આજકાલ મોટાભાગના લોકો સવારે પેટ સાફ ન થવાની સમસ્યાથી ઝઝૂમી રહ્યા છે. જો પેટ સાફ ન હોય તો ઘણી બીમારીઓ થવાની શક્યતા રહે છે. પેટ સાફ ન રહેવાનું સૌથી મોટું કારણ કબજિયાતની સમસ્યા છે.
કબજિયાતની સમસ્યાનું સૌથી મોટું કારણ યોગ્ય સમયે ભોજન ન કરવું છે. આ સિવાય શરીરમાં પાણી અને ફાઈબરની ઉણપને કારણે પણ આ સમસ્યા થાય છે. કબજિયાતની સમસ્યામાંથી રાહત મેળવવા માટે ભોજન પર વિશેષ ધ્યાન આપવું જોઈએ.
આ લેખમાં અમે તમને એવા જ કેટલાક ફૂડ્સ વિશે જણાવીશું, જેના સેવનથી કબજિયાતની સમસ્યા વધી શકે છે. કબજિયાતમાં સફરજન સહિત કેટલાક ખોરાકનું સેવન કરવાથી કબજિયાતની સમસ્યા વધે છે. આવો જાણીએ તે ફૂડ્સ વિશે.
કબજિયાતની સમસ્યા શું છે? કબજિયાત એ પેટ સંબંધિત રોગ છે. આ સમસ્યામાં આંતરડાની હિલચાલ ખૂબ જ મુશ્કેલ બની જાય છે, કારણ કે મળ આંતરડામાં ચોંટી જાય છે, જેના કારણે મળ બહાર નથી આવી શકતો. જ્યારે મોટા આંતરડામાં સ્ટૂલ બંધ થઈ જાય છે, જેના કારણે ગેસની સમસ્યા પણ થાય છે.
ક્યારેક આ સમસ્યા વધી જાય છે. આ સમસ્યા દરમિયાન દર્દીને ભૂખ ઓછી લાગે છે અને પેટ હંમેશા ફૂલેલું લાગે છે. કારણ કે ખાવામાં આવેલો ખોરાક પચતો નથી. વધુ પડતી કબજિયાતને કારણે મોંમાંથી દુર્ગંધ પણ આવવા લાગે છે. કબજિયાત કોઈને પણ થઈ શકે છે.
ડેરી પ્રોડક્ટ : જે લોકોને કબજિયાત હોય તેઓએ ડેરી પ્રોડક્ટ્નું સેવન ટાળવું જોઈએ. કારણ કે ડેરી પરોડકટમાં લૈક્ટોઝ અને ચરબી વધુ માત્રામાં જોવા મળે છે. આ રીતે સેવન કરવાથી કબજિયાતની સમસ્યા વધે છે. કબજિયાત દરમિયાન દૂધ, ચીઝ જેવી ડેરી પ્રોડક્ટ્સનું સેવન ન કરવું જોઈએ.
તેલયુક્ત ખોરાક : કબજિયાતના દર્દીએ તેલયુક્ત ખોરાક ન લેવો જોઈએ. કારણ કે ડીપ ફ્રાઈડ ફૂડ સેચ્યુરેટેડ ફેટથી ભરપૂર હોય છે. આ પ્રકારનો ખોરાક આપણું શરીર પચાવી શકતું નથી, જેના કારણે પેટ સંબંધિત બીમારીઓ જેવી કે કબજિયાત, અપચો અને હૃદય રોગ થઈ શકે છે. તેથી કબજિયાતથી રાહત મેળવવા માટે, તેલયુક્ત ખોરાક ટાળવો જોઈએ.
કોફી ચા નું વધારે સેવન : કબજિયાત દરમિયાન ચા અને કોફીનું સેવન કરવાથી આ રોગ ગંભીર બની શકે છે. કોફીનું સેવન શરીરને ડીહાઇડ્રેટ કરે છે. આવી સ્થિતિમાં, વ્યક્તિએ તેનું સેવન કરવાનું ટાળવું જોઈએ.
પેકીંગવાળા જ્યૂસ : આજકાલ ઘરોમાં પેક્ડ જ્યુસનું વધુ સેવન કરવામાં આવે છે. પરંતુ શું તમે જાણો છો કે આ જ્યુસ સ્વાસ્થ્ય માટે ફાયદાકારક નથી. આ રસમાં પોષક ગુણો હોતા નથી. કારણ કે ફળોના રસને બનાવતી વખતે તેને ખૂબ ઉકાળવામાં આવે છે, જેના કારણે જરૂરી વિટામિન્સ અને પોષક તત્વો નષ્ટ થઈ જાય છે.
આ સિવાય પેક્ડ જ્યૂસમાં આર્ટિફિશિયલ કલરનો ઉપયોગ કરવામાં આવે છે. આ રીતે તેનું સેવન કરવાથી કબજિયાતની સમસ્યા વધે છે. આશા છે કે તમને અમારો આ લેખ ગમ્યો હશે. આવા વધુ લેખો વાંચવા રસોઈનીદુનિયા સાથે જોડાયેલા રહો.
