જ્યોતિષ શાસ્ત્રમાં જીવનમાં આવતા અવરોધોને દૂર કરવાના ઉપાયો જણાવવામાં આવ્યા છે. આમાંથી કેટલાક ઉપાયો ખૂબ જ સરળ છે. ખાસ કરીને પગમાં કાળો દોરો પહેરવાનો એક ઉપાય છે જેને તમે ઘણા લોકોના પગમાં જોયો હશે. આજકાલ તો પગમાં કાળો દોરો પહેરવો એ પણ એક ફેશન બની ગઈ છે.
તમે ઘણી સ્ત્રીઓ અને પુરુષોને પગમાં કાળો દોરો પહેરેલો જોયો જ હશે. પરંતુ જ્યારે મહિલાઓની વાત આવે છે ત્યારે કાળો દોરો તેમના માટે માત્ર એક યુક્તિ ઉપાય નથી રહ્યો, ફેશન અને સ્ટાઇલનો એક ભાગ બની ગયો છે. એટલા માટે ઘણી વખત સ્ત્રીઓ કોઈપણ જાણકારી વગર પોતાના પગ પર કાળો દોરો બાંધે છે.
આવી સ્થિતિમાં તેમને જીવનમાં ઘણી વાર સમસ્યાઓનો સામનો કરવો પડે છે, જ્યારે કાળો દોરો યોગ્ય સમયે અને યોગ્ય સ્થાન પર પહેરવામાં આવે તો તે તો તમારા માટે ખુબ જ ફાયદાકારક સાબિત થાય છે. તો આવો જાણીયે કે મહિલાઓએ ક્યારે, કેવી રીતે અને કયા પગ પર કાળો દોરો પહેરવો જોઈએ તે વિશે ઊંડાણપૂર્વક જાણીએ.
પગ પર કાળો દોરો ક્યારે બાંધવો જોઈએ? કાળો દોરો ન્યાયના દેવતા શનિનું પ્રતિનિધિત્વ કરે છે. જીવનમાંથી નકારાત્મક ઉર્જા અને ખરાબ નજરના દોષને દૂર કરવા માટે તેને હાથ, પગ અને કમરમાં ધારણ કરવામાં આવે છે. જો તમે તેને તમારા પગમાં પહેરો છો તો માન્યતાઓ મુજબ તમારે તેને શનિવારના દિવસે શનિદેવના મંદિરમાં પહેરવું જોઈએ.
સ્ત્રીઓએ કયા પગમાં કાળો દોરો પહેરવો જોઈએ? જ્યોતિષ શાસ્ત્ર કહે છે કે સ્ત્રીઓએ (છોકરીઓએ) ડાબા પગમાં જ કાળો દોરો પહેરવો જોઈએ. વાસ્તવમાં મહિલાઓના ડાબા ભાગને શાસ્ત્રોમાં શુભ માનવામાં આવ્યું છે. તેથી સ્ત્રીઓએ ડાબા પગમાં પણ કાળો દોરો બાંધવો જોઈએ.
કાળો દોરો કેવી રીતે બાંધવો? કાળો દોરો નજર દોષ અને જીવનમાં આવતી અડચણોને દૂર કરવા માટે પગમાં બાંધવામાં આવે છે, તેથી તમારે તેને શનિવારે જ પહેરવો જોઈએ. તમે તમારા પગમાં કોઈ પણ કાળો દોરો નથી પહેરી શકતા. તમારા પગમાં માત્ર શક્તિવાળો(અભિમંત્રિત) કાળો દોરો પહેરવો જોઈએ. પંડિતજી મુજબ તમારે કાળો દોરો પહેરતા પહેલા રુદ્ર ગાયત્રી મંત્રનો જાપ કરવો જોઈએ.
કાળા દોરામાં કેટલી ગાંઠો બાંધવી? સ્ત્રીઓએ દોરો ધારણ કરતી વખતે કાળા દોરામાં 7 ગાંઠો બાંધવી જોઈએ અને દરેક ગાંઠ સાથે તમારે ઓમ શનયે નમઃ મંત્રનો જાપ અવશ્ય કરવો જોઈએ.
કાળો દોરો કેટલા સમયમાં બદલી શકાય છે? હંમેશા શનિવારના દિવસે જ તમારા પગમાં કાળો દોરો બદલાવો જોઈએ અને જૂના દોરાને વહેતા પાણીમાં વિસર્જન કરી દેવો જોઈએ. તમે વર્ષમાં એકવાર પગનો કાળો દોરો બદલી શકો છો.
પગમાં કાળો દોરો પહેરવાના ફાયદા : પગમાં કાળો દોરો નજર દોષથી બચવા માટે પહેરવામાં આવે છે. આવો જાણીયે કે કેવા પ્રકારના નજર દોષથી બચી શકાય છે. જો તમને સતત આર્થિક નુકસાનનો સામનો કરવો પડે છે તો તમારે કાળો દોરો પહેરવો જોઈએ.
જો તમારા લગ્નજીવનમાં કોઈ અડચણ આવી રહી છે અથવા વિવાહિત જીવનમાં ખુબ જ મુશ્કેલીઓ આવી રહી છે તો તમારે કાળો દોરો પહેરવો જોઈએ. જો તમારી પ્રગતિમાં અડચણ આવી રહી છે અને મહેનત કર્યા પછી પણ તમને કોઈ પરિણામ મળતું નથી તો તમારે તમારા પગમાં કાળો દોરો પહેરવો જોઈએ.
જો કુંડળીમાં રાહુ-કેતુ કે શનિ નબળા હોય તો તમારે પગમાં કાળો દોરો પહેરવો જોઈએ. તો આજે તમે પણ જાણી ગયા હશો કે કેમ પહેરવો જોઈએ પગમાં કાળો દોરો. આવી જ માહિતી મેળવવા માટે રસોઈનીદુનિયા સાથે જોડાયેલા રહો.
