એવું કહેવાય છે કે દૂધનું નિયમિત સેવન કરવાથી ઘરમાં બેસીને પણ ઘણી ગંભીર બીમારીઓને દૂર રાખી શકાય છે. જેમ ભારતીય ઘરોમાં લોકો સ્વાસ્થ્યને સારું રાખવા માટે નિયમિત ગાય અથવા ભેંસના દૂધનું સેવન કરે છે, તેવી જ રીતે આપણી આસપાસ બીજા પશુ છે જેનું દૂધ સ્વાસ્થ્યને સારું રાખવા માટે નિયમિતપણે સેવન કરવું જોઈએ.
અહીંયા અમે બકરીના દૂધની વાત કરી રહ્યા છીએ. બકરીનું દૂધ ઘણા બધા પોષક તત્વોથી ભરપૂર હોય છે. તે વ્યક્તિને શારીરિક અને માનસિક અસ્વસ્થતામાં રાહત આપે છે. કેટલીકવાર ડૉક્ટરો પણ ઘણી બીમારીમાં આ દૂધ પીવાની સલાહ આપે છે. આ લેખમાં અમે તમને બકરીના દૂધના કેટલાક શ્રેષ્ઠ ફાયદાઓ વિશે જણાવીશું.
હાડકાંને મજબૂત બનાવે છે : કોઈપણ વ્યક્તિના હાડકા મજબૂત રાખવા માટે કેલ્શિયમનું સેવન ખૂબ જ મહત્વપૂર્ણ માનવામાં આવે છે. આ સંદર્ભમાં બકરીના દૂધને પણ ઉત્તમ કેલ્શિયમયુક્ત દૂધ માનવામાં આવે છે.
જો કોઈ વ્યક્તિ નિયમિતપણે બકરીના દૂધનું સેવન કરે છે તો તે વ્યક્તિના હાડકા અન્ય મનુષ્યો કરતાં વધુ મજબૂત હોય છે. કહેવાય છે કે બકરીના દૂધમાં કેલ્શિયમની સાથે મેગ્નેશિયમ અને ફોસ્ફરસ પણ હોય છે, જે હાડકાંને સ્વસ્થ રાખે છે.
ડેન્ગ્યુ થી દૂર રાખે : બકરીનું દૂધ ડેન્ગ્યુ રોગ માટે રામબાણ ઘરેલુ ઉપચાર માનવામાં આવે છે . કહેવાય છે કે ગમે તેટલો ડેન્ગ્યુ હોય તો બકરીનું દૂધ તેને જલ્દી જ દૂર કરે છે. કેટલીકવાર ડોકટરો પણ દવાની જગ્યાએ બકરીના દૂધ પીવાની સલાહ આપે છે. જો તમને અથવા ઘરના અન્ય કોઈ સભ્યને ડેન્ગ્યુ હોય તો પહેલા ડોક્ટરની સલાહ જરૂર લો.
મગજ માટે સારું : મગજનો વિકાસ વધારવો હોય તો બકરીનું દૂધ શ્રેષ્ઠ માનવામાં આવે છે. જેમ ગાયના દૂધનો ઉપયોગ મગજની શક્તિ વધારવા માટે થાય છે તેમ બકરીના દૂધનું સેવન કરવાથી મગજનો વિકાસ સારો થાય છે. બકરીના દૂધમાં લિનોલીક એસિડ જોવા મળે છે જે વિચારવાની શક્તિ અને મગજને મજબૂત બનાવી શકે છે. આ સિવાય થાક અને તણાવ પણ દૂર કરી શકાય છે.
ત્વચા માટે ફાયદાકારક : ત્વચાને કોમળ અને સુંદર બનાવવા માટે બકરીનું દૂધ પણ શ્રેષ્ઠ છે. એવું કહેવાય છે કે જો તેનું નિયમિત સેવન કાવામાં આવે તો કાળા ડાઘા દૂર થઇ શકે છે. ઘણા લોકો માને છે કે બકરીના દૂધમાં એન્ટીઓક્સીડેન્ટ હોય છે જે ત્વચાને કોમળ અને સુંદર બનાવવાનું કામ કરે છે.
બકરીનું દૂધ આ બધામાં શ્રેષ્ઠ માનવામાં આવે છે, પરંતુ તેનાથી સંબંધિત વધુ ફાયદાઓ જાણવા માટે તમારે એકવાર ડૉક્ટરની સલાહ જરૂર લેવી. જો તમને આ માહિતી ગમી હોય તો અમારી સાથે જોડાયેલા રહો.
