ઉનાળામાં ગરમીના કારણે આપણી ત્વચાને ઘણી મુશ્કેલી પડે છે. ધૂળ-માટી, ગંદકી અને સતત પરસેવો થવાને કારણે ખીલ અને લાલ ફોલ્લીઓ થઇ જાય છે. ઉનાળામાં આપણે સૂર્યના સંપર્કમાં આવવાથી ત્વચાની ટેનિંગ સાથે સંઘર્ષ કરીએ છીએ.
ઓઈલી સ્કિન ધરાવતી મહિલાઓમાં બ્રેકઆઉટ થવાની સંભાવના વધારે રહે છે. આવી સ્થિતિમાં, બજારમાં મળતી પ્રોડક્ટ તમારી ત્વચાની સંભાળ રાખવાનો દાવો તો કરે છે, પરંતુ તેનાથી કોઈ ખાસ ફર્ક પડતો નથી.
આવી સ્થિતિમાં તમે ફુદીના અને કાકડીનો ફેસ પેકને લગાવીને આ સમસ્યાઓથી રાહત મેળવી શકો છો. ફુદીનો ત્વચા માટે તાજગી આપનાર અને સુખદાયક સામગ્રી છે. તેના અદ્ભુત ગુણો જ તેને સ્કિન કેર માટે વપરાતી શ્રેષ્ઠ વનસ્પતિઓમાંની એક બનાવે છે.
તેમાં એન્ટિસેપ્ટિક, એન્ટિબેક્ટેરિયલ, એન્ટિમાઇક્રોબાયલ અને એન્ટિ-ઇન્ફ્લેમેટરી ગુણધર્મો હોય છે, તેથી તે ત્વચાની બળતરા, ખીલ, ડાઘ વગેરે માટે કુદરતી ક્લીંજર છે. તે ત્વચાને ઠંડક આપે છે અને સૈલિસિલિક એસિડ અને એન્ટીઑકિસડન્ટોથી સમૃદ્ધ છે, જે તેને સ્કિન કેર ફેસ પેક માટે સારી પસંદગી બનાવે છે.
હવે જોઈએ કાકડી કેમ, તો કાકડી ત્વચાના તેલનું સંતુલન જાળવવામાં મદદ કરે છે. તે છિદ્રોને કડક કરીને અને સીબમનું ઉત્પાદન ઘટાડવાનું કામ કરે છે, જેનાથી ખીલને ઘટાડવામાં મદદ મળે છે. કાકડીથી ત્વચાનું pH લેવલ પણ જળવાઈ રહે છે.
ટૈન માટે ફુદીનો-કાકડીનો ઉપયોગ : ફુદીનામાં વિટામિન એ અને સી હોય છે, જે સનબર્ન અને સન ટૈનથી રાહત આપે છે. તે ત્વચાને ઠંડક આપે છે અને કાકડીમાં ભરપૂર માત્રામાં એન્ટીઓક્સીડેન્ટ હોય છે જે ત્વચાની બળતરા અને ટૈનને ઠીક કરવામાં મદદ કરે છે.
સામગ્રી : 1/2 કપ કાકડી અને 1/2 કપ ફુદીનો. હવે સૌથી પહેલા ફુદીનાના પાન અને કાકડીને સાફ કરીને ધોઈ લો અને બ્લેન્ડરમાં બ્લેન્ડ કરો. પછી આ પેસ્ટને 5 મિનિટ માટે ફ્રીજમાં રાખો. ફ્રિજમાંથી કાઢીને તેને ચહેરા અને ગરદન પર લગાવીને 20 મિનિટ માટે છોડી દો. 20 મિનિટ પછી ધોઈ લો.
ખીલ માટે ફુદીનો, લીમડો, ગુલાબજળ અને કાકડીનો ફેસ પેક : ઘણા ફેસવોશ અને ક્રીમમાં રહેલા ફુદીનાના ઘટકો ખીલ દૂર કરવામાં મદદ કરે છે અને તેથી તે હઠીલા ડાઘ અને ખીલ દૂર કરવા માટે અસરકારક ઉપાય છે . તેમાં સૈલિસિલિક એસિડ હોય છે. ગુલાબજળ એક કુદરતી એસ્ટ્રિંજન્ટ છે જે ચહેરાને સાફ કરે છે અને હાઇડ્રેટ કરે છે. લીમડો ખીલની લાલાશ ઘટાડવામાં મદદ કરે છે અને ત્વચાની ગંદકી સાફ કરે છે.
સામગ્રી : 1/2 કપ ફુદીનો, 6-7 લીમડાના પાન, 1/2 કપ કાકડી અને 2 ચમચી ગુલાબજળ. હવે ફુદીનો, કાકડી અને લીમડાના પાનને સારી રીતે સાફ કરીને બ્લેન્ડ કરો. પછી તેમાં ગુલાબજળ ઉમેરીને મિક્ષ કરી લો. આ પેસ્ટને ચહેરા પર સારી રીતે લગાવીને 10 મિનિટ રહેવા દો. પછી તમારા ચહેરાને હૂંફાળા પાણીથી ધોઈ લો કરો.
ચમકતી ત્વચા માટે ફુદીનો, ઓટ્સ, કાકડી અને મધનો ફેસ પેક : મધ ભરાયેલા છિદ્રોને ઊંડે સુધી સાફ કરે છે. તે ત્વચાને હાઇડ્રેટેડ અને સ્વસ્થ રાખે છે. ઓટ્સ તમારી શુષ્ક ત્વચા પર મોઇશ્ચરાઇઝિંગ સ્ક્રબ તરીકે કામ કરે છે અને છિદ્રોમાંથી ગંદકી અને તેલ સાફ કરે છે. જો તમે સારા સ્ક્રબર સાથે મોઇશ્ચરાઇઝિંગ ક્લીન્સર શોધી રહ્યા છો તો આ ફેસ પેકનો ઉપયોગ કરો.
સામગ્રી : 1 ચમચી ઓટ્સ, 1/2 કપ ફુદીનો, 1/2 કપ કાકડી અને 1 નાની ચમચી મધ. આ બધી સામગ્રીને ધોઈને સાફ કરીને બ્લેન્ડરમાં બ્લેન્ડ કરો. જો પેસ્ટ થોડી જાડી હોય તો તેમાં થોડું ગંગાજલ ઉમેરો. પછી તૈયાર કરેલી પેસ્ટને તમારા ચહેરા અને ગરદન પર લગાવીને 20 મિનિટ રહેવા દો. પછી, તેને સ્ક્રબ કરીને સાફ કરો અને ચહેરાને ઠંડા પાણીથી ધોઈ લો.
આ ફેસ પેક ફક્ત તમારી ત્વચાને નિખારવાનું કામ કરશે નહીં, પરંતુ તમને ત્વચાની તમામ સમસ્યાઓથી પણ રાહત આપશે. આ ફેસ પેક લગાવતી વખતે એ વાતનું ધ્યાન રાખો કે તમારે પહેલા એક નાનો ટેસ્ટ કરવાનો છે. જો કોઈપણ સામગ્રીથી એલર્જી હોય તો આ પેકનો ઉપયોગ ના કરો.
જો તમને આ માહિતી ગમી હોય તો બીજાને પણ મોકલો. જો તમે ક્યારેય આમાંથી કોઈપણ ફેસ પેકનો ઉપયોગ કર્યો હોય તો તમારા અનુભવો પણ જણાવજો. આવી જ બ્યુટી ટિપ્સ વાંચવા માટે
રસોઈનીદુનિયા સાથે જોડાયેલા રહો.
