કારની સફાઈ કરવી ખૂબ જ અંધારું કામ છે અને તમને કદાચ ખબર નહીં હોય, જો વધુ પડતી ધૂળ, ગંદકી, પક્ષીઓના જીવાત, સૂર્યપ્રકાશ વગેરેના કારણે કારની વેક્સ કોટિંગ પણ બગડી શકે છે અને તેનાથી તેના કલરને પણ નુકસાન થઈ શકે છે.
ગાડીની સફાઈ માટે આપણે ઘણીવાર બહાર જઈને કારની સફાઈ માટે કાર ક્લિનિંગવાળાને શોધીએ છીએ અને પૈસા ખર્ચીએ છીએ, પરંતુ જો તમે ઘરે જ ગાડી સાફ કરવા માંગતા હોય તો કેટલાક DIY હેક્સ જાણીને તમે પણ કારની સફાઈ સરળતાથી કરી શકો છો.
તમારી કારના પેઇન્ટને સુરક્ષિત રાખવું, સાફ કરવા, કાટથી બચાવવા, કારની દુર્ગંધ દૂર કરવા માટે કેટલાક DIY હેક્સ છે જે તમારા ઘણા પૈસા પણ બચાવી શકે છે. જો તમે ઘરે ગાડીને સાફ કરવા માટે આ લેખમાં જણાવેલી પદ્ધતિઓ અજમાવશો તો તમારું કામ સરળ થઇ જશે. તો ચાલો જાણીયે DIY પદ્ધતિઓ.
1. કારમાંથી પક્ષીઓની ગંદકી સાફ કરવા માટે : પક્ષીઓની ગંદકી એમોનિયાથી ભરપૂર હોય છે અને તે સૂર્યપ્રકાશ સાથે રિએક્ટ કરી શકે છે અને જો તે 48 કલાકથી વધારે જૂની થઇ જાય છે તો તેના પર સૂર્યપ્રકાશની અસર વધારે પડશે અને તે જગ્યાએથી ગાડીનો રંગ બગડવા માંડશે.
તેને સાફ કરવા માટે તમે કાં તો બજારમાંથી સફાઈ સ્પ્રે લાવી શકો છો અથવા તમે તેના પર કોકા-કોલા નાખીને કપડાથી સાફ કરી શકો છો. આ પક્ષીઓની ગંદકી સૂકાઈ ગયેલી ખૂબ જ ઝડપથી સાફ થઇ જશે.
મહત્વપૂર્ણ ટિપ્સ – કોકા-કોલાને નાખીને પછી પાણીથી સાફ જરૂર કરો, તેને કાર પર નાખીને છોડશો નહીં, કારણ કે તે સૂર્યપ્રકાશ સાથે રિએક્ટ પણ કરી શકે છે અને કારનો રંગ બગાડી શકે છે. કોકા-કોલામાં એસિડ પણ હોય છે જે નુકસાન પણ કરી શકે છે.
2. જો કારમાં કલર નીકળી ગયો હોય અને કાટ લાગવાનો ડર હોય તો કરો આ કામો : જો તમારી કારમાં પેઇન્ટ અમુક જગ્યાએથી નીકળી ગયો છે અને કાટ લાગવાનો ડર છે, તો કાં તો તમે તેને ફરીથી પેઇન્ટ કરાવો અથવા તમે તેના માટે પારદર્શક નેઇલ પોલીશનો પણ ઉપયોગ કરી શકો છો જેથી તે થોડા દિવસો સુધી ગાંડીને કાટ લાગવાથી બચાવી શકો છો. ધ્યાન રાખો કે આ ટેમ્પરરી રીત છે.
મહત્વની ટીપ : જ્યાં ડેન્ટ્સ લાગ્યો હોય અથવા બારીઓની નજીક જ્યાં કલર નીકળવાનો શરુ થઇ ગયો હોય તો ત્યાં નેલ પોલીશ લગાવો. આ તેને કાટ લાગવાથી બચાવે છે.
3. જો કારમાંથી દુર્ગંધ આવે છે તો કરો આ કામ : ચોમાસાની ઋતુમાં સૌથી વધારે કારમાંથી દુર્ગંધ આવે છે. આ ભીનાશના કારણે દુર્ગંધની સમસ્યામાં વધારો થાય છે અને તેને દૂર કરવું ખુબ જ મુશ્કેલ બની જાય છે. તો આવી સ્થિતિમાં કારની દુર્ગંધને દૂર કરવા માટે કેટલાક સરળ ઉપાય અજમાવી શકો છો.
જો તમને કારનું પરફ્યુમ પસંદ નથી અને કારની ભીની ગંધથી છુટકારો મેળવવા માટે તો તમે કારની સીટ નીચે કોલસાથી ભરેલી કોટન બેગ મૂકો. તે એજ મિકેનિઝમનો ઉપયોગ કરે છે જે એર પ્યુરિફાયર સક્રિય ચારકોલનો ઉપયોગ કરે છે. દુર્ગન્ધ અને નમી બંને ઓછા થવા લાગશે. મહત્વની ટીપ- દર 15 દિવસે કોલસો બદલો કારણ કે તે ધીમે ધીમે ભીનો થવા લાગશે.
4. કારમાંથી ધૂળ સાફ કરવા માટે આ પ્રકારના કપડાનો ઉપયોગ કરો : ઘણીવાર લોકો રુંવાટીવાળું કાપડનો ઉપયોગ કરે છે અને પછી કાર પર સાબુ અને પાણીના ડાઘા દેખાવા લાગે છે. તેના બદલે, તમે સ્પોન્જ અથવા જૂની હોઝિયરી અથવા કોટન શર્ટ અથવા બનિયાનનો ઉપયોગ કરી શકો છો.
આ સિવાય જો તમે ડિટરજન્ટને બદલે લિક્વિડ સાબુથી કાર ધોશો તો તેનાથી કારના પેઇન્ટને વધુ નુકસાન થશે નહીં. જો તમે ઇચ્છો તો તમે હેન્ડવોશ અથવા ડીશવોશનો પણ ઉપયોગ કરી શકો છો. વોશિંગ મશીનવાળા લિક્વિડ સોપ પણ સારું રહેશે. તમે માઇક્રોફાઇબર કાપડનો ઉપયોગ કરી શકો છો.
મહત્વપૂર્ણ ટીપ- એવું કહેવાય છે કે તમે કાર સોપમાં બેકિંગ સોડા અને વિનેગર મિક્સ કરીને કાર સાફ કરો. આવું ન કરો કારણ કે તેનાથી એક પણ સ્ક્રેચ પડશે તો કારના પેઇન્ટને નુકસાન થઇ શકે છે અને ઝડપથી કાટ પણ લાગી શકે છે.
5. કારને અંદરથી સાફ કરવા માટે આ ટિપ્સ : જો કારને અંદરથી સાફ કરવી હોય તો જૂતા-પોલિશ બ્રશ ખૂબ ઉપયોગી થઈ શકે છે, તેનાથી સમયની બચત પણ થશે અને તમારી કારનો દરેક ખૂણો સાફ પણ થઇ જશે. તે ટૂથબ્રશના ઉપયોગ કરતા વધુ અસરકારક રહેશે.
જો તમારે કારની અંદર સાબુથી કાર્પેટ વગેરે સાફ કરવા માંગતા હોય તો તમે તેમાં થોડું વિનેગર ઉમેરી શકો છો, પરંતુ બહાર તેને બિલકુલ મિક્સ ના કરો. કાર્પેટ સાફ કરવા માટે વિનેગર સારું પરિણામ આપી શકે છે. કારની વિન્ડશિલ્ડને કોઈ કડક કપડાથી સાફ કરશો નહીં. આનાથી નિશાન રહી જશે અને કારના ડ્રાઈવરને ચલાવવામાં સમસ્યા થઈ શકે છે.
કારના સાઈડ મિરરને સાફ કરવાનું ભૂલશો નહિ અને પછી તેને કોટન ટિશ્યુથી સાફ કરો જેથી તેમાં કોઈ નિશાન ના રહી જાય. તમે કારની અંદર સફાઈ માટે બ્રશ વાળા વેક્યુમ ક્લીનરનો પણ ઉપયોગ કરી શકો છો.
તો આ તમામ હેક્સ તમારી કારને સારી રીતે સાફ કરવામાં તમારી ઘણી મદદ કરી શકે છે. આશા છે કે તમને આ હેક્સ ગમ્યા હશે. આવી જ જીવનઉપયોગી જાણકરી મેળવવા માટે રસોઈનીદુનિયા સાથે જોડાયેલા રહો.
