બેકડ મગની મસાલા પુરી

હેલ્લો ફ્રેન્ડ, આજે આપણે બનાવીશું બેકડ મગની મસાલા પુરી. પુરી તો તમે ખાતા જ હસો પણ આજે તમને બતાવા જઈ રહ્યાં છીએ મગ ની મસાલા પુરી. તમે આ પુરી ઘરે બનાવશો અને એનો ટેસ્ટ કરશો તો એકદમ નવો જ ટેસ્ટ આવશે. તો રેસિપી જોઈલો અને સારી લાગે તો શેર કરવાનું ભુલતા નહી.

સામગ્રી :

• 1 કપ પીળી મગની દાળનો લોટ
• 1/2 કપ ઘઉંનો લોટ
• 1/4 કપ બેસન
• 2 ટેબલ સ્પુન ઓલિવ અથવા સનફલાવર ઓઈલ
• 2 ટી સ્પુન સફેદ તલ
• 1 1/2 ટી સ્પુન લાલ મરચી પાવડર
• 1 1/2 ટી સ્પુન હળદર
• 1/4 ટી સ્પુન આમચુર
• 1 ટી સ્પુન શેકેલો જીરા પાવડર
• 1 ટી સ્પુન ચાટ મસાલો (ઓપશનલ)
• 2 ટી સ્પુન હાથથી મસળેલી કસુરી મેથી
• મીઠું સ્વાદ મુજબ
• પાણી કણક બાંધવા માટે

બનાવાની રીત :

1.  ઓવનને 180 ડિગ્રી પર પ્રીહિટ કરો.
2. બધી સામગ્રી મિકસ કરી કણક બાંધો.
3. લોટ વિના પુરીઓ વણી શકાય તેવો કણક બાંધવો.
4. કણક ના 5-6 લુઆ વાળી મધ્યમ જાડાઈની પુરીઓ વણો.
5. કુકીંગ કટર થી અથવા વિવિધ શેપના મોલ્ડ કટર થી એક જ સાઈઝની પુરીઓ કાપો.
6. ગ્રીસીંગ કરેલી બેકીંગ ટ્રે માં મુકો.
7. 180 ડિગ્રી પર 10-12 મિનિટ માટે બેક કરો.
8. પુરી તૈયાર છે. ઠંડી કરી એર ટાઈટ ડબ્બામાં ભરી લો.

નોંધ –

• પીળી મગની દાળનો લોટ ન હોય ત્યારે પીળી દાળને 3-4 કલાક ભીંજવી રાખવી. બાદમાં પાણી નીતારી દાળને પીસી લેવી.