શું તમે પણ ઝડપથી વજન ઘટાડવા માંગો છો પરંતુ કસરત માટે જીમમાં જવાનો સમય નથી અથવા જીમમાં જવા નથી માંગતા, તો તમારે ચિંતા કરવાની કોઈ જરૂર નથી કારણ કે તમે ઘરની સફાઈ કરીને પણ વજન ઝડપથી ઘટાડી શકો છો.
શું તમે જાણો છો કે બોલિવૂડની જાણીતી અભિનેત્રી ભાગ્યશ્રી પણ પોતાને ફિટ રાખવા માટે ઘરનું કામ કરે છે. કચરા પોતું કરવું એટલું જ સારું છે જેટલું સ્ક્વોટિંગ એ સ્ક્વોટ્સ કરવું. તમે ઘરના કામ કરીને કસરત અને વોર્મ-અપ એક્સરસાઇઝ કરી શકો છો.
વજન ઘટાડવું લગભગ દરેક વ્યક્તિ માટે ચિંતાનો વિષય છે. જો કે જીમમાં જવું દરેક સ્ત્રી માટે સરળ નથી. અને જો તમે એવી મહિલા છો કે જેને કસરત માટે સમય નથી તો એક ખૂબ જ સરળ પદ્ધતિ છે જે તમને પેટની ચરબી ઘટાડવામાં મદદ કરી શકે છે અને તે પણ તમારા ઘરે જ.
ઘણા અભ્યાસો મુજબ, જ્યારે ચરબી ઓગાળવાની વાત આવે ત્યારે ઘરના કામકાજ ફાયદાકારક હોઈ શકે છે. વાસ્તવમાં તમે ઘરે જે કામ કરો છો તેમાંથી ઘણી વસ્તુઓ જિમ જેટલી જ અસરકારક હોય છે. એક રિપોર્ટ મુજબ દર અઠવાડિયે સરેરાશ 11 કલાક ઘરકામ કરવાથી તમને અઠવાડિયામાં લગભગ 2,345 કેલરી બર્ન કરવામાં મદદ મળી શકે છે, જેનાથી વજન ઘટી શકે છે.
ઘણી મહિલાઓ અત્યારે ઘર કામ કરવામાં આળસ અનુભવે છે અને કામવાળી રાખે છે. કોણ કહે છે કે ઘરનું કામ સારું નથી. જો ઘરનું કામ પણ યોગ્ય રીતે કરવામાં આવે તો તે પણ સ્નાયુઓને હલાવવા અને સ્ટ્રેચિંગ માટે સરસ રીત છે.
માત્ર એક મૂળભૂત સાવરણી અને પોતું તમારા આખા શરીરની કોર મસલ્સ પર અસર કરે છે. કચરો વાળવાથી અને પોતું કરવાથી પેટની ચરબી ઓછી થાય છે, આ માટે, ઉભા રહીને નહીં પણ, જમીન પર બેસીને ભારતીય શૈલીમાં કરો. આ તે ભાગો પર કામ કરશે જે ડક-વૉક કસરત કામ કરે છે.
આ તમારા ક્વાડ્સ અને પેટની ચરબીને ઓછી કરશે અને જ્યારે તમે જમીન પર બેસીને પોતું કરવા માટે હાથને ફેલાવશો તો હાથને ટોન કરવામાં પણ મદદ કરશે . જ્યારે તમે તમારા શરીરને વાળો છો અને તમારા ઘરના દરેક ખૂણાને સાફ કરવા માટે તમારા હાથ ફેલાવો છો ત્યારે તમે તમારા ગ્લુટ સ્નાયુઓને જોડો છો અને તમારા શરીરને સ્ટ્રેચ આવે છે.
પોતું કરવું એ આખા શરીરની કસરત છે જે તમારા હાથને અને પગને પણ મજબૂત બનાવે છે. સાવરણી અને કચરો ઘણી બધી કેલરી બર્ન કરવામાં મદદ કરે છે, જો કે, તે કામ કરવામાં કેટલો સમય લાગે છે તેના પર આધાર રાખે છે.
એવું કહેવાય છે કે માત્ર 20 મિનિટ પોતું કરવાથી લગભગ 157 કેલરી બર્ન થાય છે જે 30 મિનિટની વોટર એરોબિક્સ બરાબર છે. તમે પણ કચર પોતું કરીને તમારું વજન ઝડપથી ઘટાડી શકો છો. ફિટનેસ સંબંધિત આવી વધુ માહિતી મેળવવા રસોઈનીદુનિયા સાથે જોડાયેલા રહો.
