પરફેક્ટ લચ્છા પરાઠા બનાવવા માટે સરળ ટિપ્સ અને બનાવતી વખતે આ ભૂલો ક્યારેય ના કરો

Spread the love

સવારનો નાસ્તો હોય કે રાત્રિભોજન, પરાઠા સૌને પસંદ છે અને લોકો વિવિધ પ્રકારના પરાઠાનો આનંદ માણે છે. પરંતુ બીજા પરાઠા કરતા લચ્છેદાર પરાઠાને લોકો સૌથી વધારે પસંદ કરે છે અને દરેક વ્યક્તિ દાલ મખાની અને શાહી પનીર સાથે લચ્છેદાર પરાઠા ખાવાનું પસંદ કરે છે.

લચ્છા પરાઠા એક પ્રખ્યાત પંજાબી પરાઠા રેસીપી છે. પંજાબીમાં પરાઠાનો અર્થ એક કરતા વધારે પડ થાય છે. આ પંજાબી લચ્છેદાર પરાઠા જોવામાં અને ખાવામાં બંનેમાં સ્વાદિષ્ટ છે, કારણ કે ઘીથી અલગ કરાયેલા પડ મોંમાં પાણી લાવી દે છે. લચ્છા પરાઠા બનાવવાનું રહસ્ય એ છે કે તેને યોગ્ય રીતે રોલ કરીને વણવું.

પરંતુ ઘણી ગૃહિણીઓને તેને ઘરે બનાવવામાં વધારે મુશ્કેલ લાગે છે તેથી તે લોકો તેને રેસ્ટોરન્ટમાંથી ઓર્ડર કરે છે. રેસ્ટોરન્ટમાં મળતા લચ્છા પરાઠામાં ખુબ વધારે તેલ હોય છે અને કેટલાક લોકો તેને મૈદાના લોટથી બનાવે છે. તેથી જ આજે અમે તમારા માટે લચ્છા પરાઠા બનાવવા માટે કેટલીક જબરજસ્ત ટિપ્સ લઈને આવ્યા છીએ.

આ બાબતોનું ખાસ ધ્યાન રાખો : ધ્યાન રાખો કે લોટને થોડો નરમ રાખો અને તેને વધારે ટાઈટ ના હોવો જોઈએ કારણ કે ટાઈટ લોટ સારા પરાઠા બનશે નહીં. નરમ કણક તમને સરળતાથી વધારે પડ બનાવવા માટે મદદ કરશે. લચ્છેદાર પરાઠાને સારો બનાવવા માટે કણક ગૂંથવા માટે થોડું તેલનો ઉપયોગ કરો. આ માટે લોટ બાંધ્યા પછી તેમાં થોડું તેલ નાખીને ગુંદી લો. શરૂઆતમાં તેલને ઉમેરશો નહીં.

4

લચ્છેદાર પરાઠાને ધીમા તાપે ક્યારેય રાંધશો નહીં. આમ કરવાથી તમારો પરાઠા ટાઈટ બની જશે અને તેને ચાવવામાં પણ મુશ્કેલી પડશે. પરાઠાને હંમેશા ઊંચી આંચ પર જ રાંધો. લોટ બાંધી લીધા પછી તેને લગભગ એક કલાક માટે છોડી દો.

પરફેક્ટ લચ્છા પરાઠા બનાવવા માટે ટિપ્સ : પરોઠાને પહેલીવાર વણી લીધા પછી થોડો સૂકો લોટ છાંટીને થોડું ઘી લગાવો. આ તમને મદદ કરશે કે પડ અલગ છે અને એકબીજા સાથે ચોંટતા નથી. બીજી એક ટિપ્સ કે જે પરાઠા સંપૂર્ણ બની ગયા પછી પોતાના હાથમાં લેવા. પછી તે પડની અંદર થોડું ઘી ઉમેરો. આનથી પડ અલગ રહેશે અને આ રીતે ઘી તમારા પરોઠાની અંદર સુધી પહોંચી જશે અને તમને એક અદ્ભુત સ્વાદ આપશે.

પરફેક્ટ લચ્છા પરાઠા બનાવતી વખતે આ ભૂલો ના કરો : એક સામાન્ય ભૂલ જે મોટાભાગના લોકો કરે છે કે શરૂઆતમાં જ તવા પર તેલ રેડી દે છે. જો કે તમે પહેલા પરાઠાને તવા પર મૂકો અને પછી પરાઠા પર સીધું તેલ લગાવો. બંને બાજુથી તેલ લગાવવાનું ના ભૂલશો.

બીજી ભૂલ જે કેટલાક લોકો વારંવાર કરે છે તે છે કણકને વધારે ગુંદવી. લોકો જાણતા નથી કે કણકને વધારે ગુંદવું કણકને પરફેક્ટ બનાવવા જેવું કંઈ નથી. તેને ટાળવું જોઈએ કારણ કે તે લોટની ગુણવત્તા પર અસર કરે છે.

સ્પેશ્યિલ સામગ્રી : લચ્છેદાર પરાઠા બનાવવાની સામગ્રી દરેક વ્યક્તિ જાણે છે. અમે અહીં તમને કેટલીક ખાસ સામગ્રી વિશે જણાવીશું જે તમારા લચ્છેદાર પરાઠાનો સ્વાદ તરત જ વધારી દેશે. ચાર ખાસ સામગ્રી છે કસૂરી મેથી, અજમો, ફુદીનો અને કિચન કિંગ મસાલો.

આ દરેક સામગ્રી જરૂરી નથી પરંતુ તમે તમારી પસંદગી પ્રમાણે ઉમેરી શકો છો. સ્વાદ સિવાય ફુદીનો અને અજમો તમને યોગ્ય પાચનમાં મદદ કરે છે. જો તમે મસાલો ઉમેરવા માંગતા હોય તો કિચન કિંગ મસાલો પરફેક્ટ છે. આ સાથે આ બધી સામગ્રી પરાઠાની સુગંધમાં વધારો કરે છે.

લચ્છા પરાઠા માટે સામગ્રી : ઘઉંનો લોટ 1 કપ, મૈંદા લોટ 1 કપ, મીઠું 3/4 નાની ચમચી, ખાંડ 1 નાની ચમચી, ખાવાનો સોડા નાની ચપટી, તેલ 2 ચમચી, દૂધ 1/2 કપ, પાણી.

લચ્છા પરાઠા બનાવવાની રીત : સૌથી પહેલા એક મોટા બાઉલમાં મેદાનો લોટ અને ઘઉંનો લોટ લો. હવે તેમાં મીઠું, ખાંડ, ખાવાનો સોડા અને 1 ચમચી તેલ ઉમેરો. હવે તેને તમારા હાથથી સારી રીતે મિક્સ કરીને તેમાં દૂધ ઉમેરો અને ગૂંદવાનું શરૂ કરો. જરૂર મુજબ પાણી ઉમેરીને એક નરમ લોટ બાંધો. પછી તેના પર ભીના કપડું ઢાંકીને 30 મિનિટ માટે છોડી દો.

એક મોટો લુઇ લો અને તેને વણો. થોડો સૂકો ઘઉંનો લોટ લગાવો અને તેને રોટલીના રૂપમાં પાતળા વર્તુળમાં ફેરવો. બને તેટલું પાતળું રોલ કરો. રોટલી પર તેલ લગાવીને તેના પર ઘઉંનો લોટ છાંટો. હવે આંગળીઓની મદદથી ફોલ્ડ કરીને પ્લીટ્સ બનાવવાનું શરૂ કરો. પ્લીટ્સ એટલે નાનો રોલ જેવું બનાવીને કણકને ખેંચો.

આ પછી પ્લીટેડ કણકને સ્વિસ રોલની જેમ રોલ કરવાનું શરૂ કરો. છેડાને હળવા હાથે દબાવીને તે રીતે રાખો જેથી તૂટી ના જાય. હવે ફરીથી તેના પર થોડો ઘઉંનો લોટ છાંટવો. હવે તેને રોલ કરેલું લૂઈને પાતળા વર્તુળમાં વણવાનું કરવાનું શરૂ કરો.

પછી એક તવી પર પરાઠાને મૂકો. એક મિનિટ પછી પલટાવી લો અને બીજી બાજુથી પણ રાંધવા દો. એકવાર બંને બાજુ સોનેરી રંગના ફોલ્લીઓ દેખાવા લાગે ત્યારે તેના પર તેલ લગાવો.

બંને બાજુઓથી શેકાઈ ગયા પછી પરાઠાને ક્રશ કરી પડ બનાવો. હવે છેલ્લે તમારી પસંદગીની કરી સાથે ગરમાગરમ પરાઠા પીરસી શકો છો. તમે પણ આ ટિપ્સની મદદથી ઘરે પરફેક્ટ લચ્છા પરાઠા બનાવી શકો છો તો આવી વધુ ટિપ્સ મેળવવા માટે રસોઈનીદુનિયા સાથે જોડાયેલા રહો.


Spread the love

રસોઇ ની દુનિયા

ગુજરાતી સ્વાદ અને રસોઈની વિવિધ વાનગીઓ ને વિશ્વ સમક્ષ પ્રસ્તુત કરતું પ્લેટફોર્મ! - રસોઇ ની દુનિયા