ડુંગળી એક એવી શાકભાજી છે કે જેનો ઉપયોગ લગભગ દરેકના ઘરમાં થતો જ હશે. ક્યારેક તેને શાકમાં તડકા માટે અને ક્યારેક સલાડ તરીકે પીરસવામાં આવે છે. ડુંગળી ખાલી ખોરાકનો સ્વાદ જ નથી વધારતી, પરંતુ તેની સાથે સ્વાસ્થ્ય માટે પણ એટલી જ ફાયદાકારક છે.
ડુંગળીમાં કેલરી ઓછી હોય છે, પણ જ્યારે વિટામિન્સ, મિનરલ્સ અને એન્ટીઓકિસડન્ટો જેવા ફાયદાકારક પોષક તત્વો વધારે પ્રમાણમાં હોય છે. સાથે સાથે ફાઇબર, આયર્ન, પોટેશિયમ, કેલ્શિયમ, ફોલેટ અથવા ફોલિક એસિડ, મેગ્નેશિયમ, ફોસ્ફરસ અને સલ્ફર પણ તેમાં જોવા મળે છે.
ડુંગળીનું સેવન કરવાથી તમારી ઘણી પ્રકારની સમસ્યાઓ આપોઆપ જ દૂર થઈ જાય છે. આ શરદી, ઉધરસ, ઉંચો તાવ, ગળામાં દુખાવો અને રોગપ્રતિકારક શક્તિમાં વધારો કરી શકે છે. આમ તો તમે તેને કોઈપણ રીતે ખાઈ શકો છો, પણ તેને કાચી જ ખાવાનું વધુ સારું માનવામાં આવે છે. આજના આ લેખમાં તમને જણાવી રહ્યા છે કે તમે ડુંગળીનું સેવન કરીને કેવી રીતે ઘણી સમસ્યાઓને દૂર કરી શકો છો.
શરદી અને ફલૂની સમસ્યા દૂર કરે : જો તમને શરદી કે ફ્લૂ હોય તો એવામાં ડુંગળી ચોક્કસપણે રાહત મેળવવામાં મદદ કરશે. તમારે બસ એટલું કરવાનું છે કે લાલ અથવા સફેદ ડુંગળીને ગોળાકારમાં કાપવાની છે, તેને તમારા પગના તળિયા પર મૂકો અને મોજા પહેરો. રાત્રે સૂતી વખતે આ રીતે જ મોજાં રહેવા દો. આ પછી, જ્યારે તમે સવારે ઉઠશો ત્યારે તમને ચોક્કસપણે ઘણો આરામ મળશે.
સર્જરી કરેલા ડાઘને હળવા કરશે : ઘણી પ્રકારની સર્જરી થયા બાદ મહિલાઓના શરીર પર તેના નિશાન એવા રહી જાય છે પણ જો તમે કુદરતી રીતે આ નિશાનોને હળવા કરવા માંગો છો, તો આ માટે તમે ડુંગળીનો રસ કાઢીને તેને રૂની મદદથી દિવસમાં ઘણી વાર અસરગ્રસ્ત જગ્યા પર લગાવો. જો તમે તેને દરરોજ કરો છો તો તમને થોડા દિવસોમાં ફરક દેખાવા લાગશે.
તમને સુંદર અને જાડા વાળ મળશે : જો તમારા વાળ પાતળા છે અથવા જો તમને ડેન્ડ્રફની સમસ્યા છે, તો તમારે ડુંગળીનો ઉપયોગ કરવો જ જોઇએ. જોઈએ તો ડુંગળીમાં સલ્ફરની માત્રા વધારે હોય છે, જે વાળના વિકાસને સુધારવામાં મદદરૂપ છે. તમારા વાળની કોઈપણ સમસ્યા દૂર કરવા માટે, ડુંગળીનો રસ કાઢીને તેને સીધા તમારા વાળ પર લગાવો.
તેને લગભગ 20 થી 30 મિનિટ માટે આમ જ રહેવા દો અને પછી તમારા વાળને શેમ્પૂ કરો. અઠવાડિયામાં એક કે બે વાર આ ઉપાય કરવાથી તમારા વાળ થોડા જ દિવસોમાં જાડા અને સુંદર દેખાવા લાગશે.
ગઠિયામાં રાહત : જો તમને હંમેશા સંધિવા અથવા સાંધાના દુખાવાને કારણે પરેશાન રહો છો, તો તમે સરસવનું તેલ અથવા નાળિયેરનું તેલ હળવું ગરમ કરી શકો છો અને પછી તેમાં થોડો ડુંગળીનો રસ ઉમેરીને તેને મિક્સ કરી, આ મિશ્રણને અસરગ્રસ્ત જગ્યા પર લગાવો. તેનાથી તમને રાહત મળી શકે છે.
સુકી ઉધરસથી રાહત : જો તમે સૂકી ઉધરસથી પરેશાન છો, તો ડુંગળીનું સેવન તમારા માટે ફાયદાકારક હોઈ શકે છે. તમારે માત્ર એટલું જ કરવાનું છે કે તમે એક ડુંગળીનો રસ કાઢીને તેમાં એક ચમચી ડુંગળીનો રસ લો અને તેમાં એક ચમચી ગોળ મિક્સ કરો. હવે તેનું સેવન કરો. તેનાથી તમને ઘણી રાહત મળશે.
તમને અમારી આ પોસ્ટ પસંદ આવી હોય તો આગળ જરૂરથી મોકલજો, જેથી બીજા સુધી આ માહિતી પહોંચે. ગુજરાતી ભાષામાં આવી અવનવી રસોઈ ટિપ્સ, સ્વાસ્થ્ય, ટિપ્સ અને ટ્રીક, રેસિપી જોવા અને નવી- નવી રેસિપી ઘરે બેસી જાણવા અને શીખવા માટે અમારાં Page” રસોઈ ની દુનિયા ને Like & Follow કરો. Follow કરવાં માટે અહી Click કરો રસોઈ ની દુનિયા.
