રસોડામાં મહિલાઓ ઘણી બધી વસ્તુઓને કરીને રાખે છે જેમ કે મસાલા, લોટ વગેરે. પરંતુ આ બધી સામગ્રીમાં લોટનું ખૂબ મહત્વ છે કારણ એ છે કે લોટનો દરરોજ ઉપયોગ થાય છે જેમ કે રોટલી, પરાઠા, મીઠાઈઓ વગેરેમાં.
જો કે, એવી ઘણી સ્ત્રીઓ છે જે ઘઉંના લોટને બદલે મલ્ટિગ્રેન લોટ, ખાસ કરીને ચોખાનો લોટ વધુ પસંદ કરે છે. વારંવાર બજારમાં ન જવાને કારણે મહિલાઓ ચોખાનો લોટ વધુ માત્રામાં સ્ટોર કરે છે, પરંતુ વાતાવરણના ફેરફારને કારણે ચોખાના લોટમાં કીડા અને જીવડાં પડી જાય છે.
એકવાર જીવડાં પડી ગયા પછી દૂર કરવું થોડું મુશ્કેલ બની જાય છે. ઘણીવાર મહિલાઓ ચોખાનો લોટ ફેંકી દે છે, પરંતુ આજે અમે તમને એવી કેટલીક ટિપ્સ જણાવીશું, જેનાથી ન તો લોટમાં કીડા લાગશે અને ન તો ચોખાનો લોટ બગડશે.
ચાળણીનો ઉપયોગ કરો : ચોખાના લોટમાંથી જંતુઓ દૂર કરવા માટે, તમને બજારમાં ઘણા પ્રકારની ચાળણીઓ મળી જશે, પરંતુ ઝીણી ચાળણીનો ઉપયોગ કરવો જોઈએ. આનાથી કીડા પણ દૂર થશે અને તમારો લોટ પણ સાફ થઈ જશે.
ગરમ જગ્યાએ મૂકો : જો ચોખાના લોટમાંથી કીડા ન નીકળતા હોય તો લોટને ગરમ જગ્યાએ રાખો. ગરમીને કારણે લોટમાંથી કીડાઓ બહાર નીકળી જશે. આ માટે તમે સવારથી સાંજ સુધી તડકામાં મુકો.
લોટને તડકામાં રાખ્યા બાદ તેને ચાળણીથી ચાળી લો અને પછી લોટને ડબ્બામાં સ્ટોર કરો, પરંતુ ડબ્બો ભીનું ન હોય થાય તેનું ખાસ ધ્યાન રાખો. જો કન્ટેનર ભીનું હોય તો તમારો લોટ ઝડપથી બગડી શકે છે.
તજ કામ કરશે : તજ કીડાઓને બહાર કાઢવામાં ખૂબ જ મદદગાર છે. તજની સુગંધથી જંતુઓ પરેશાન થઇ જાય છે અને તેની સુગંધથી દૂર ભાગી જાય છે. તેથી તમે લોટના ડબ્બામાં તજનો ટુકડો મૂકો અને ડબ્બાને બંધ કરો.
તેનાથી માત્ર જંતુઓ અને કીડાઓ જ નહીં ભાગી જશે, પરંતુ તમારો લોટ પણ તાજો રહેશે. આ સિવાય તમે તજને પણ લોટમાં મિક્સ કરીને પણ ડબ્બામાં ભરી શકો છો, ચોક્કસ આ ટ્રિક તમારા માટે ખુબ જ ઉપયોગી થશે.
લોટને સ્ટોર કરવાની ટિપ્સ : ચોખાનો લોટ સ્ટોર કરવા માટે હંમેશા સ્વચ્છ અને હવાચુસ્ત ડબ્બાનો ઉપયોગ કરો. જ્યારે પણ તમે લોટને ડબ્બામાં ભરો ત્યારે, ડબ્બામાં લવિંગને મૂકી દો. આનાથી જંતુઓ અને કીડાઓ પણ નહીં પડે અને લોટ પણ તાજો રહેશે.
લોટને તાજો રાખવા માટે તમે કડવા લીમડાના પાનનો પણ ઉપયોગ કરી શકો છો. જો તમારી પાસે સ્ટોર કરવા માટે જગ્યા ન હોય તો જરૂરિયાત પૂરતો જ ચોખાનો લોટ ખરીદો. લોટને બહાર કાઢતી વખતે ધ્યાન રાખો કે તમારા હાથ, ચાળણી કે પ્લેટ ભીની ન હોય.
આ કેટલીક ટિપ્સ ચોખાના લોટમાંથી કીડાઓને દૂર કરવા માટે અસરકારક સાબિત થઈ શકે છે. જો તમને આ લેખ પસંદ આવ્યો હોય તો રસોઈનીદુનિયા સાથે જોડાયેલા રહો.
