અહીંયા જેટલી પણ સુંદર મહિલાઓ છે તેમને નમસ્કાર, આજે હું તમારી સાથે એક એવા ફેશિયલ શેર કરી રહી છું, જે તમે ઘરે બેઠા સરળતાથી અને સસ્તામાં, ફક્ત 10 રૂપિયાના ખર્ચમાં 10 મિનિટમાં ચહેરા પર નિખાર લાવવા માટે કરી શકો છો.
એવા ઘણા દિવસો હોય છે જ્યારે તમે ખૂબ થાકેલા હોવ છો અને તે તમારા ચહેરા પર થાક દેખાવા લાગે છે. પરંતુ જો તમારે થોડીવાર પછી જ કોઈ ફંક્શનમાં કે પાર્ટીમાં જવાનું હોય તો? આવી સ્થિતિમાં ઘણી સ્ત્રીઓ પાર્લરમાં જઈને પૈસા અથવા સમય ખર્ચવા નથી માંગતી.
મેકઅપ પ્રોડક્ટ તમને થોડી મદદ કરી શકે છે, પરંતુ 10 મિનિટમાં કુદરતી ગ્લો મેળવવું એ એક મુશ્કેલ કામ જેવું લાગે છે. પરંતુ તમારે ચિંતા કરવાની જરૂર નથી કારણ કે આજે અમે તમને એવા 1 પાર્ટી ગ્લો ફેશિયલ વિશે જણાવીશું જે તમને ઓછા સમયમાં કુદરતી ચમકતી ત્વચા આપશે.
આ ફેશિયલની સૌથી સારી વાત એ છે કે તમે તેને માત્ર 10 રૂપિયા ખર્ચીને કોઈપણ મુશ્કેલી વગર ઘરે જ કરી શકો છો. ત્વચાને ચમકદાર બનાવવાની સાથે ત્વચાના ડાઘ અને રંગને પણ હળવા કરવામાં મદદ કરે છે. તો ચાલો જાણીએ પાર્ટી ગ્લો ફેશિયલ કેવી રીતે કરવો.
1) ફેશિયલનું સ્ટેપ 1 – ક્લીનર અને સ્ક્રબ : ટામેટા 1/2 ચમચી, હળદર 2 ચપટી અને મધ 1 ચમચી.
વિધિ : ચહેરાને સ્ક્રબ કરવા અને સાફ કરવા માટે 1 ટામેટાને વચ્ચેથી કાપી લો. પછી તેની ઉપર હળદર અને મધ નાખીને તેને તમારા ચહેરા પર 2 થી 3 મિનિટ સુધી સારી રીતે સ્ક્રબ કરો. પછી ચહેરા પર 5 મિનિટ સુધી મસાજ કરો. પછી ચહેરો ધોઈ લો.
હળદરના ફાયદા : હળદરમાં એન્ટીઓક્સીડેન્ટ અને એન્ટી ઈફ્લેમેટરી ગુણ હોય છે. આ ગુણધર્મો ત્વચાને ચમક આપી શકે છે. હળદર તેના નેચરલ ગુણધર્મોથી તમારી ત્વચાને પુનર્જીવિત કરી શકે છે. તમારી ત્વચા માટે હળદરનો મોટો ફાયદો એ છે કે તેની કોલેજનનું ઉત્પાદન વધારવાની ક્ષમતા છે.
મધના ફાયદા : મધ કુદરતી શ્રેષ્ઠ સ્કિન કેર પ્રોડક્ટમાંથી એક છે. તેના એન્ટિબેક્ટેરિયલ અને એન્ટિસેપ્ટિક ગુણધર્મો ઓઈલી અને ખીલ-પ્રોન ત્વચાને લાભ કરી શકે છે. મધ એક કુદરતી હ્યુમેક્ટન્ટ પણ છે તેથી તે ત્વચાને ભેજવાળી રાખવામાં મદદ કરે છે.
2) ફેશિયલનું સ્ટેપ 2 – ફેસ પેક : આ ફેશિયલના બીજા અને છેલ્લા સ્ટેપમાં તમારે તમારી ત્વચા પર ફેસ પેક લગાવવાનું છે. આ માટે જરૂરી સામગ્રી, મસૂર 1 ચમચી, સંતરાના છાલનો પાવડર 1 ચમચી,
ટામેટાની પ્યુરી 1 ચમચી અને દહીં 1/2 ચમચી.
વિધિ : ફેસ પેક બનાવવા માટે એક બાઉલમાં બધી સામગ્રીને ઉમેરીને તેમને સારી રીતે મિક્સ કરો.
હવે ચહેરા પર લગાવો અને જ્યાં સુધી તે સુકાઈ ન જાય ત્યાં સુધી તેને ચહેરા પર રાખો. પછી તમારા ચહેરાને હળવા હાથે સ્ક્રબ કરીને સાફ કરો.
મસુરની દાળના ફાયદા : આ ઉત્તમ અને કુદરતી એક્સ્ફોલિયેટર, મસૂર દાળ મૃત ત્વચાના કોષોનેદૂર કરે છે, જેનાથી ત્વચાને ચમક મળે છે. તે ગંદકી, કીટાણુઓને પણ સાફ કરે છે જે પિમ્પલ્સ અને બ્રેકઆઉટ્સમાં પરિણમે છે. મસૂર એક ઉત્તમ ક્લીન્ઝર છે અને તેનો નિયમિત ઉપયોગ કરવાથી બ્લેકહેડ્સ અને ખીલના ડાઘથી છુટકારો મેળવી શકાય છે.
નારંગી છાલ પાવડરના ફાયદા : સંતરાની છાલના એન્ટીઑકિસડન્ટ ગુણધર્મો તેને ફેસ પેક અને સ્ક્રબ માટે એક અદ્ભુત ઘટક બનાવે છે જે તમારી ત્વચાને સાફ કરે છે અને પુનઃજીવિત કરે છે.
ટામેટાના ફાયદા : ટામેટા કુદરતી એસ્ટ્રિંજન્ટ તરીકે કામ કરે છે, જે ત્વચામાંથી ઓપન પોર્સ અને બ્લેકહેડ્સ દૂર કરવામાં મદદ કરે છે. ટામેટાંમાં લાઇકોપીનનું પ્રમાણ વધુ હોય છે અને તે કુદરતી રીતે ડેમેજ ત્વચાને રીપેર અને કુદરતી પુનઃસ્થાપિત કરવામાં મદદ કરે છે. તેની સાથે ચહેરા પર હેલ્દી ગ્લો આવે છે.
દહીંના ફાયદા : તમારી ત્વચાને એક્સ્ફોલિએટ, હાઇડ્રેટ અને મોઇશ્ચરાઇઝ કરવા માટે તમારી ત્વચા પર દહીં લગાવવું એક સારો વિચાર છે. દહીં તમારા ચહેરાને કુદરતી રંગ આપે છે અને કરચલીઓ અને ઉમર વધવાના ચિહ્નોને ઘટાડે છે.
તમે આ 2 સ્ટેપ પાર્ટી ગ્લો ફેશિયલ કરીને તમારા ચહેરા પર ઇન્સ્ટન્ટ ગ્લો લાવી શકો છો. જો કે આ ફેશિયલ સંપૂર્ણપણે કુદરતી સામગ્રી સાથે કરી શકાય છે અને તેની કોઈ આડઅસર નથી. પરંતુ જો તમને કોઈ સામગ્રીથી એલર્જી હોય તો ના કરો. આવી જ બ્યુટી ટિપ્સ જાણવા માટે રસોઈનીદુનિયા સાથે જોડાયેલા રહો.