ખોરાકને સ્વાદિષ્ટ બનાવવાની ઘણી રીતો છે પરંતુ ભારતમાં, ખોરાકનો સ્વાદ વધારવા માટે સૌથી પ્રખ્યાત ચટણી છે. ચટણી એક એવી વાનગી છે જે લગભગ દરેક ખોરાક સાથે ખાઈ શકાય છે. તે સ્વાદ વગરના ખોરાકને પણ મસાલેદાર બનાવે છે.
રસપ્રદ વાત એ છે કે ચટણી ખાવામાં જેટલી સ્વાદિષ્ટ હોય છે એટલી જ તેને બનાવવાની રીત પણ સરળ હોય છે. જો કે ચટણી ઘણા પ્રકારની હોય છે પરંતુ આજે અમે તમને મગફળી અને દહીંની ચટણી બનાવવાની એક સરળ રીત વિશે જણાવીશું, જેને તમે ઢોસા, સમોસા, પકોડા વગેરે સાથે પીરસીને ખાઈ શકો છો.
સામગ્રી : 1 વાટકી મગફળી, 1 કપ દહીં, અડધો કપ કોથમીર, 3 લીલા મરચાં, 1/2 ટીસ્પૂન જીરું પાવડર, સ્વાદ મુજબ મીઠું, 1 ટીસ્પૂન લસણ, 2 ટીસ્પૂન તેલ
મગફળી અને દહીંની ચટણી બનાવવાની રીત : મગફળી અને દહીંની ચટણી બનાવવા માટે સૌ પ્રથમ કોથમીરને સારી રીતે ધોઈ લો અને મગફળીના ફોતરાં કાઢી લો. હવે એક કડાઈમાં તેલ નાખીને મગફળીને શેકી લો અને પછી તેને ઠંડુ થવા માટે રાખો.
પછી લીલા મરચાં, લસણ, મગફળી અને બીજી બધી સામગ્રીને મિક્સરમાં ઉમેરો. હવે આ મિશ્રણને સારી રીતે પીસી લો અને જો તમે ઈચ્છો તો તેમાં થોડું પાણી પણ ઉમેરી શકો છો.
જ્યારે મિશ્રણ સારી રીતે પીસાઈ જાય ત્યારે તેમાં દહીં ઉમેરીને બરાબર હલાવી લો. હવે તેમાં મીઠું નાખીને થોડીવાર માટે ફ્રીજમાં રાખો. બસ તમારી મગફળી અને દહીંની ચટણી તૈયાર છે, હવે તમે તેને સમોસા, પરાઠા સાથે ખાઈ શકો છો.
