડી શકે છે. તમે દુનિયાને હંમેશા ખુશ અને તેજસ્વી જોઈ શકશો. આ બધી બાબતો હોય છે જે આપણી સાથે લગભગ દરરોજ થાય છે અને આપણે તેના વિશે કોઈને પણ કહી શકતા નથી.
આપણે પોતે પણ એ નથી સમજી શકતા કે આપણે શા માટે ઉદાસ છીએ, પણ નાની નાની બાબતો જ તમને હંમેશા દુઃખી રાખે છે. ધીમે ધીમે કરીને તમારામાં પરિવર્તન લાવવાનો પ્રયાસ કરશો તો આજ તમારા માટે વાસ્તવિક વિજય હશે. જો તમને આ લેખ ગમ્યો હોય તો રસોઈનીદુનિયા સાથે જોડાયેલા રહો.
Comments are closed.