ઉંમર વધવાની સાથે દરેક વ્યક્તિનું શરીર અને મન બંને નબળા પડવા લાગે છે. આ સમયગાળા દરમિયાન, લોકો ઘણીવાર ભૂલવાની બીમારીથી પીડાય છે. પરંતુ આજકાલ યુવાનોમાં પણ ભૂલી જવાની સમસ્યા જોવા મળી રહી છે. લોકોની યાદશક્તિ નાની ઉંમરમાં જ નબળી પડવા લાગી છે. લોકો વસ્તુઓ રાખવા અને ભૂલી જવા લાગ્યા છે. આ ભુલાઈને કારણે લોકો આજનું કામ કાલે પૂરું કરે છે, હવે સવાલ એ થાય છે કે તમે યુવાન હોવા છતાં તમારી સાથે આવું કેમ થઈ રહ્યું છે. આ સવાલનો જવાબ ચાલો જાણીયે, એમડી મેડ, ડીએમ ન્યુરોલોજીસ્ટ ડો. પ્રિયંકા સહરાવત (દિલ્હી એઈમ્સ) પાસેથી. તેમને તેમના ઈન્સ્ટાગ્રામ એકાઉન્ટ પરથી આ અંગે એક પોસ્ટ શેર કરી છે. તેમણે જણાવ્યું કે યાદશક્તિ નબળી થવાના મુખ્ય ત્રણ કારણો છે. ચાલો જાણીએ આ 3 કારણો વિશે.
આ ત્રણ કારણોને લીધે તમારી યાદશક્તિ નબળી પડી રહી છે.
નિષ્ણાતોના મતે, જો તમારામાં વિટામિન B12 ની ઉણપ છે તો તમારી યાદશક્તિ નબળી પડી શકે છે. વિટામીન B12 તમારા જ્ઞાનતંતુઓને નુકસાન પહોંચાડે છે એટલું જ નહીં યાદશક્તિમાં પણ ઘટાડો કરે છે. જેમ જેમ વિટામીન B12નું સ્તર ઘટતું જાય છે તેમ તેમ તમારી યાદો ઝાંખી થઈ શકે છે. વિચારવું અને સમજવું અઘરૂ લાગી શકે છે. જો તમે આજકાલ નાની-નાની બાબતોને પણ ભૂલી જવા લાગ્યા છો, તો તમારે વિટામિન B12ના સ્તર પર ધ્યાન આપવું જોઈએ.
આજકાલ દરેક બીજી વ્યક્તિ હાઈપોથાઈરોડિઝમની સમસ્યાથી પીડાઈ રહી છે. જેના કારણે લોકોની યાદશક્તિ પણ નબળી પડી રહી છે. હાઇપોથાઇરોડિઝમથી પીડિત લોકોને ઘણીવાર વસ્તુઓ યાદ રાખવામાં અને ધ્યાન કેન્દ્રિત કરવામાં મુશ્કેલી પડે છે.
View this post on Instagram
નિષ્ણાતોના મતે, જો તમારામાં એકાગ્રતાનો અભાવ હોય તો જ તમારી યાદશક્તિ નબળી પડી શકે છે. નિષ્ણાતો કહે છે કે વ્યસ્ત જીવનશૈલીમાં આપણે એકસાથે અનેક કામો કરીએ છીએ. મલ્ટિ-ટાસ્કિંગને કારણે, આપણે કોઈપણ કાર્ય પર સંપૂર્ણ ધ્યાન આપતા નથી, આવી સ્થિતિમાં વસ્તુઓ યાદ રાખવી મુશ્કેલ બની શકે છે.
