હવામાનમાં પલટો આવી ગયો છે અને શિયાળાની ઠંડકની શરૂઆત થઇ ગઈ છે. ઘણા વિસ્તારોમાં હિમવર્ષા પણ શરૂ થઈ ગઈ છે અને કેટલાક વિસ્તારોમાં ઠંડા પવનો બાદ ગરમ સ્વેટર અને જેકેટપણ લોકો પહેરવા લાગ્યા છે. શિયાળાની ઋતુને સ્વાસ્થ્ય માટે શ્રેષ્ઠ ઋતુ માનવામાં આવે છે.
આવી સ્થિતિમાં, જો તમે પણ તમારા સ્વાસ્થ્યને સુધારવાના પ્રયાસ કરી રહ્યાં છો, કસરત કરો છો, ફરવા જઈ રહ્યા છો, તો ચોક્કસ તમે તમારી ખાવાની આદતોમાં પણ ઘણા ફેરફાર કરવાનું શરૂ કરી દીધું હશે.
ખાણી-પીણીની વાત હોય ત્યારે શિયાળામાં અમુક શાકભાજીની માંગ બજારમાં વધી ગઈ છે. આ શાકભાજીમાંથી એક છે ગાજર. ગાજરને શાકની સાથે સાથે સલાડ તરીકે પણ ખાવામાં આવે છે. પરંતુ ગાજરના ગુણધર્મો પણ અદ્ભુત છે. ચાલો જાણીએ કે ગાજરનું સેવન કરવાથી તમને કયા કયા ફાયદા થઇ શકે છે.
ગાજર કેવી રીતે ફાયદાકારક છે? ગાજરમાં મળતું વિટામિન સી. આપણા શરીરને શિયાળામાં વિટામિન-ડી અને વિટામિન સીની ખાસ જરૂર હોય છે. આવી સ્થિતિમાં ગાજરનું સેવન શરીરમાં વિટામિન સીની ઉણપને પૂરી કરી શકે છે. જો શરીરમાં વિટામીન સી ભરપૂર માત્રામાં હશે તો આપણને તેના ઘણા ફાયદા મળશે.
1. વજન ઘટાડવામાં અસરકારક : જો તમે લાંબા સમયથી વજન ઘટાડવાનું પ્લાનિંગ કરી રહ્યા છો અને હજુ સુધી કોઈ ફાયદો નથી મળી રહ્યો તો શિયાળામાં તમારા માટે વરદાન સાબિત થઈ શકે છે. કારણ કે તમે ગાજર ખાઈને સારી રીતે કસરત જ નહીં, પરંતુ તમારું વજન પણ ઘટાડી શકો છો.
ગાજર ખાવાથી તમારા પેટની ચરબી ઘટાડવામાં સૌથી વધુ ફાયદાકારક છે. સામાન્ય રીતે લાંબા સમય સુધી બેસીને કામ કરવાને કારણે આપણા શરીરનું મોટાભાગનું વજન પેટની આસપાસ ચરબીના સ્વરૂપમાં ભેગું થાય છે. જેને આપણે પેટની ચરબી તરીકે ઓળખવામાં આવે છે. પેટની ચરબી ઘટાડવા અથવા વજન દૂર કરવા માટે તમારા આહારમાં નિયમિત ગાજરનું સેવન કરી શકો છો.
2. ઈમ્યુનિટી બૂસ્ટર : જ્યારથી કોરોના રોગ આવ્યો છે ત્યારથી દરેક વ્યક્તિ પોતાની ઈમ્યુનિટીને લઈને સાવધ થઈ ગયો છે. ખાસ કરીને સિનિયર સિટીજન માટે ઇમ્યુનીટી જાળવવી ખૂબ જ જરૂરી બની ગઈ છે. ગાજરનું સંતુલિત સેવન કરીને રોગપ્રતિકારક શક્તિને સુધારી શકાય છે. તેનું મુખ્ય કારણ એ છે કે ગાજરમાં વિટામિન સી અને વિટામિન-એ પણ હોય છે જે એન્ટીઓક્સીડેન્ટ તરીકે કામ કરે છે.
3. બ્લડ સુગર લેવલ બેલેન્સ રહે છે ગાજરનું સેવન ડાયાબિટીસના દર્દીઓ માટે ખૂબ જ ફાયદાકારક સાબિત થઇ શકે છે. આ અંગે નેશનલ લાઇબ્રેરી ઓફ મેડિસિન દ્વારા પ્રકાશિત સંશોધનમાં પણ મોટો ખુલાસો થયો છે. આ મુજબ, ગાજરના રસમાં એન્ટી ઈફ્લેમેટરી તત્ત્વો મળી આવે છે, જે સુગર લેવલને સંતુલિત રાખવામાં અસરકારક છે.
4. ત્વચા ચમકવા લાગશે : ઘણી વખત શિયાળા પહેલા પણ આપણી ત્વચા સુકાઈ ગયેલી કે શુષ્ક દેખાતી હોય છે. શિયાળાની શરૂઆતમાં તે વધુ દેખાય છે. આવી સ્થિતિમાં ગાજરનું સેવન તમારી ત્વચાને ચમકદાર બનાવી શકે છે. ખાસ કરીને મહિલાઓ તેમની ત્વચાને ચમકદાર બનાવવા માટે બજારુ પ્રોડક્ટનો ઉપયોગ કરે છે, તેમના માટે ગાજર ખૂબ જ ફાયદાકારક છે.
5. હૃદય માટે પણ ફાયદાકારક : હૃદયના દર્દીઓ માટે ગાજરનું સેવન સારું માનવામાં આવે છે. વાસ્તવમાં, ગાજરમાં પોટેશિયમની મોટી માત્રા જોવા મળે છે, જે હૃદયની ધમનીઓને ચલાવવામાં ખૂબ જ સારી છે. આ સાથે બ્લડ પ્રેશરને નિયંત્રિત કરવામાં પણ ગાજરની મોટી ભૂમિકા ભજવે છે.
આ રીતે કરો ગાજરનું સેવન : ગાજરનું સેવન ઘણી રીતે કરી શકાય છે. તમે તેને શાક તરીકે પણ ખાઈ શકો છો. તમે ગાજરનો રસ અથવા જ્યુસ બનાવીને પણ તેનું સેવન કરી શકો છો. જો તમે મીઠાઈના શોખીન છો તો તમે ગાજરનો હલવો બનાવી શકો છો. બીજી બાજુ, ગાજર સલાડમાં વધારે વપરાય છે.
