આજના સમયમાં આપણી જીવનશૈલી એટલી બધી બદલાઈ ગઈ છે અને તેના કારણે ખાવાપીવાથી લઈને પોતાને ફિટ રાખવું વગેરે બધું બદલાઈ ગયું છે. આપણને એવું લાગે છે કે દરેક વસ્તુ ઓનલાઈન ઓર્ડર કરવી આપણા માટે અનુકૂળ છે અને જો આપણે નજીકના બજારમાં શાકભાજી લેવા માટે જવું પડે તો પણ આપણે શું સારું અને શું ખરાબ તે નક્કી કરી શકતા નથી. એટલે કે શું તાજું છે અને શું ઝડપથી બગડવાની શક્યતા છે તે પણ આપણે નક્કી નથી કરી શકતા.
જો તમને પણ આ સમસ્યા થઇ રહી છે તો શા માટે તમને કેટલીક એવી ટિપ્સ વિશે જણાવવામાં આવે કે જેનાથી તમારા માટે ખરીદી કરવી કરવામાં સરળતા રહેશે અને તમે હંમેશા તાજી વસ્તુઓ જ ઘરે લાવશો. તો ચાલો અમે તમને તાજી વસ્તુઓ ખરીદવાની કેટલીક ટિપ્સ જણાવીએ.
1. દાડમ ખરીદવા માટે ટિપ્સ : ઘણી વાર એવું બને છે કે દાડમ બહારથી લાલ હોય છે અને અંદરથી તે બિલકુલ મીઠી કે લાલ હોતી નથી. તો તમે આટલું કરો, એવી દાડમ પસંદ કરો જે બરાબર ગોળ ના હોય. જો દાડમ સહેજ અસ્વસ્થ આકારનું હોય તો તે અંદરથી પાકેલું હોય છે. એકદમ ગોળ દાડમ અંદરથી કાચું હોવાની શક્યતા વધારે હોય છે.
2. લીંબુ ખરીદવા માટે ટિપ્સ : કેટલીકવાર લીંબુ ઘરે લાવીએ છીએ અને તે એટલા કઠણ હોય છે કે તેની અંદરથી રસ આવતો નથી. લીંબુમાં યોગ્ય પ્રકારનો રસ છે કે નહીં તે જાણવા માટે આ કેટલીક ટિપ્સ ને ફોલો કરો.
લીંબુ ખરીદતા પહેલા લીંબુનું વજન જુઓ. જો લીંબુ વધારે હલકું લાગતું હોય તો પછી ભલે તે મોટું હોય તો પણ તેની અંદરથી રસ નથી હોતો. જ્યાં લીંબુની દાંડી એટલે કે જ્યાંથી તે પાંદડા સાથે જોડાયેલ હોય છે ત્યાં એક ડિમ્પલ હોવો જોઈએ. એટલે તે લીંબુમાં રસ વધુ હોય છે. કેટલીકવાર આ જગ્યા પર ઉપસેલી જેવું લાગે તો તે દર્શાવે છે કે લીંબુમાં વધારે રસ નથી.
3. તાજા ટામેટાં કેવી રીતે ખરીદવા : ટામેટાંનો ઉપયોગ દરરોજ કરવામાં આવે છે અને જો તમે પણ તાજા ખરીદવા માંગતા હોવ તો આ ટિપ્સ તમને કામમાં આવશે. જો તમારે લાંબા સમય સુધી સ્ટોર કરવા હોય તો સખ્ત ટામેટાં લો. જો ટામેટા દબાવવાથી નરમ લાગે છે તો તે લાંબા સમય સુધી નહિ ચાલે અને ઝડપથી બગડી જશે. તમે હળવા લાલ રંગના ટામેટાં ખરીદી શકો છો જે લાંબા સમય સુધી ચાલશે. ટામેટામાં કોઈ છિદ્ર છે તો તેને ના ખરીદશો કારણ કે તેમાં કીડા નીકળી શકે છે.
4. લસણ કેવી રીતે ખરીદવું : લસણ ભારતીય ખોરાકનો ઘણો ઉપયોગ થાય છે અને તે ખાવામાં સારો સ્વાદ પણ આપે છે. જો તમે લસણ ખરીદતા પહેલા જાણી લો.
તેમાં વધારે સ્મેલ ના આવવી જોઈએ. જો છાલ સફેદ દેખાય છે પરંતુ અંદરથી ખૂબ જ સ્મેલ આવતી હોય તો તેને ના લેવું જોઈએ. જો છાલ ભૂરી દેખાય છે અને ક્રાઉન એરિયાની બાજુ કાળાશ દેખાવા લાગી હોય તો તેને ના ખરીદો.
5. પપૈયા કેવી રીતે ખરીદવા : પપૈયું ખરીદવું હોય તો તેના માટે બે રસ્તા છે. પહેલા તેનો રંગ જુઓ અને જો કલર વધુ લીલો હશે તો અંદરથી કાચું હશે. આ સિવાય તેમાં પીળા અથવા નારંગી રંગના પટ્ટાઓ પણ નહિ હોય. જો પપૈયું વધારે દબાવાથી ઢીલું હોય તો તે અંદરથી વધુ પીગળી ગયું છે. આવા પપૈયા પણ સ્વાદ વગરના હોય છે.
6. ખજૂર કેવી રીતે ખરીદવું : ઘણી બધી કરચલીઓ ના હોવી જોઈએ. જો તે વધારે સુકાઈ ગયું હોય તો વધારે કરચલીઓ થઈ શકે છે. તેની ત્વચા થોડી ચમકદાર દેખાવી જોઈએ અને જો ત્વચા ખૂબ જ શુષ્ક લાગે છે તો તે ખજૂર સારું નથી. તેમાં સફેદ ટપકા ના હોવા જોઈએ કારણ કે તેનો અર્થ છે કે તે બગડવાની શરૂઆત થઇ ગઈ છે.
7. બીટ કેવી રીતે ખરીદવું : જો તમે બીટરૂટ ખરીદવા જઈ રહયા છો તો કેટલીક ટિપ્સ જાણી લો. લીલા પાંદડાવાળા બીટ પસંદ કરો. એટલે કે તેના પાંદડા થોડા હોય પણ લીલો રંગ હોવો જોઈએ. કદ અને રંગ પર જરૂર ધ્યાન આપો. જો બ્રાઉન કલર દેખાય તો તેનો અર્થ એ કે તે તાજો નથી. જો તેને સહેજ દબાવવામાં આવે અને જો સહેજ દબાય છે તો તેનો અર્થ એ છે કે તે મીઠું છે, જો કે વધારે દબાય છે તો તે લેવું યોગ્ય નથી.
8. એવોકાડો ખરીદવા માટે ટિપ્સ : હવે લોકો સ્વસ્થ જીવનશૈલી વિશે વિચારી રહ્યા છે તેથી લોકો એવોકાડો, કીવી અને તેના જેવા વિદેશી ફળો અને શાકભાજીને પોતાના આહારમાં સમાવેશ કરી રહયા છે. તો તમે પણ જયારે એવોકાડો ખરીદવા જાઓ ત્યારે આ કેટલીક બાબતોનું ધ્યાન રાખો.
તેનો ઉપરનો શેલ લીલો હોવો જોઈએ. તેના શેલમાં કાળા ડાઘ ના હોવા જોઈએ. જો તેની ઉપરની છાલ વધારે કાળી દેખાવા લાગી છે તો તેનો અર્થ એ છે કે તે અંદરથી બગડવાની શરૂઆત થઈ ગઈ છે. જો તેને આંગળીથી દબાવવામાં આવે અને દબાય છે તો તેનો અર્થ એ છે કે તે વધુ પાકી ગયું છે.
તો હવે જયારે પણ તમે શાકભાજી કે ફળ ખરીદવા બજારમાં જય રહયા છો તો આ કેટલીક ટિપ્સને ધ્યાનમાં રાખો. જો તમને પણ આ જાણકારી પસંદ આવી હોય તો જેને આ માહિતીની જરૂરિયાત છે તેમને મોકલો. આવી જ બીજી જીવન ઉપયોગી માહિતી મેળવવા માટે રસોઈનીદુનિયા સાથે જોડાયેલા રહો.
