ઉનાળામાં સમયમાં ત્વચા પર બળતરા એ એક સામાન્ય સમસ્યા છે. આ સમસ્યા કોઈપણ ઉંમરની વ્યક્તિને અસર કરી શકે છે. પરંતુ કેટલાક લોકો પગના તળિયા પર બળતરા અનુભવે છે. જો કે આ કોઈ ગંભીર સમસ્યા નથી, પરંતુ આના ઘણા કારણો હોઈ શકે છે.
જો તમારા શરીરમાં વિટામિન્સની ઉણપ છે અથવા હોર્મોનલ ફેરફારો થઈ રહ્યા છે, તો તમે પગના તળિયા પર બળતરા અનુભવી શકો છો. ઉનાળાની ઋતુમાં આ સમસ્યા વધી જાય છે. ખાસ કરીને જો તમે તડકામાં ઘરની બહાર વધુ જાઓ છો અથવા લાંબા સમય સુધી ગરમીમાં રહો છો.
આ સાથે જો તમે જરૂર કરતા ઓછું પાણી પીઓ છો, તો તમારે આ સમસ્યાનો સામનો કરવો પડી શકે છે. પગના તળિયામાં બળતરાની સમસ્યાને દૂર કરવા માટે મેડિકલ ટ્રીટમેન્ટ પણ છે અને ઘરગથ્થુ ઉપચારથી પણ આ સમસ્યાથી છુટકારો મેળવી શકાય છે. આજે અમે તમને એવી જ કેટલીક સરળ ટિપ્સ જણાવીશું જે તમને આ સમસ્યાને દૂર કરવામાં મદદ કરશે.
સૌ પ્રથમ જાણીએ પગના તળિયામાં બળતરાના કારણો: જો તમારા શરીરમાં વિટામિન-B12 અથવા B6 ની ઉણપ છે તો પગમાં બળતરા થઈ શકે છે. જો તમે આલ્કોહોલનું વધુ સેવન કરો છો, તો તેનાથી પગમાં બળતરા થઈ શકે છે. જો તમારા શરીરમાં કોઈ કિડનીને લગતી સમસ્યા છે તો તેના કારણે પગના તળિયામાં બળતરા પણ થઈ શકે છે.
શરીરમાં હોર્મોનલ અસંતુલન થવાના કારણ પણ બળતરાનું કારણ બની શકે છે. આ સિવાય જો તમે કોઈ રોગ કે બીમારી માટે દવા લઈ રહ્યા છો, તો તેના કારણે તમને બળતરા પણ થઈ શકે છે. હવે જાણીએ બળતરા દૂર કરવાના ઘરેલુ ઉપાય વિષે.
ઘાસ પર ખુલ્લા પગે ચાલો: ઘાસ પર ખુલ્લા પગે ચાલવાના ઘણા ફાયદા છે. ઘાસ પર ચાલવાથી સારી ઊંઘ આવે છે. ઘાસ પર ચાલવાથી પગનો સોજો ઓછો થાય છે. ઘાસ પર ચાલવું આપણા માનસિક સ્વાસ્થ્ય માટે સારું માનવામાં આવે છે. ઘાસ પર ચાલવું હૃદયના સ્વાસ્થ્ય માટે ખૂબ સારું છે.
ઘાસ પર ચાલવાથી આંખોના સ્વાસ્થ્ય પર પણ સારી અસર પડે છે. જો તમારા પગમાં બળતરા થતી હોય તો તમારે સવારે થોડા સમય માટે લીલા ઘાસ પર ખુલ્લા પગે ચાલવું જોઈએ. તમને જણાવી દઈએ કે ઘાસમાં બળતરા વિરોધી ગુણ હોય છે.
આ સાથે સવારે આછા તડકામાં ચાલવાથી પણ વિટામિન-ડી મેળવવામાં મદદ મળશે. ટિપ્સ – ભીના ઘાસ પર ન ચાલવું. આનાથી તમારા પગની ચામડી ફોગાઇને ઓગળી શકે છે અને ફાટી શકે છે.
મહેંદીનો ઉપયોગ કરો: મહેંદી ગરમ કરીને પગમાં લગાવવાથી દુખાવો ઓછો થાય છે. તમને જણાવીએ કે મહેંદી ઠંડી હોય છે. તેને પગના તળિયા પર લગાવવાથી બળતરા ઓછી થાય છે. જો પગમાં થાકની લાગણી હોય તો તળિયા પર મહેંદી લગાવવાથી ફાયદો થાય છે. જો તમારા પગમાં તિરાડ પડી રહી છે, તો તમારે મહેંદી લગાવવી જોઈએ.
તેનાથી ફાયદો થશે. હાથ-પગ પર મહેંદી લગાવવાનું ધાર્મિક મહત્વ તો છે જ પરંતુ સ્વાસ્થ્યની દ્રષ્ટિએ પણ તે ખૂબ જ ફાયદાકારક છે. ઉનાળાની ઋતુમાં જો તમે શરીરને ઠંડુ રાખવા માંગતા હોવ તો હાથ-પગમાં મહેંદી લગાવવાથી તમને ઘણી રાહત અનુભવાય છે. ટિપ્સ: – કેમિકલ આધારિત મેંદીનો ઉપયોગ કરવા કરતા પાંદડાને પીસીને બનાવેલી મેંદીનો ઉપયોગ કરવો વધુ સારું છે.
હળદરનો ઉપયોગ કરો: હળદરના પગ માટે ઘણા ફાયદા છે. જો તમારા પગમાં ટેનિંગ થઈ રહ્યું છે, તો હળદરના પાણીમાં તમારા પગ બોળવાથી તે ઓછું થઈ જશે. શુષ્ક ત્વચાની સમસ્યા પણ હળદરથી દૂર થઈ જાય છે. જો પગ પર ડેડ સ્કિન જમા થઈ ગઈ હોય તો તમે તેને હળદરના પાણીથી દૂર કરી શકો છો.
જો તમે પગમાં સોજાને કારણે બળતરા અનુભવી રહ્યા છો, તો તમારે હળદરનો ઉપયોગ કરવો જોઈએ. હળદરમાં મેગ્નેશિયમ સલ્ફેટ હોય છે. તેને એવી જગ્યાએ લગાવવાથી, જ્યાં દુખાવો અને સોજો થતો હોય, તેનાથી ઘણી રાહત મળે છે. જો તમને તમારા પગમાં બળતરા થઈ રહી છે, તો તમે આ રીતે હળદરનો ઉપયોગ કરી શકો છો.
ઠંડા પાણીથી ભરેલા ટબમાં હળદર અને સિંધવ મીઠું નાખો: આ પાણીમાં તમારા પગ ડુબાડીને 10 થી 15 મિનિટ સુધી બેસો. પછી પગ સાફ કરો. આવું નિયમિત કરવાથી બળતરાની સમસ્યામાં રાહત મળશે. ટિપ્સ:- હળદરની પેસ્ટને પગ પર ન લગાવો કે હળદરનું વધુ સેવન ન કરો. આવું કરવાથી તમને કોઈ ફાયદો નહીં થાય.
આદુથી થશે ફાયદો: આદુમાં ભરપૂર માત્રામાં એન્ટીઓક્સીડેન્ટ હોય છે. તેને ત્વચા પર લગાવવાથી બળતરા અને ખંજવાળની સમસ્યામાં રાહત મળે છે. આદુના તેલથી પગની માલિશ કરવાથી પગ તૂટતા નથી. આદુનું પાણી અથવા તેલ લગાવવાથી ત્વચાની શુષ્કતા પણ દૂર થાય છે.
નારિયેળના તેલમાં કપૂર અને આદુનો રસ મિક્સ કરીને પગના તળિયા પર લગાવો. તેનાથી બળતરામાં રાહત મળશે. ટિપ્સ: નિયમિત આદુનું પાણી પીવાથી પણ બળતરાની સમસ્યાને ઓછી કરી શકો છો. તેનાથી પગમાં ખેંચાણની સમસ્યા પણ ઓછી થશે.
જો તમને તમારા પગમાં અસહ્ય બળતરા થતી હોય, તો કોઈપણ ઘરેલું ઉપાય અજમાવતા પહેલા એકવાર ડૉક્ટરની સલાહ લો. જો તમને અમારી માહિતી પસંદ આવી હોય તો રસોઈ ની દુનિયા સાથે જોડાયેલા રહો. અહીંયા તમને દરરોજ જીવન ઉપયોગી માહિતી, રેસિપી, કિચન ટિપ્સ, ટ્રિક અને હેલ્થ વિશેની માહિતી મળતી રહેશે.
