WHO મુજબ તમારી ઉંમર વધવાના પ્રક્રિયાના ત્રણ ચતુર્થાંશ તમારા નિયંત્રણમાં રહેલા પરિબળો પર આધાર રાખે છે. આજે હું તમારી સાથે આવા જ 3 રહસ્યો શેર કરવા જઈ રહ્યો છું જેણે મારા સામાન્ય એકંદર સ્વાસ્થ્ય પર અસર કરી છે અને મેં તેને અમુક અંશે વધતી ઉંમરને રોકવા માટે મારી સવારની દિનચર્યામાં સમાવેશ કર્યો છે. જો તમે પણ વૃદ્ધાવસ્થામાં આવતી સમસ્યાઓ પર નિયંત્રણ રાખવા માંગો છો તો આજથી જ આ 3 સિક્રેટ અપનાવો.
સવારે લીંબુ પાણી લો : દરરોજ સવારે એક ગ્લાસ ગરમ પાણીમાં અડધું લીંબુ મિક્સ કરીને પી જાઓ. જો કે આપણામાંની મોટાભાગના લોકો દિવસની શરૂઆત કોફી અથવા ચાના કપથી કરે છે. તમે તમારી કોફીનો કપ પી શકો છો, પરંતુ જ્યાં સુધી તમે એક કપ ગરમ પાણીમાં લીંબુ મિક્સ કરીને તમારી સિસ્ટમને જાગૃત ન કરો ત્યાં સુધી.
સવારે ગરમ લીંબુ પાણી પીવાનો વિચાર ઓછામાં ઓછી બે સદીઓથી ચાલ્યો આવે છે. તેના ઘણા ફાયદા પણ છે. તે પાચનમાં મદદ કરે છે કારણ કે તે લીવરને પિત્ત ઉત્પન્ન કરવા માટે પ્રોત્સાહિત કરે છે અને લીંબુનો રસ અપચોના લક્ષણો, જેમ કે હાર્ટબર્ન, ઓડકાર અને પેટનું ફૂલવું દૂર કરવામાં મદદ કરે છે. તે કુદરતી મૂત્રવર્ધક પદાર્થ છે અને વિટામિન-સી રોગપ્રતિકારક શક્તિને વધારવામાં મદદ કરે છે.
લીંબુ એ શરીર માટે સૌથી આલ્કલાઇન ખોરાકમાંનો એક છે અને આ જ કારણ છે કે તે યુરીનરી ટ્રેંફ્ટ ઇન્ફેક્સનને ઓછો કરે છે. તેને તમારી સવારની દિનચર્યામાં સમાવેશ કરવો ખૂબ જ સરળ અને સારું સ્ટેપ હોઈ શકે છે.
અળસી ખાઓ : જયારે તમે એકવાર ગરમ લીંબુનું શરબત પી લો, પછી તમારી સવારની દિનચર્યામાં અળસી (1 ચમચી આખા બીજ આખી રાત પલાળેલા) ઉમેરો. તમે કાં તો પલાળેલા અળસીને જેમ છે તેમ ખાઈ શકો છો અથવા તેને નારંગીના રસમાં મિક્સ કરીને પણ લઇ શકો છો.
જો તમે ઇચ્છો તો દહીં, પ્રોટીન શેક માં પીસેલી અળસી મિક્સ કરીને ખાઈ શકો છો. જો તમે નિયમિતરીતે મળત્યાગ કરવા માંગો છો તો આ ઉપાય તમારા માટે ખૂબ જ સારો સાબિત થઇ શકે છે. ગરમ લીંબુનું શરબત પીવાની જેમ જ અળસીનું સેવન પણ સ્વાસ્થ્ય માટે ઉત્તમ છે.
પેટ સંબંધિત ઘણી સમસ્યાઓથી છુટકારો મેળવવા અને વજન ઘટાડવામાં ઘણી મદદ કરે છે. દરરોજ અળસીનું સેવન કરવાથી હૃદય રોગ, કેન્સર, સ્ટ્રોક અને ડાયાબિટીસના જોખમને ઘટાડવામાં મદદ મળે છે.
પૂરતા પ્રમાણમાં વિટામિન ડી મેળવો : જો તમે દૂધ પીતા નથી અથવા વિટામિન ડી સાથે કેલ્શિયમ લેતા નથી તો શક્યતા છે કે તમારી પાસે આ મહત્વપૂર્ણ વિટામિનની ઉણપ છે. ઘણીવાર બોન ડેન્સિટી સાથે બ્લડ ટેસ્ટ કરાવ્યા પછી તમને ખબર પડી કે વિટામિન-ડીની ઉણપ છે.
જો કે સ્ત્રીઓ માટે તેમના હાડકાંને સુરક્ષિત રાખવા માટે કેલ્શિયમ જરૂરી છે, તેથી દિવસમાં બે ગ્લાસ દૂધ પી શકો છો. પણ જ્યારે તમને પૂરતું કેલ્શિયમ મળી રહે છે પરંતુ વિટામિન-ડી મળતું નથી જે કેલ્શિયમના શોષણમાં મદદ કરે છે.
વિટામિન ડી કેલ્શિયમના શોષણમાં સમાન રીતે મદદરૂપ છે કે કેમ તે અંગે ઘણા મતભેદ છે. આ અંગેના બે અભ્યાસના પરિણામો અલગ-અલગ હતા. એક અભ્યાસમાં જાણવા મળ્યું છે કે વિટામિન-ડી કોઈ ફાયદો નથી આપતું અને જ્યારે બીજા અભ્યાસમાં જાણવા મળ્યું છે કે મોટી ઉંમરની સ્ત્રીઓએ પહેલા કરતાં વધુ વિટામિન-ડી લેવું જોઈએ.
હંમેશની જેમ શ્રેષ્ઠ સલાહ એ છે કે તમારા ડૉક્ટર સાથે વાત કરો અને કોઈપણ સપ્લિમેન્ટ્સ લેતા પહેલા તેમને વિટામિન ડીના લેવલ માટે તમારા લોહીની તપાસ કરાવો. જો તમારામાં વિટામીન-ડીની ઉણપ છે તો વૃદ્ધત્વ માટે સપ્લીમેન્ટ ડાઈટ લેવો એ સવારની શ્રેષ્ઠ દિનચર્યા બની શકે છે.
આપણે બધા દિવસે ને દિવસે વૃદ્ધ થઈ રહ્યા છીએ, પરંતુ આ પ્રકારની સવારની રૂટિન વૃદ્ધત્વમાં મદદ કરી શકે છે. પરંતુ ડાયટમાં કોઈપણ ફેરફાર કરવા અથવા કોઈપણ સપ્લિમેન્ટ લેતા પહેલા તમારા નિષ્ણાતની સલાહ લો. જો તમે પણ સવારે આ 3 કામ કરશો તો વૃદ્ધાવસ્થામાં જલ્દી આવતા અટકશે અને ખૂબ જ સારી રીતે થશે.
