આપણે બધા આજની જીવનશૈલીમાં ખૂબ જ વ્યસ્ત હોઈએ છીએ, ખાસ કરીને મહિલાઓ ઘર અને બહારની જવાબદારીઓ નિભાવવામાં ખૂબ જ વ્યસ્ત હોય છે. તેથી જ આપણને સારી રીતે કસરત કરવા માટે સમય નથી મળતો. તે આપણને આળસુ બનાવે છે અને આપણા સ્વાસ્થ્યને માટે પણ નકારાત્મક અસર કરે છે અને આ કારણે આપણું વજન પણ ઝડપથી વધી રહ્યું છે.
જો કે વ્યસ્ત જીવનશૈલીના કારણે આપણે જીમમાં જવા માટે અથવા કોઈપણ રમત રમવા માટે સમય કાઢી શકતા નથી, પરંતુ આપણે રાત્રિભોજન પછી ચાલવા માટે થોડો તો સમય કાઢી શકીએ છીએ. ચાલવાના ફાયદાઓ વિશે આપણે પહેલેથી જ બધા જાણીએ છીએ, પરંતુ રાત્રિભોજન પછી ચાલવાથી આપણને રાત્રિભોજન અને ઊંઘ વચ્ચેનું અંતર પણ મળે છે જે ખૂબ જ મહત્વપૂર્ણ છે.
વજનને નિયંત્રિત કરવાની સાથે સાથે તે આપણને ઘણી બધી સમસ્યાઓથી બચાવે છે. રાત્રિભોજન પછી ચાલવું આપણા માટે કેવી રીતે ફાયદાકારક છે તે જાણવા માટે, ચાલો આ લેખ દ્વારા આ વિશે વિગતવાર જાણીએ. તમારે જમ્યા પછી તરત જ ઊંઘવું ના જોઈએ. શરીરની કેટલીક શારીરિક પ્રવૃત્તિ જરૂરથી કરવી જોઈએ.
તમે રાત્રે જમ્યા પછી કસરત કરી શકતા નથી તો તમારો શ્રેષ્ઠ વિકલ્પ છે કે જમ્યા પછી થોડું ચાલવું. રાત્રિભોજન પછી ચાલવાથી ખોરાક સારી રીતે પચી જાય છે. તમારું મેટાબોલિઝમ સુધરે છે અને ચાલવાથી થોડી હલચલ થાય છે જેનાથી ઊંઘ પણ સારી આવે છે. વજન ઘટાડવામાં પણ મદદ કરે છે અને ભવિષ્યમાં પણ ઘણી સમસ્યાઓથી બચી શકાય છે.
રાત્રે આવે છે સારી ઊંઘ : રાત્રિભોજન પછી ચાલવાથી શારીરિક તંદુરસ્તી સાથે આપણને કેટલાક માનસિક લાભ પણ મળે છે. જો તમને લાગે છે કે તમને રાત્રે સૂવામાં તકલીફ થઈ રહી છે તો રાત્રિભોજન પછી થોડીવાર ચાલવા જાઓ, તમને જલ્દી જ સારું પરિણામ જોવા મળશે. રાત્રે ચાલવાથી તણાવ પણ દૂર થાય છે.
ઇમ્યુનીટી મજબૂત બને છે : રાત્રિભોજન પછી ચાલવાથી રોગપ્રતિકારક શક્તિ વધારવામાં મદદ મળે છે કારણ કે તે તમારા શરીરમાંથી ઝેરી તત્વોને બહાર કાઢે છે અને તમારા આંતરિક અવયવોને વધારે સારી રીતે કાર્ય કરવામાં મદદ કરે છે. સારી ઇમ્યુનીટી તમને ફ્લૂ, સામાન્ય શરદી અને બીજી ઘણી ગંભીર બીમારીઓથી બચાવે છે.
પાચનમાં સુધારો થાય છે : ચાલવાથી પાચનતંત્ર સારી રીતે કામ કરે છે. રાત્રિભોજન પછી ચાલવાથી આપણું શરીર વધુ ગેસ્ટ્રિક ઉત્સેચકો ઉત્પન્ન કરે છે. તે આપણને સારી પાચન પ્રણાલી પ્રદાન કરે છે જે પેટનું ફૂલવું ઘટાડે છે, કબજિયાતની શક્યતા ઓછી કરે છે અને પેટ સંબંધિત બીજી કોઈપણ સમસ્યામાંથી રાહત આપે છે.
ચયાપચયને વેગ આપે છે : જો તમે તમારા મેટાબોલિજ્મને વધારવા માંગતા હોય તો તમારે ખોરાક ખાધા પછી તરત જ સૂવાને બદલે ચાલવા જવું જોઈએ. આ તમને આરામ કરતા વધુ કેલરી બર્ન કરશે. આનો અર્થ એ છે કે તમારા શરીરની બધી ચરબીની સાથે તમારા પેટની ચરબી ઘટાડવાનું સરળ બની જશે. તેથી રાત્રિભોજન પછી ચાલવું તમને વજન ઘટાડવામાં મદદ કરી શકે છે.
ડિપ્રેશનમાં મદદ કરે છે : જો તમને ડિપ્રેશન જેવું લાગે છે તો ચાલવું તમારા માટે ફાયદાકારક હોઈ શકે છે કારણ કે તે તમારા શરીરમાં એન્ડોર્ફિન છોડે છે અને તણાવ દૂર કરે છે. તે તમને વધુ સારું અનુભવ કરાવે છે અને તમારા મૂડને વધારે છે. આમ રાત્રિભોજન પછી ચાલવાથી તમને ખુશ કરવામાં મદદ મળશે.
એનર્જી લેવલ વધારે છે : શું થાય છે જ્યારે તમારું ચયાપચય ઝડપી બને છે ત્યારે તમારું સ્વાસ્થ્ય સુધરે છે અને માત્ર ચાલવાથી તમારું જીવન વધુ સારું બને છે. તમારી પાસે વધુ ઉર્જા છે અને ઉર્જાનો આ વધારાનો ડોઝ તમારા જીવનના દરેક અન્ય ક્ષેત્રમાં ફાયદાકારક બની શકે છે.
બ્લડ શુગર લેવલ કંટ્રોલ કરે છે : ભોજન કર્યાના 30 મિનિટ પછી તમારા શરીરમાં બ્લડ સુગરનું સ્તર વધવા લાગે છે. જો તમે રાત્રિભોજન પછી ફરવા જાઓ છો તો તમારા શરીરમાં ગ્લુકોઝનો કેટલોક ભાગ વપરાતો હોય છે. મતલબ કે જમ્યા પછી ચાલવાથી બ્લડ શુગર લેવલ કંટ્રોલમાં રહે છે જેનાથી હાઈપરગ્લાયસીમિયાનું જોખમ દૂર થાય છે.
જમ્યા પછી તરત સૂવું એ સારું નથી કારણ કે તે વજન વધી શકે છે. તમે તમારા શરીરને અમુક કેલરી બર્ન કરવા માટે પૂરતો સમય આપતા નથી. જ્યારે તમે ઊંઘો છો ત્યારે તમારી પાચન તંત્રને ખોરાકને પચવામાં પૂરતો સમય મળતો નથી. તેનાથી કબજિયાત, પેટનું ફૂલવું જેવી સમસ્યાઓ થાય છે.
જો તમે વજનને કંટ્રોલ કરવાની સાથે આ બધા ફાયદા મેળવવા માંગતા હોય તો દરરોજ રાત્રિભોજન પછી થોડું ચાલવાનું રાખો. આવી જ બીજી જાણકારી મેળવવા માટે રસોઈનીદુનિયા સાથે જોડાયેલા રહો.
