વજન વધારવું એટલું સરળ પણ નથી જેટલું તમને લાગે છે. જેમ વજન ઘટાડવા માટે ડાઈટ હોય છે, તેવી જ રીતે વજન વધારવા માટે પણ ડાઈટ હોય છે. વજન વધારવાના માટે ડાઈટમાં ઉચ્ચ કેલરી અને સારી ગુણવત્તાયુક્ત પ્રોટીન લેવા પર ધ્યાન આપવું જોઈએ.
જો કે વજન વધારવા માટે યોગ્ય ડાઈટ પસંદ કરવું પણ જરૂરી છે જેમાં ખાલી કેલરી અને ચરબીને બદલે હેલ્દી અને સંતુલિત આહારનો સમાવેશ થાય છે. વજન વધારવા માટે યોગ્ય આહાર તમને જરૂરી પોષક તત્ત્વો પ્રદાન કરે છે જ્યારે તમને મસલ્સ બનાવવામાં મદદ કરે છે.
વજન વધારવા માટે કોઈપણ ડાઈટનો મુખ્ય ઉદ્દેશ્ય હોય છે કે દિવસમાં જેટલી કેલરી બર્ન કરતા હોય તેથી વધુ કેલરી લેવાનો હોય છે. જો કે વજન વધારવા માટે સારી ડાઈટમાં કાર્બોહાઇડ્રેટ્સ, પ્રોટીન, સ્વસ્થ ચરબી અને કેલરીનો સમાવેશ થાય છે. તેથી તમારી ડાઈટને તેના પોષક મૂલ્યને ધ્યાનમાં રાખીને અને સમજદારીપૂર્વક પસંદ કરો.
ઓછા વજન માટેનો સંઘર્ષ એટલો જ અઘરો છે જેટલો વધારે વજનનો હોય છે. ઓછું વજન પણ થાક, નબળી રોગપ્રતિકારક શક્તિ, વારંવાર ચેપ, નાજુક હાડકાં, નિસ્તેજ ત્વચા, વાળ તૂટવા જેવા સ્વાસ્થ્ય પડકારોનો સામનો કરવો પડે છે. તેથી વજન વધારવા માટે આરોગ્યપ્રદ ડાઈટ પસંદ કરવું ખુબ જરૂરી છે.
શું તમે પણ તંદુરસ્ત રીતે વજન વધારવા માટે સારો ડાઈટ પ્લાન શુદ્ધિ રહયા છો? શું તમે પણ એક મહિનામાં વજન કેવી રીતે વધારવું તે વિચાર કરી રહયા છો? સારું, તો ચિંતા કરશો નહીં. આ લેખમાં અમે સારા આહારના તમામ પાસાઓને આવરી લીધા છે જે તમને વજન વધારવામાં મદદ કરશે.
ફિટ અને સ્વસ્થ રહેવું મહત્વપૂર્ણ છે. ડાયેટિશિયનની મુલાકાત લેવી જોઈએ, પરંતુ આજકાલ આપણી વ્યસ્ત જિંદગીને કારણે કોઈની પાસે ડાયેટિશિયનને મળવાનો સમય નથી, પરંતુ અમે તમારી પીડા સમજીએ છીએ. નિષ્ણાત મુજબ, જો તમારી બોડી માસ ઇન્ડેક્સ (BMI) 18.5 કે તેથી ઓછો છે તો તેનો અર્થ છે કે તમારું વજન ઓછું છે.
પુરુષો તુલનામાં સ્ત્રીઓમાં વધુ સામાન્ય છે. ઓછું વજન હોવું એ મોટાપા જેટલું જ અનહેલ્ધી હોઈ શકે છે. જે લોકોનું વજન ઓછું છે તેઓને ઓસ્ટીયોપોરોસીસ, ચેપ સંબંધી સમસ્યાઓનું જોખમ રહેલું છે. એવી ઘણી મેઇકલ પરિસ્થિતિઓ છે જે વજન વધારવું મુશ્કેલ બનાવે છે અને અચાનક વજન ઘટાડવા માટે જવાબદાર છે. જેમ કે હાઇપરથાઇરોઇડિઝમ, ખોરાકની એલર્જી, કેન્સર, વારંવાર ચેપ, HIV, વગેરે. તેથી વજન ઘટાડવા સંબંધિત કોઈપણ સ્વાસ્થ્ય સ્થિતિ વિશે જાણવા માટે નિષ્ણાતની સલાહ લો.
1 મહિના માટે વજન વધારવાનો ડાઈટ ટિપ્સ : ભોજન પહેલાં પાણી ના પીવો. આનાથી તમારું પેટ ભરાઈ જશે અને પૂરતી કેલરી મળી શકશે નહીં કારણ કે તમારી ભૂખ ઓછી થશે. વારંવાર ખાઓ. જ્યારે પણ તમને ખાવાની ઈચ્છા થાય ત્યારે ખાઓ. જેમ કે સૂતા પહેલા પણ.
સવારનો નાસ્તો પ્રોટીનથી ભરપૂર ખાઓ, જેમ કે: બેસનના લાડુ, પીનટ બટર ટોસ્ટ, બદામ, ચણા અને ગોળ વગેરે. દૂધનો પણ સમાવેશ કરો. તરસ છીપાવવા માટે દૂધ પીવું એ વધુ ઉચ્ચ-ગુણવત્તાવાળા પ્રોટીન અને કેલરી મેળવવાનો એક સરળ રસ્તો છે. પ્રોટીન શેક અજમાવો.
પ્રોટીન, કાર્બોહાઈડ્રેટ અને કેલરીથી ભરપૂર ખોરાક ખાઓ. તમે મિલ્ક પાવડર, બદામ અને ફળોનો ઉપયોગ કરીને ઘરે ઉચ્ચ પ્રોટીન શેક પણ બનાવીને પી શકો છો. મોટી પ્લેટમાં ખાવાનું પસંદ કરો. જો તમે વધુ કેલરી મેળવવાનો પ્રયાસ કરી રહ્યાં હોય તો મોટી પ્લેટોમાં જ ખાઓ, કારણ કે નાની પ્લેટોમાં લોકો ઓછું ખાવાનું ખાય છે.
તમે દરરોજ શારીરિક પ્રવૃત્તિ કરો. હળવી શારીરિક પ્રવૃત્તિ ભૂખ વધારે છે, જે વજન વધારવામાં મદદ કરે છે. વજન વધારવા માટે એવો ખોરાક લો જેમાં કેલેરી વધારે હોય. પહેલા પ્રોટીન ખાઓ અને શાકભાજી છેલ્લે ખાઓ. જો તમારી પ્લેટમાં ખોરાક મિક્સ હોય તો પહેલા કેલરીથી ભરપૂર અને પ્રોટીનયુક્ત ખોરાક લો. છેલ્લે શાકભાજી ખાઓ.
સારી ઊંઘ લો. સ્નાયુઓની વૃદ્ધિ અને યોગ્ય પોષક તત્ત્વોના શોષણ માટે યોગ્ય રીતે સૂવું ખૂબ જ જરૂરી છે. ધૂમ્રપાન કરશો નહીં, કારણ કે ધૂમ્રપાન કરનારાઓનું વજન ધૂમ્રપાન ન કરનારાઓ કરતાં ઓછું હોય છે અને છોડવાથી ઘણીવાર વજન વધે છે.
તમે પણ નિષ્ણાતો દ્વારા જણાવવામાં આવેલી આ 10 ટિપ્સને અજમાવીને 1 મહિનામાં તમારું વજન વધારી શકો છો. આહાર સંબંધિત આવી જ માહિતી માટે રસોઈનીદુનિયા સાથે જોડાયેલા રહો.
