દરેક વ્યક્તિ ઈચ્છે છે કે ચહેરો હંમેશા તાજો અને ચમકતો દેખાય. પરંતુ રોજ બહાર જવાને કારણે ચહેરાનો રંગ બગડવા લાગે છે અને સ્કિન ટેનિંગ વધી જાય છે. આવી સ્થિતિમાં આપણા ચહેરાને સૌથી વધુ કાળજી લેવાની જરૂર પડે છે.
જેમ કે, નવી ત્વચાને પુનર્જીવિત કરવી એ એક કુદરતી પ્રક્રિયા છે અને આ બધી બાબતો આપણી દિનચર્યા પર આધાર રાખે છે. જેમ જેમ ઉંમર વધે છે તેમ તેમ શરીરના કાયાકલ્પની પ્રક્રિયા પણ ધીમી પડી જાય છે. આવી સ્થિતિમાં ઘઉંના લોટમાં કેટલીક સામગ્રી મિક્સ કરીને ફેસ પેક તૈયાર કરીને ત્વચાને ચમકદાર રાખી શકાય છે.
આ સાથે વૃદ્ધત્વ જેવા લક્ષણોમાં પણ ઓછા કરી શકાય છે. ઘઉંના લોટમાં વિટામીન અને પોષક તત્વો ભરપૂર માત્રામાં હોય છે, જે મૃત ત્વચાને દૂર કરીને હેલ્દી અને નવી ત્વચાના નિર્માણમાં મદદ કરે છે. તો શું રાહ કોની જુઓ છો, ચાલો જાણીએ ઘઉંના લોટનો કેવી રીતે ઉપયોગ કરી શકાય.
ફેસ માસ્ક – 1 સામગ્રી :
- ઘઉંનો લોટ – 4 ચમચી (બરછટ પીસેલો)
- 1 ચમચી – મેથીના દાણા
- 1 ચમચી – હળદર
કેવી રીતે બનાવવું :
સૌથી પહેલા એક બાઉલ લો અને તેમાં મેથીના દાણા અને પાણી ઉમેરી પલાળીને રાખો. પછી તેને મિક્સરમાં નાખીને બરછટ પીસી લો. હવે મેથીના દાણા, હળદર, બરછટ પીસેલો લોટ એક બાઉલમાં કાઢીને મિક્સ કરો અને 5 મિનિટ માટે રાખો. તમારો લોટનો ફેસ માસ્ક તૈયાર છે.
ઉપયોગ કરવાની રીત : આ ફેસ માસ્કનો ઉપયોગ કરતા પહેલા, તમારા ચહેરાને ધોઈ લો અને તેને ટીશ્યુ પેપરથી સાફ કરો. હવે તમારા હાથ સાફ કરો અને ચહેરા પર હળવા હાથે મિશ્રણ લગાવો. તમે બ્રશની મદદ પણ લઈ શકો છો.
તેને તમારા ચહેરા પર લગભગ 10 થી 15 મિનિટ સુધી રહેવા દો અને જ્યારે તે સુકાઈ જાય તો તેને હળવા હાથે રગડીને ચહેરા પરથી દૂર કરો. હવે તમારા ચહેરાને પાણીથી ધોઈ લો અને હળવા હાથે સોફ્ટ ટુવાલ વડે સૂકવી લો. પછી તમારા ચહેરા પર સ્કિન ટોનર લગાવો અને અઠવાડિયામાં લગભગ એક વાર આ માસ્કનો ઉપયોગ કરો.
ફેસ માસ્ક – 2 સામગ્રી :
- ઘઉંનો લોટ – 2 ચમચી
- ગુલાબ જળ – 1 ચમચી
- મધ – 2 ચમચી
કેવી રીતે બનાવવું :
એક બાઉલમાં આ બધી સામગ્રીને સારી રીતે મિક્સ કરો. જો તમારી ત્વચા ખૂબ જ શુષ્ક છે, તો તમે આ ફેસ પેકમાં થોડી મલાઈ અથવા કાચું દૂધ પણ ઉમેરી શકો છો. તમારો ફેસ પેક ઉપયોગ માટે તૈયાર છે.
ઉપયોગ કરવાની રીત : સૌપ્રથમ ચહેરાને સારી રીતે સાફ કરો. ફેસ પેકને આખા ચહેરા અને ગરદન પર સારી રીતે લગાવો. ફેસપેકને 15 મિનિટ સુધી લગાવીને રાખીને પછી ચહેરો ધોઈ લો. અઠવાડિયામાં ઓછામાં ઓછા એક વખત આ ફેસ પેકનો ઉપયોગ કરો.
આ બાબતો ધ્યાનમાં રાખો : આ માસ્કનો ઉપયોગ કર્યા પછી, તમારા ચહેરા પર કોઈપણ કેમિકલ ક્રીમ લગાવશો નહીં. ચહેરા પરથી માસ્ક દૂર કરવા માટે હૂંફાળા પાણીનો ઉપયોગ કરો માસ્કનો ઉપયોગ કરતા પહેલા, તમારે મેકઅપને પણ ચહેરા પરથી સાફ કરવો જોઈએ.
આ કુદરતી સામગ્રીમાંથી તૈયાર કરવામાં આવેલો આ ફેસ છે, તો તેનું કોઈપણ પ્રકારનું નુકસાન થતું નથી. તમારે આ ફેસ પેકને તમારી સ્કિન કેર રૂટીનમાં સામેલ કરવું જ જોઈએ. જો તમને આ બ્યુટી ટિપ્સ પસંદ આવી હોય તો રસોઈનીદુનિયા સાથે જોડાયેલા રહો
