ઘરના દરેક રસોડામાં બટાકાનો ઉપયોગ થતો હોય છે. ક્યારેક, જ્યારે પણ આપણે ટેસ્ટી પરાઠા અને સ્ટફ્ડ સેન્ડવીચનું નામ સાંભળીએ છીએ ત્યારે બટાકાનો વિચાર આપણા મનમાં આવી જ જાય છે. માત્ર રસોડામાં જ નહીં, પરંતુ ત્વચાને લગતી ઘણા પ્રકારની સમસ્યાઓને પણ બટાકાની મદદથી છુટકારો મેળવી શકાય છે.
ક્યારેક બટાકાના ટુકડા ચહેરાની ચમક વધારવા માટે ક્યારેક ડાર્ક સર્કલ ઘટાડવા માટે ઉપયોગ કરવામાં આવે છે. પણ શું તમે ક્યારેય વિચાર્યું છે કે બટાકાથી ઘરની ઘણી વસ્તુઓને પણ સાફ કરી શકાય છે. પણ હા, જો આપણે કહીએ કે બટાકા એ શ્રેષ્ઠ સફાઈ ઇન્ગ્રિડિયન્ટ છે, તો તે કહેવું ખોટું નથી. ચાલો જાણીએ કે ઘરની ઘણી વસ્તુઓ સાફ કરવા માટે બટાકાનો ઉપયોગ કેવી રીતે થઈ શકે છે.
1. બળેલા વાસણોમાંથી હઠીલા ડાઘ દૂર કરવા
જો રસોઈ કરતી વખતે વાસણમાં ખોરાક બળી જાય છે, તો બટાકાના ટુકડાને લીંબુના રસમાં મિક્સ કરીને વાસણ પર બળી ગયેલા ભાગ પર ઘસો. બટાકાને બળી ગયેલી જગ્યા પર 20 મિનિટ માટે રહેવા દો અને પછી તેને સ્ક્રબથી સારી રીતે ઘસો અને વાસણને સાફ પાણીથી સાફ કરો.
2. કાટવાળી કડાઈ
બટાકામાં ઓક્સાલિક એસિડ જોવા મળે છે, જે કાટને દૂર કરવામાં મદદ કરે છે. તેથી જ તમે કાટવાળી લોખંડની કડાઈને એકદમ પહેલા જેવી કરવા માટે બટાકાનો ઉપયોગ કરી શકો છો. આ માટે બટાટાને લાંબા સ્વરૂપમાં અડધો કાપીને, કપાઈ ગયેલા ભાગને ડીશ સાબુ અથવા બેકિંગ સોડામાં ડુબાડીને કાટવાળા ભાગમાં ઘસો.
જો બટાકાનો છેડો ચીકણો થઈ જાય તો તેને કાપીને, નવા કાપેલા છેડાને લીકવીડમાં ડુબાડો. જ્યાં સુધી કાટ ન જાય ત્યાં સુધી આ રીતે પુનરાવર્તન કરો અને પછી કડાઈને પાણીથી ધોઈ અને સુકાવો.
3. કાળી પડી ગયેલી ચાંદી સાફ કરો
ચાંદી સાફ કરવા માટે ઉકાળેલા પાણીનો ઉપયોગ કરી શકાય છે. જ્યારે પણ તમે બટાકાને બાફો છો, ત્યારે તેના બાકી રહેલા પાણીમાં કાળી પડી ગયેલી ચાંદીના દાગીના નાખો. બટાકાનું સ્ટાર્ચ પાણી ચાંદીના દાગીનાને સારી ચમક આપે છે.
આ માટે, બાફેલા બટાકાના પાણીમાં ચાંદીને ઓછામાં ઓછા એક કલાક માટે રહેવા દો. 1 કલાક પછી, તેને બ્રશથી સાફ કરો અને તેને સાફ પાણીથી ધોઈ લો. ચાંદી ચમકશે.
4. ચપ્પુ પાર લાગેલા કાટને સાફ
રસોડાના માં રહેલી બધી વસ્તુમાં સૌથી વધુ છરીઓ વધારે વપરાય છે અને તે ખૂબ જ ઝડપથી તેના પર રસ્ટ લાગી જાય છે અને તે શાકભાજીને પણ બગાડે છે. બટાકા રસ્ટને સાફ કરી શકે છે, ઉદાહરણ તરીકે, કાટવાળું છરી પોલિશ કરવા માટે બટાકાનો ઉપયોગ કરી શકાય છે. આ માટે, કાટવાળા ભાગ પર બટાકાનો ટુકડો ઘસવો અને તેને 5 મિનિટ માટે છોડી દો. 5 મિનિટ પછી, તેને પાણીથી સાફ કરો અને તેને સુકવી દો.
આ પણ વાંચો: સોજી અને બટાકાનો સ્વાદિષ્ટ નાસ્તો, ખાધા પછી બધા તમને પૂછશે કે તમે તેને કેવી રીતે બનાવ્યો
5. બારીઓ સાફ કરો
બટાકાને કાપીને બારી પર ઘસો અને સૂકા કપડાથી સાફ કરો જ્યાં સુધી તે ચમકે નહીં. આ માટે, સૌ પ્રથમ, બટાકાથી સૌથી પહેલા બારીના તે ભાગને સાફ કરો જેમાં હઠીલા પાણીના ડાઘ છે. તે પછી બાકી જગ્યાએ બટાકાની સ્લાઇસ ઘસો અને તેને પાણીથી સાફ કરો. સાફ કર્યા પછી, તેમને સારી રીતે સૂકવો.
6. લાકડાનું ફર્નિચર સાફ કરો
બટાકાના ટુકડાઓનો ઉપયોગ લાકડાના ફર્નિચરને સાફ કરવા માટે કરી શકાય છે. આ માટે, તમે એક ચમચી મીઠું, સફેદ વિનેગર અને છીણેલા કાચા બટાકા મિક્સ કરો. આ મિશ્રણને લાકડાના ફર્નિચર પર ઘસો અને પછી તેને નરમ કપડાથી સાફ કરો.
પરંતુ ધ્યાન રાખો કે આખું ફર્નિચર સાફ કરતા પહેલા, આ મિશ્રણને ફર્નિચરના નાના ભાગમાં લગાવીને તપાસો. તે અલગ પ્રકારના લાકડા પર અલગ અલગ અસર કરી શકે છે.
7. ચામડાનાં શુઝ સાફ કરો
જો તમારા ચામડાના શૂઝ ગંદા દેખાઈ રહ્યા છે, તો કાચા બટાકાને અડધું કાપી, તેને તમારા બૂટને બધી જગ્યા પર ઘસો. તેને 5 મિનિટ માટે આમ જ છોડી દો. થોડા સમય પછી, સૂકા કપડાથી પગરખાંને સાફ કરો.
8. કાર્પેટના ડાઘ
જો ઘરના કાર્પેટ પર ટોમેટો કેચઅપના હઠીલા ડાઘ હોય તો તેને બટાકાની મદદથી સાફ કરી શકાય છે. આ માટે, તમે ડાઘાવાળા ભાગમાં બટાકાનો ટુકડો ઘસો અને બટાકાના પાણીથી આ ડાઘ સાફ કરવાનો પ્રયત્ન કરો. તેને થોડા સમય માટે આમ જ છોડી દો અને લગભગ અડધા કલાક પછી ડાઘવાળા ભાગને પાણીથી સાફ કરો.
આ સિવાય, તમે કપડાંમાંથી હઠીલા ડાઘ પણ દૂર કરી શકો છો. આ માટે, 2 કાચા બટાકા ધોઈ લો અને અડધા લિટર પાણીથી ભરેલા બાઉલમાં છીણી લો. પછી છીણેલા બટાકા કાઢો અને તેટલું જ પાણી ઉમેરો. 10-15 મિનિટ રાહ જુઓ. બટાકાના પાણીમાંથી ડાઘ દૂર કરવા માટે સ્પોન્જનો ઉપયોગ કરો, તેને સારી રીતે સાફ કરો અને પછી તેને સ્વચ્છ ઠંડા પાણીથી ધોઈ લો.
તમને અમારી આ પોસ્ટ પસંદ આવી હોય તો આગળ જરૂરથી કરજો, બીજા સુધી આ માહિતી પહોંચે. ગુજરાતી ભાષામાં આવી અવનવી ,સ્વાસ્થ્ય, ટિપ્સ અને ટ્રીક, રેસિપી જોવા અને નવી- નવી રેસિપી ઘરે બેસી જાણવા અને શીખવા માટે અમારાં Page” રસોઈ ની દુનિયા ને Like & Follow કરો. Follow કરવાં માટે અહી Click કરો રસોઈ ની દુનિયા.
