સોજીનો શીરો બનાવવાની રીત, આ રીતે તમે પહેલા ક્યારેય નહીં બનાવ્યો હોય

શું તમે પણ ઘરે સોજીનો શીરો બનાવવા માંગો છો? જો હા, તો તમારે આ રેસિપી અંત સુધી જરૂર વાંચવી જોઈએ. આજે અમે તમને સોજીનો શીરો બનાવવાની રીત સ્ટેપ બાય સ્ટેપ રેસીપી જણાવીશું, જેથી તમે કોઈપણ ભૂલ વગર તમારા ઘરે બનાવી શકશો.

સામગ્રી

• સોજી – 1 કપ
• ઘી – 1 કપ
• ચણાનો લોટ – 1 ચમચી
• કેસર દોરા
• એલચી પાવડર – 1/2 ચમચી
• સમારેલી બદામ – 1 ચમચી
• સમારેલા કાજુ – 1 ચમચી
• પિસ્તા
• કિસમિસ – 1 ચમચી

પરફેક્ટ સોજીનો શીરો બનાવવાની રીત

• પરફેક્ટ સોજીનો શીરો બનાવવા માટે, એક પેનને ગેસ પર મૂકો અને તેમાં 1 કપ ઘી માંથી અડધું ઘી ઉમેરો (રેસીપીમાં પાછળથી વાપરવા માટે 4 ચમચી ઘી બાજુમાં રાખો).
• ઘી ઓગળે પછી તેમાં 1 કપ સોજી ઉમેરો અને ધીમી આંચ પર સોજીનો રંગ બદલાય ત્યાં સુધી સારી રીતે શેકો.
• એક મિનિટ શેક્યા પછી તેમાં 1 ચમચી ચણાનો લોટ (તમે ઘઉંનો લોટ પણ વાપરી શકો છો) ઉમેરો અને હલાવતા રહો.
• ગેસ પર એક તપેલી મૂકો, તેમાં 3 કપ પાણી, 1 ચમચી ઘી, થોડા કેસરના દોરા (કેસરી ફૂડ કલર પણ લઇ શકો), 1/2 ચમચી એલચી પાવડર ઉમેરો અને સારી રીતે ગરમ કરો.
• સોજીનો રંગ બદલાઈ જાય પછી તેમાં 1 ચમચી સમારેલી બદામ, 1 ચમચી સમારેલા કાજુ, ઝીણા સમારેલા પિસ્તા અને 1 ચમચી કિસમિસ નાખીને 30 સેકન્ડ માટે પકાવો.
• 30 સેકન્ડ પછી ગેસ બંધ કરી દો.
• હવે તપેલીમાં ગરમ કરેલું થોડું-થોડું ગરમ પાણી ઉમેરો અને સારી રીતે મિક્સ કરો.
• ફરી થી ગેસ ચાલુ કરો અને શીરાને 1 મિનિટ માટે પકાવો.
• 1 મિનિટ પછી તેમાં 1 કપ ખાંડ ઉમેરીને બરાબર મિક્ષ કરી લો.
• હવે 2 ચમચી ઘી ઉમેરો અને સારી રીતે મિક્સ કરો.
• ગેસ બંધ કરો અને શીરાને સમારેલા ડ્રાયફ્રુટ્સથી ગાર્નિશ કરો.
• હવે તમારો પરફેક્ટ સોજીનો શીરો બનીને તૈયાર થઇ ગયો છે, તમે પણ એકવાર આ રીતે શીરો જરૂર બનાવીને ટ્રાય કરો.

જો તમને અમારી પરફેક્ટ સોજીનો શીરો બનાવવાની રીત પસંદ આવી હોય તો શેર કરજો. આવી અવનવી વાનગી જાણવા માટે રસોઈનીદુનિયા ફેસબુક પેજને ફોલો કરો.