કારેલાનો ઉપયોગ આપણે બધા કરીએ છીએ. કારેલાને આહારમાં ઘણી રીતે સામેલ કરી શકાય છે. કેટલાક લોકો શાક, ભરણ, જ્યુસ વગેરે બનાવીને તેમના આહારમાં કારેલાનો સમાવેશ કરે છે. તમને જણાવી દઈએ કે કારેલામાંથી મળતા પોષકતત્વો તમને ઘણી શારીરિક સમસ્યાઓથી દૂર રાખવામાં મદદ કરે છે.
કારેલામાં વિટામિન એ, વિટામિન-સી, ઝિંક, ફાઇબર, કાર્બોહાઇડ્રેટ્સ અને આયર્ન જેવા પોષક તત્વો મળી આવે છે. જો કે, બહુ ઓછા લોકો જાણતા હશે કે કારેલાની જેમ તેના બીજ પણ સ્વાસ્થ્ય માટે ખૂબ જ ફાયદાકારક માનવામાં આવે છે. આપણામાંથી મોટાભાગના લોકો કારેલામાંથી કોઈ વાનગી બનાવે છે તો તેના બીજ કાઢીને ફેંકી દેવામાં આવે છે.
પરંતુ જો તમે ઇચ્છો તો તેના બીજને પણ તમારા આહારનો ભાગ બનાવી શકો છો. જો કે, કેટલાક લોકો બીજનો ઉપયોગ અલગ અલગ રીતે પણ કરતા હોય છે. 1) કબજિયાતની સમસ્યામાંથી રાહત: કારેલાની સાથે સાથે તેના બીજમાં ફાઇબરના ગુણ હોય છે જે પાચનમાં સુધારો કરે છે.
જે લોકોને કબજિયાતની સમસ્યા વારંવાર રહે છે, તે લોકોએ આહારમાં કારેલાના દાણાને અવશ્ય સામેલ કરવા જોઈએ. આ સિવાય તે બ્લડ શુગરને કંટ્રોલમાં રાખવાનું પણ કામ કરે છે. વાસ્તવમાં, કારેલામાં ઇન્સ્યુલિનના ગુણ હોય છે, જે બ્લડ સુગરને વધતા અટકાવે છે અને તેના બીજ પાચનતંત્રને સુધારે છે.
આ કિસ્સામાં, તે સ્નાયુઓ, યકૃત અને અન્ય ભાગોમાં ગ્લુકોઝ સ્થાનાંતરિત કરવામાં મદદ કરે છે. જેના દ્વારા બ્લડ શુગર કંટ્રોલ કરી શકાય છે. 2) પેટમાં કૃમિ હોય તો અવસ્ય સેવન કરો: માત્ર બાળકોને જ નહીં પરંતુ પુખ્ત વયના લોકોને પણ પેટમાં કૃમિની સમસ્યા હોય છે. જો કે, જ્યારે આ સમસ્યા બાળકોમાં થાય છે, ત્યારે તેમનામાં ઘણી સમસ્યાઓ શરૂ થાય છે. જેમ કે ભૂખ ન લાગવી, ચીડિયાપણું, નબળાઈ વગેરે.
આવી સ્થિતિમાં તેનાથી રાહત મેળવવા માટે તમે કારેલાના બીજને પીસીને તેનું સેવન કરી શકો છો. જો તમે ઇચ્છો તો તેને બાળકો માટે સૂકવીને હળવા હાથે શેકીને પાવડર બનાવી લો. શેકતી વખતે તેને સીધું ચાવીને પણ ખાઈ શકાય છે. પેટમાં કૃમિની સમસ્યાથી રાહત મેળવવાનો આ ખૂબ જ સરળ ઉપાય છે.
3) ઉચ્ચ કોલેસ્ટ્રોલને નિયંત્રિત કરે: ઉંમરની સાથે માત્ર ડાયાબિટીસ જ નહીં પરંતુ કોલેસ્ટ્રોલનું પ્રમાણ પણ વધવાની સમસ્યા ઘણી વાર રહે છે. કારેલાના બીજ ખરાબ કોલેસ્ટ્રોલનું સ્તર ઘટાડે છે અને સારા કોલેસ્ટ્રોલને વધારે છે. તમને જણાવી દઈએ કે કોલેસ્ટ્રોલનું પ્રમાણ વધવાથી હૃદય રોગનું જોખમ વધે છે.
એટલું જ નહીં, ખરાબ કોલેસ્ટ્રોલના સ્તરમાં સતત વધારો થવાને કારણે છાતીમાં દુખાવો, હાર્ટ એટેક, ડાયાબિટીસનું જોખમ પણ વધી જાય છે. કોલેસ્ટ્રોલને કંટ્રોલ કરવા માટે કારેલાના દાણાની સાથે ડાયટમાં એવી વસ્તુઓનો સમાવેશ કરો જે તમારા હૃદયને સ્વસ્થ રાખવામાં મદદરૂપ છે.
4) રોગપ્રતિકારક શક્તિ વધારે: તમારી મજબૂત રોગપ્રતિકારક શક્તિ તમને ઘણી બીમારીઓથી બચાવવાનું કામ કરે છે. તમે જાણો જ છો કે જે લોકોની રોગપ્રતિકારક શક્તિ કોરોના સમયગાળા દરમિયાન મજબૂત હતી તેઓ આ વાયરસની પકડમાં ઓછા આવ્યા છે. કારેલાની જેમ તેના બીજમાં પણ પોટેશિયમ, વિટામિન સી અને ફાઈબર જેવા પોષક તત્વો હોય છે.
જે તમારી રોગપ્રતિકારક શક્તિને મજબૂત રાખવામાં મદદ કરે છે. તમે રોજ કારેલાના બીજને પાવડરના રૂપમાં ખાઈ શકો છો. આ માટે કારેલાના બીજને સારી રીતે સૂકવી લો. હવે તેને કડાઈમાં અથવા તપેલીમાં શેકીને તેનો પાવડર બનાવો અને દરરોજ એક ચમચી ગરમ પાણી સાથે તેનું સેવન કરો.
5) વજન નિયંત્રિત કરે: જ્યારે તમે કારેલાનો શાક તરીકે અથવા અન્ય કોઈ રીતે સેવન કરો છો, તો તેના બીજ પણ ખાઓ, કારણ કે તેમાં પુષ્કળ પ્રમાણમાં ફાઈબર હોય છે. આ સિવાય બીજ ખરબચડી હોય છે, જે શરીરમાં રહેલા કચરાને દૂર કરવામાં મદદ કરે છે. તેથી, જ્યારે પણ તમે કારેલાની વાનગી બનાવો ત્યારે તેમાં રહેલા બીજને ફેંકી ન દો, પરંતુ તેને તમારા આહારમાં સામેલ કરો.
કારેલાનું ભરણ, ચટણી, ચિપ્સ આવા ઘણા વિકલ્પો છે કે જ્યાં તમે બીજનો ઉપયોગ કરી શકો છો. તમને અમારી માહિતી પસંદ આવી હોય તો રસોઈ ની દુનિયા સાથે જોડાયેલા રહો. અહીંયા તમને દરરોજ જીવન ઉપયોગી માહિતી, રેસિપી, કિચન ટિપ્સ, ટ્રિક અને હેલ્થ વિશેની માહિતી મળતી રહેશે.
