આપણે બધા કઠોળનું સેવન કરીએ છીએ. કઠોળમાં ભરપૂર પ્રમાણમાં પોષક તત્વો રહેલા છે. કઠોળ આપણા શરીરમાં વિટામિન, પ્રોટીન, મિનરલ્સ અને બીજા પોષક તત્વોની જરૂરીયાત ને પુરી પાડે છે. કહેવામાં આવે છે કે અઠવાડિયામાં ત્રણ દિવસ રસોઈમાં કઠોળ હોવા જોઈએ. તો અહીંયા આપણે એક એવા કઠોળ વિષે જોઈશું જેનું પાણી પીવાથી પણ શરીરને ઘણા ફાયદા થાય છે.
અહીંયા જે કઠોળની વાત કરીશું તે કઠોળનું નામ છે કાળા ચણા. કાળા ચણાનું સેવન અલગ-અલગ રીતે કરવામાં આવે છે. તેને શાક તરીકે અથવા તો ક્યારેક અંકુરિત કરીને ખાવામાં આવે છે, ખાસ વાત એ છે કે તેમાં જોવા મળતા પૌષ્ટિક તત્વો સ્વાસ્થ્ય માટે ખૂબ જ ફાયદાકારક માનવામાં આવે છે.
પરંતુ શું તમે જાણો છો કે ચણાને જે પાણીમાં પલાળી રાખવામાં આવે છે તે પણ પૌષ્ટિક હોય છે. આ પાણીનું સેવન કરવાથી તમે ન માત્ર રોગોથી દૂર રહેશો પરંતુ ત્વચા સંબંધિત સમસ્યાઓથી પણ છુટકારો મેળવી શકો છો. મોટાભાગના લોકો દરરોજ પલાળેલા કાળા ચણાનું સેવન કરે છે.
કાળા ચણા પાચનને સુધારે છે. આપણે રોજીંદા જીવનમાં કાળા ચણામાં પલાળેલા પાણીને ફેંકી દઈએ છીએ, પરંતુ આ પાણીનું રોજ સેવન કરવાથી ઘણા ફાયદા થાય છે. તેમાં રહેલા ફાઈબર, પ્રોટીન, કેલ્શિયમ, કાર્બોહાઈડ્રેટ્સ અને વિટામિન્સ જેવા પોષક તત્વો શરીરને ઘણી રીતે ફાયદો કરે છે. તો ચાલો જાણી પલાળેલા કાળા ચણાના પાણીના કેટલાક ફાયદાઓ વિશે.
1- વજન ઘટાડવામાં મદદ કરે: કાળા ચણામાં ભરપૂર પ્રમાણમાં ફાઈબર હોય છે, જેના કારણે પેટ લાંબા સમય સુધી ભરેલું રહે છે અને ખાવાની ઈચ્છા વધુ થતી નથી. ઘણા લોકો નાસ્તામાં પાણીમાં પલાળેલા ચણાનું સેવન કરે છે. આ સિવાય કેટલાક લોકો તેને સ્પ્રાઉટ્સના રૂપમાં પણ ખાય છે.
ફાઈબરથી ભરપૂર અને ઓછી કેલરીવાળા ખોરાકને કારણે કાળા ચણાને વજન ઘટાડવામાં મદદરૂપ માનવામાં આવે છે. માટે આવી સ્થિતિમાં કાળા ચણાની સાથે તેનું પાણી પણ વજન ઘટાડવા માટે સારો વિકલ્પ માનવામાં આવે છે. જે લોકો કાળા ચણા ખાવાનું પસંદ નથી કરતા તેઓ એક બીજો વિકલ્પ તરીકે તેના પાણીને આહારમાં સામેલ કરી શકે છે.
2- રોગપ્રતિકારક શક્તિ વધારશે: ઘણા લોકોની રોગપ્રતિકારક ખુબજ નબળી હોય છે. જો તમારી પણ રોગપ્રતિકારક શક્તિ નબળી હોય અને તમે વારંવાર બીમાર પડતા હોય તો તમારી રોગપ્રતિકારક શક્તિને મજબૂત કરવા માટે પલાળેલા કાળા ચણાનું પાણી પી શકાય છે.
આ પાણીમાં ઘણા વિટામિન્સ સાથે સાથે તેમાં ખનિજો પણ હોય છે, જેમાં ક્લોરોફિલ અને ફોસ્ફરસનો સમાવેશ થાય છે. જે શરીરને રોગોથી દૂર રાખે છે. જો વારંવાર શરદી અને શરદીની સમસ્યા રહેતી હોય તો રોજ સવારે ખાલી પેટે ચણાનું પાણી પીવાનું શરુ કરવું.
3- પાચનતંત્રને મજબૂત બનાવે: જયારે પણ કબજિયાત, એસિડિટી અથવા પેટ સંબંધિત અન્ય સમસ્યાઓ થાય ત્યારે તેમાંથી છુટકારો મેળવવા માટે, ડૉક્ટર હંમેશા કાળા ચણા ખાવાની સલાહ આપે છે. આવી સ્થિતિમાં, પલાળેલા કાળા ચણાનું પાણી પણ પેટને સ્વસ્થ રાખવાનું કામ કરે છે અને તે રોગોને દૂર કરે છે.
કેટલાક લોકો પલાળેલા કાળા ચણાના પાણીમાં મીઠું અને લીંબુનો રસ પણ મિક્સ કરે છે. આ સિવાય કેટલાક લોકો ચણાને ઉકાળીને બાકીનું પાણી ગાળીને પી લે છે.
4- શરીરમાં ઉર્જા વધારવા માટે કાળા ચણાને પલાળીને રાખો: જો તમે સતત નબળાઈ અનુભવો છો અને વારંવાર થાક લાગવાની સમસ્યા રહેતી હોય તો રોજ પલાળેલા કાળા ચણાનું પાણી પીવાનું શરુ કરો. કેટલાક લોકો એનર્જી વધારવા માટે કાળા ચણાનું સેવન અંકુરના રૂપમાં કરે છે.
આવી સ્થિતિમાં જો તમે ચણા ખાવા માંગતા ન હોવ તો તમે કાળા ચણાનું પાણી પી શકો છો. સવારે ખાલી પેટ તેને પીવાથી શરીરમાં શક્તિ વધે છે અને તમે દિવસભર તાજગી અને ઉર્જાથી ભરપૂર અનુભવ કરશો.
5- ત્વચાને સૌંદર્ય કરવા: ત્વચાની સમસ્યાઓ મોટાભાગે પેટ ખરાબ થવાને કારણે થાય છે. આવા સમયે પલાળેલા કાળા ચણાનું પાણી ન માત્ર પેટને સાફ રાખવામાં મદદ કરે છે, પરંતુ તે ત્વચાની સમસ્યાઓને પણ દૂર કરે છે. આ સિવાય તે લોહીને શુદ્ધ કરવામાં પણ મદદ કરે છે. જો તમે ત્વચાની કુદરતી સુંદરતા વધારવા માંગતા હોવ તો રોજ સવારે પલાળેલા કાળા ચણાનું પાણી પીવો.
હવે જાણો કે પલાળેલા કાળા ચણા પાણીનું સેવન કેવી રીતે કરવું: કાળા ચણાને આખી રાત પાણીમાં પલાળી રાખો. હવે આ પાણીને ગાળીને બીજા દિવસે પી લો. તમે તેને રોજ સવારે ખાલી પેટ તેમાં કંઈપણ ઉમેર્યા વગર પી શકો છો. જો તમારે વજન ઓછું કરવું હોય તો કાળા ચણાના પાણીમાં એક ચમચી મધ ભેળવીને પીવો.
તમે તમારા સ્વાદ પ્રમાણે મધનું પ્રમાણ વધારી કે ઘટાડી શકો છો. જો તમે ઈચ્છો તો પલાળેલા કાળા ચણાના પાણીમાં મધ ઉપરાંત લીંબુનો રસ મિક્સ કરી શકો છો. ઉપર જણાવેલ આ તમામ સ્વાસ્થ્યના લાભ લેવા માટે તમે તમારા આહારમાં પલાળેલા કાળા ચણા પાણીનો સમાવેશ કરી શકો છો. આનાથી સ્વાસ્થ્ય સંબંધિત કોઈ સમસ્યા હોય તો નિષ્ણાતની સલાહ લેવાનું ભૂલશો નહીં.
તમને અમારી માહિતી પસંદ આવી હોય તો રસોઈ ની દુનિયા સાથે જોડાયેલા રહો. અહીંયા તમને દરરોજ જીવન ઉપયોગી માહિતી, રેસિપી, કિચન ટિપ્સ, ટ્રિક અને હેલ્થ વિશેની માહિતી મળતી રહેશે.
