મોટાભાગની મહિલાઓ નાઇટ સ્કિન કેર રુટિન વિશે જાણે છે પરંતુ મોટાભાગની મહિલાઓ સવારની સ્કિન કેર રુટિન વિષે હજુ અજાણ હોય છે. તો આજે અમે તમને આ લેખમાં સવારની ત્વચાની સંભાળ કેવી રીતે રાખવી તે વિશે જણાવીશું.
આ લેખમાં અમે તમને 3 સ્ટેપ જાનવીશું જેના દ્વારા તમે તમારી ત્વચાને અંદરથી હાઇડ્રેટ કરી શકો છો. તમારી ત્વચાની સારી સંભાળ રાખવા માટે તમારે સવારના બે કલાકમાં એક્સફોલિએટ કરવું જોઈએ. તો આજે અમે તમને ત્વચાને ચમકદાર અને ટાઈટ બનાવવાના 3 સ્ટેપ વિશે જણાવીશું.
જો તમે આ ત્રણ સ્ટેપ્સને યોગ્ય રીતે ફોલો કરશો તો તમને પિમ્પલ્સ, કરચલીઓ, ફ્રીકલ્સ અને ટેનિંગની સમસ્યા ક્યારેય નહીં થાય. તમારી ત્વચા લાંબા સમય સુધી યુવાન અને સુંદર દેખાશે. ચાલો આ સ્ટેપ વિશે વિગતવાર જાણીએ.
સ્ટેપ નંબર 1 : પ્રથમ સ્ટેપમાં તમારે ઠંડા પાણીથી ચહેરો સાફ કરવાનો છે. કહેવાય છે કે દિવસની શરૂઆત સારી રીતે થાય તો આખો દિવસ પણ સારો જાય છે. આપણે સવારે ઉઠતાની સાથે જ ચહેરો સાફ કરવા માટે સાબુ કે ફેસ વોશનો ઉપયોગ કરીએ છીએ.
પરંતુ તમારે ફેસવોશ અને સાબુનો ઉપયોગ કરવાની જરૂર નથી, તમારે તમારા ચહેરાને ઠંડા પાણીથી જ સાફ કરવું જોઈએ. તે આપણી ત્વચાના લોહીના પ્રવાહને થોડા સમય માટે ઘટાડે છે. આમ કરવાથી આપણા ચહેરા અથવા રોમછિદ્રોમાં એકઠા થયેલા ઝેરી તત્વો બહાર નીકળી જાય છે.
આપણે ત્વચા પર જે પ્રોડક્ટનો ઉપયોગ કરીએ છીએ જેમ કે કેમીકલવાળી બ્યુટી પ્રોડક્ટ ત્વચાની અંદર એકઠી થઇ જાય છે અને તેનાથી ત્વચા સંબંધિત સમસ્યાઓ થાય છે. એટલા માટે આપણે ચહેરાને ઠંડા પાણીથી સાફ કરવો જોઈએ.
ચહેરાને સાફ કરવા માટે ઠંડા પાણીનો ઉપયોગ કરવા સિવાય તમે બીજી પદ્ધતિ અપનાવી શકો છો. આ માટે તમારા મોંમાં પાણી ભરો અને પછી તમારા ચહેરા અને આંખોને ઠંડા પાણીથી ધોઈ લો. તેનાથી ત્વચાની સાથે આંખો પણ સાફ થાય છે. આના કારણે ચહેરાનું રક્ત પરિભ્રમણ ઝડપી બને છે અને ત્વચા ખૂબ જ મુલાયમ અને ચમકદાર બને છે.
સ્ટેપ 2 : આપણે સવારે જે પણ પીણું પીએ છીએ, તે ત્વચાને અંદરથી હાઇડ્રેટ કરતુ હોવું જોઈએ જેથી તમને ત્વચાને લગતા તમામ ફાયદા મળી શકે. તેના માટે તમે જીરું, લીંબુ અને મધનું પાણી લઈ શકો છો. જો તમે ઈચ્છો તો ફળોનો રસ, શાકભાજીનો સૂપ અને નારિયેળ પાણી પણ લઈ શકો છો.
આનાથી તમારી ત્વચા માટે ઘણા ફાયદા થઈ શકે છે કારણ કે આ તમામ પીણાં એન્ટી-ઓક્સીડેન્ટથી ભરપૂર હોય છે. આપણી ત્વચાને હાઇડ્રેટ કરવા માટે સવારના બે કલાક ખૂબ જ મહત્વપૂર્ણ છે. એટલા માટે આપણે સવારે જ પુષ્કળ પાણી પીવું જોઈએ. શરીરમાં પાણીનું પ્રમાણ વધવાથી આપણી ત્વચા ખૂબ જ કોમળ અને ચમકદાર દેખાય છે.
મોટાભાગની મહિલાઓ દિવસ દરમિયાન તેમના કામમાં એટલી વ્યસ્ત રહે છે કે તેઓ પાણી પીવાનું ભૂલી જાય છે. એટલા માટે આપણે સવારે વધુ માત્રામાં પાણી અથવા પ્રવાહી લેવું જોઈએ. આમ કરવાથી, ત્વચા સવારે સારી રીતે હાઇડ્રેટ થશે અને દિવસભર તાજી અને ચમકદાર દેખાશે. લાંબા સમય સુધી આમ કરવાથી આપણી ત્વચા ચમકદાર અને ચુસ્ત બની જશે.
સ્ટેપ 3 : આ સ્ટેપમાં, જયારે તમે ઠંડા પાણીથી તમારો ચહેરો ધોઈ લો પછી તમારે તમારા ચહેરા પર કંઈપણ લગાવવાની જરૂર નથી. મોટાભાગની સ્ત્રીઓ ચહેરો ધોયા પછી મોઈશ્ચરાઈઝર, ક્રીમ અથવા મેકઅપ પ્રોડક્ટ્સ લગાવે છે. આમ કરવાથી ત્વચા યોગ્ય રીતે શ્વાસ લઈ શકતી નથી.
એટલા માટે સવારે 1 કલાક માટે ત્વચાને આમ જ છોડી દો. તમારી જાતને વધુ સારું થવા માટે સમય આપો. આ પગલાને અનુસરવાથી, તમારી ત્વચા એકદમ ચમકદાર અને નરમ બની જશે અને તમે ત્વચા સંબંધિત સમસ્યાઓ જેમ કે પિમ્પલ્સ, કરચલીઓ, ટેનિંગ, ફ્રીકલ્સ અને ફોલ્લીઓથી સરળતાથી છુટકારો મેળવી શકશો .
જો તમે દરરોજ આ 3 સ્ટેપને અનુસરો છો તો તમને ત્વચા સંબંધિત ઘણા ફાયદા મળી શકે છે. આ પગલાં સરળ અને અસરકારક છે અને આ માટે તમારે ઘણી બધી વસ્તુઓની જરૂર નથી. આવી જ બ્યુટી સંબંધિત વધુ માહિતી માટે રસોઈનીદુનિયા સાથે જોડાયેલા રહો.
