Sunday, August 14, 2022
Homeચિલ્ડ્રન સ્પેશિયલતમે પણ બાળકોને ફક્ત 15 થી 20 મિનિટમાં ખમણ ઢોકળા બનાવીને ખવડાવો,...

તમે પણ બાળકોને ફક્ત 15 થી 20 મિનિટમાં ખમણ ઢોકળા બનાવીને ખવડાવો, જે બાળકો માટે ખાવામાં ટેસ્ટી અને હેલ્ધી છે

ખમણ ને ઘણા લોકો ઢોકળા પણ કહે છે. ઉનાળા માટે પરફેક્ટ આઈટમ છે. તે પેટ માટે હલકું પણ હોય છે અને હેલ્દી પણ અને તમે તેને ઘરે સરળતાથી બનાવી શકો છો. જો કે ખમણ બનાવવા માટે એ જરૂરી છે કે તેમાં ખમીર ઉભરેલું હોય, કારણ કે આ એક જ વસ્તુને તૈયાર કરવામાં વધારે સમય લાગે છે.

તો આજે અમે તમને જણાવવા જઈ રહ્યા છીએ કે ઈન્સ્ટન્ટ ઢોકળામાં ખમીર લઈને તમે કઈ રીતે 15 થી 20 મિનિટમાં ખમણ તૈયાર કરી શકો છો અને તમારા બાળકોને તેમના મનપસંદ વાનગીને નાસ્તામાં સર્વ કરી શકો છો. અહીંયા આપણે 2 થી 3 લોકો માટે બનાવીશું.

ઢોકળા બનાવવા માટે જરૂરી સામગ્રી : બેસન 1 કપ, લીંબુનો રસ 1 ચમચી, દહીં 2 ચમચી, લીલા મરચા-આદુની પેસ્ટ 1 ચમચી, ઈનો ફ્રુટ સોલ્ટ 1 ચમચી, હળદર પાવડર ચપટી, તેલ 1 નાની ચમચી,
પાણી 2 કપ, સ્વાદ અનુસાર મીઠું.

તડકા માટે : તેલ એક મોટી ચમચી, હીંગ એક ચપટી, રાઈ અડધી ચમચી, લીલા મરચા 4 સમારેલા, સમારેલી કોથમીર 2 ચમચી, પાણી એક કપ, ખાંડ એક ચમચી, પ્રેશર કૂકર, ઢોકળા માટેનું સ્ટેન્ડ, તડકો માટે પેન અને ગાર્નિશ માટે કોથમીર.

4

ખમણ ઢોકળા ની રેસીપી : ચણાના લોટને એક વાસણમાં ચાળણીથી ચાળી લો. ચણાના લોટમાં થોડું-થોડું પાણી ઉમેરીને તેની જાડી પેસ્ટ બનાવો. તેને સારી રીતે હટાવી લો જેથી કરીને તેમાં કોઈ ગઠ્ઠો કે ગાંઠ ના રહે. તેમાં લીંબુનો રસ, સ્વાદ પ્રમાણે મીઠું અને દહીં નાખીને મિક્સ કરો.

હવે તેમાં લીલા મરચાં આદુની પેસ્ટ ઉમેરો અને ફરીથી મિક્સ કરો. પછી ઢોકળા બનાવતા વાસણને તેલ લગાવીને ગ્રીસ કરી લો. હવે કૂકરમાં 2-3 કપ પાણી નાંખો અને તેને ધીમી આંચ પર ગરમ કરવા માટે મુકો. પછી ચણાના લોટની પેસ્ટમાં ઈનો ફ્રુટ સોલ્ટ ઉમેરો અને તેને એક મિનિટ સુધી ફેટી લો.

તેનાથી સરળતાથી ખમીર છોડી દેશે. હવે આ મિશ્રણને તેલવાળા વાસણમાં નાખીને કૂકરમાં રાખો અને ઢાંકણું બંધ કરી દો. અહીંયા ધ્યાન રાખો કે કૂકરની સીટીનો ઉપયોગ નથી કરવાનો. ગેસની ધીમી આંચ પર 20 મિનિટ વરાળમાં રંધાઈ ગયા પછી કૂકરનું ઢાંકણું ખોલો.

હવે ઢોકળામાં છરી નાખીને જુઓ કે ખમણ ઢોકળા ચડી ગયા છે કે નહીં. જો પેસ્ટ થોડી ભીની લાગે છે તો તેને 2-3 મિનિટ વધુ પકાવો. થોડી વાર પછી ઢોકળાને કૂકરમાંથી કાઢીને ઠંડા થવા મુકો. ઠંડા થાય એટલે ખમણ ઢોકળાને ચોરસ ટુકડામાં કાપી લો.

હવે તડકો કરવા માટે એક પેનમાં તેલ ગરમ કરો. તેલ ગરમ થાય એટલે તેમાં હિંગ, રાઈના દાણા, લીલા મરચા અને મીઠો લીમડો ઉમેરીને સાંતળો. આ તડકામાં એક કપ પાણી અને ખાંડ નાખીને ઉકળવા દો અને 2 મિનિટ પછી ગેસ બંધ કરી દો.

હવે ઢોકળા પર તૈયાર કરેલો તડકો રેડો અને ઉપરથી કોથમીરથી ગાર્નિશ કરીને બાળકોને પીરસો. તો આ હતી ખમણ ઢોકળાની સરળ રેસિપી, તમે પણ એકવાર જરૂરથી ટ્રાય કરજો. આવી જ રેસિપી જાણવા માટે રસોઈનીદુનિયા સાથે જોડાયેલા રહો.

રસોઇ ની દુનિયા
રસોઇ ની દુનિયા
ગુજરાતી સ્વાદ અને રસોઈની વિવિધ વાનગીઓ ને વિશ્વ સમક્ષ પ્રસ્તુત કરતું પ્લેટફોર્મ! - રસોઇ ની દુનિયા
RELATED ARTICLES
- Advertisment -

Most Popular

- Advertisment -