રાત્રે આ 8 વસ્તુઓ ખાવાનું ટાળોઃ વારંવાર ઊંઘ ન આવવી અથવા કલાકો સુધી ઉંઘ ન આવવી એ તમારી રાત્રે થયેલી નાની ભૂલનું પરિણામ હોઈ શકે છે. રાત્રિભોજન દરમિયાન લેવામાં આવતી ખાસ વસ્તુઓ તમારી ઊંઘમાં ખલેલ પહોંચાડી શકે છે. તો ચાલો જાણીએ કઈ છે આ 8 વસ્તુઓ જે ઊંઘમાં ખલેલ પહોંચાડે છે.
ઊંઘ શરીર માટે એક દવાનું કામ કરે છે કારણ કે ઊંઘ દરમિયાન શરીર પોતાને રિપેર કરે છે. જો તમે ઊંઘ પુરી નથી લેતા તો તમને માનસિક અને શારીરિક તમામ સમસ્યાઓ થવા લાગે છે. દરેક વ્યક્તિને 8 કલાકની ઊંઘની જરૂર હોય છે.
જો તમને રાત્રે ઊંઘ નથી આવતી અથવા અડધી રાત્રે આંખ ખુલી જાય છે અને ફરીથી ઊંઘ નથી આવી રહી તો તમારે આ લેખમાં જણાવેલી આ 8 વસ્તુઓ રાત્રીના સમયે ના ખાવી જોઈએ. આવો જાણીયે કઈ છે આ 8 વસ્તુઓ.
ડાર્ક ચોકલેટ : ડાર્ક ચોકલેટમાં ભરપૂર કેફીન અને ઉત્તેજક પદાર્થો હોય છે, જે હૃદયને રાત્રે આરામ આપવાને બદલે હૃદયની કામગીરી અને મગજને એક્ટિવ રાખે છે. દિવસ દરમિયાન તેનું સેવન કરવું ફાયદાકારક છે જેથી તમે એક્ટિવ રહી શકો પરંતુ રાત્રે સારી ઊંઘ માટે તે સારું નથી.
આલ્કોહોલ : જો તમે રાત્રે સૂતા પહેલા એમ વિચારીને આલ્કોહોલ પીવો છો કે દિવસભરનો થાક ઉતારી જશે અને સારી ઊંઘ આવશે તો આ તમારી ભૂલ છે, કારણ કે આમ કરવાથી માત્ર તેમની ઊંઘ જ નહીં પરંતુ સ્વાસ્થ્ય પણ બગાડે છે. તેમાં કેલરી ખુબ જ વધુ હોવાથી વજન વધારવા અને ડાયાબિટીસને આમંત્રણ આપે છે.
પિઝા : પિઝા હંમેશા સ્વાથ્ય માટે નુકસાનકારક છે, પરંતુ તેને રાત્રે ખાવું તમારા માટે ખૂબ જ નુકસાનકારક હોઈ શકે છે. મૈંદા અને અનેક પ્રકારના સોસ અને વસ્તુઓથી બનેલા પીઝા હાર્ટબર્નનું કારણ બને છે. તમારું આ રાત્રિભોજન વજન અને ડાયાબિટીસ સાથે હાઈ બીપીની સમસ્યાનું કારણ બની શકે છે.
ચિપ્સ અને નમકીન : જો તમને રાત્રિભોજન કાર્ય પછી પણ ચિપ્સ અથવા નમકીન સાથે ચા પીવાની આદત હોય તો આ આદતને આજે જ બદલી નાખો કારણ કે તમારી ઊંઘ અને સ્વાસ્થ્ય માટે આનાથી ખરાબ કોઈ વસ્તુ હોઈ શકે નહીં.
આ નાસ્તામાં ખુબ જ વધારે પ્રમાણમાં મોનોસોડિયમ ગ્લુટામેટ હોય છે, જે તમને ઊંઘની પેટર્નને સ્લો પોઈઝન જેવી બગાડે છે. તેની સાથે આવા નાસ્તા હાઈ બ્લડ પ્રેસર, ડાયાબિટીસ અને વજન વધવા જેવી સમસ્યાઓ માટે પણ જવાબદાર છે.
પાંદડાવાળા શાકભાજી : જો કે બ્રોકોલી અને કોબી જેવા લીલા શાકભાજી ખાવા સ્વાસ્થ્ય માટે ખુબ જ સારા માનવામાં આવે છે, પરંતુ તેને રાત્રિભોજનમાં ખાવાનું ટાળવું જોઈએ કારણ કે તેનાથી પેટમાં ગેસ બની શકે છે. તેમાં અદ્રાવ્ય ફાઇબરનું પ્રમાણ વધુ હોવાથી તમને લાંબા સમય સુધી ભરેલું રાખે છે અને ધીમે ધીમે પચે છે.
તેને ખાધા પછી સુઈ જવાથી આ પ્રક્રિયા વધુ ધીમી પડી જાય છે જેના કારણે ગેસ અથવા અન્ય પાચન સમસ્યાઓનું કારણ બને છે.
બર્ગર કે સેન્ડવિચ : જો તમે બર્ગરમાં વધુ પડતું સલાડ ઉમેરીને એ વિચારીને ખાઓ છો કે તે હવે હેલ્ધી બની જશે, તો તમારી આ વિચારસરણી ખોટી છે. બર્ગરમાં હાજર ફેટી ફીલિંગ અને સોસ સ્વાદમાં અદ્ભુત હોઈ શકે છે પરંતુ તે સ્વાસ્થ્ય માટે સારું નહીં.
તે પેટમાં એસિડના લેવલને વધારી દે છે તેનાથી હાર્ટબર્નની સમસ્યા થાય છે અને રાત્રે જમ્યા પછી સુઈ જવાથી આ સમસ્યા ઝડપથી વધે છે જે ઊંઘમાં ખલેલનું કારણ છે. જેના કારણે અડધી રાત્રે તમારી આંખ અચાનક ખુલી જાય છે.
પાસ્તા : કેલરી અને કાર્બોહાઇડ્રેટ્સથી ભરપૂર પાસ્તા તમને પેટ ભરાઈ ગયું છે તેવો ભરપૂર અનુભવ કરાવશે પરંતુ તમારી ઊંઘ અને સ્વાસ્થ્યનું બેન્ડ વગાડી દેશે. તેમાં હાજર કાર્બોહાઇડ્રેટ હાનિકારક ચરબીમાં ફેરવાય છે જે પછી કોલેસ્ટ્રોલ, બીપી અને હૃદય રોગનું કારણ બને છે.
તેનો ગ્લાસીમિક ઇન્ડેક્સ કૂબ જ વધારે હોય છે, તેથી તે ડાયાબિટીસનું કારણ પણ બની શકે છે. તેથી તેને રાત્રે ખાવાથી એસિડનું નિર્માણ વધે છે જેનાથી એસિડિટી અને ગેસની સમસ્યા થાય છે.
ચાટ – ગોલગપ્પા : તો યાદ રાખો કે આમાંથી કેટલાક ખોરાક એવા છે જેને હંમેશા ખાવાનું ટાળવું જોઈએ પરંતુ કેટલાક ખોરાક એવા છે જેને રાત્રે ખાવાનું ટાળવા જોઈએ. જેથી તમને સારી ઊંઘ અને સારું સ્વાસ્થ્ય મળી શકે.
હવે જો તમને પણ રાત્રે ઊંઘ ન આવવાની સમસ્યા છે અને આ માટે તમે દવાઓ લો છો તો સૌથી પહેલા આ ખોરાક પર પણ ધ્યાન આપો, કદાચ રાત્રે ઊંઘ ન આવવાનું કારણ આ વસ્તુઓ પણ હોઈ શકે છે.
