ceiling fan cleaning
વધુ માહિતી મેળવવા અમારી સાથે જોડાઓ
WhatsApp Group Join Now

દિવાળી હવે નજીક જ છે અને આ સમય દરમિયાન લગભગ દરેક જણ પોતપોતાની રીતે તેની તૈયારીમાંઅને ઘરની સાફ સફાઈ કરવામાં વ્યસ્ત છે. દિવાળીની તૈયારીઓમાં સૌ પ્રથમ ઘરની સ્વચ્છતા વધુ મહત્વની હોય છે.

ઘરના દરેક ભાગને સાફ કરવું જરૂરી છે અને કેટલાક લોકો સફાઈમાં અઠવાડિયા કે દસ દિવસથી સફાઈ કરે છે. આ દરમિયાન ઘરના દરેક ખૂણાને સાફ કર્યા પછી મહત્વપૂર્ણ વસ્તુ રહી જાય છે તે છે પંખાઓ.

ઘણા લોકો સૌથી પહેલા પંખાની સફાઈ કરવી જોઈએ તેઓ છેલ્લે સફાઈ શું કામ કરે છે? કારણ કે લોકો કહે છે કે પાનકાહો સાફ કરવા કંટાળાજનક હોય છે. આવી સ્થિતિમાં અમે તમને કેટલીક સરળ ટિપ્સ જણાવીશું, જેની મદદથી પંખાને ફટાફટ સાફ કરી શકશો.

તકિયાના કવરથી સાફ કરો : કદાચ તમે પણ આ ટ્રિક જાણતા હશો કે તમે પંખાના પાંખિયાને તકિયાના કવરથી પણ સાફ કરી શકાય છે. આ માટે તમારે હંમેશા કોટનના તકીયાનું કવર લેવાનું છે. હવે પંખાના પાંખિયાને તકિયાના કવરની અંદર નાખીને પછી કવરને બંને હાથથી દબાવવાનું છે.

આ રીતે, જ્યારે તમે પંખાના બ્લેડને સાફ કરશો તો બધી જ ગંદકી અને બધો કચરો સીધો ઓશીકાના કવરની અંદર આવી જશે અને તમારે તેને વારંવાર સાફ કરવાની જરૂર નહીં પડે. નીચે પડતા કચરાને પણ ફરીથી સાફ નહીં કરવો પડે.

જો ઘણા મહિનાઓથી પંખાની સફાઈ ના કરી હોય તો આ ટ્રિક અપનાવો : જો તમે ઘણા મહિનાઓથી પંખાને સાફ ન કર્યો હોય તો ગંદકી તેના પર ચોંટી ગઈ હશે અને તેને સરળતાથી દૂર કરવામાં મુશ્કેલી પડશે.

તેમાં સૂકી ધૂળ પણ હશે ચોંટેલો મેલ પણ હશે. આવી સ્થિતિમાં સૌ પ્રથમ તેને સૂકા કપડાથી સાફ કરો જેથી સૂકી ધૂળ નીકળી જાય. જો તમે આમ નહીં કરો તો પંખામાં રહેલી સૂકી ધૂળ પાંખિયા પર ફેલાઈ જશે અને ભીના કપડાનો ઉપયોગ કરવાથી તે વધુ ચોંટી જશે.

તેથી પહેલા ધૂળને સૂકા કપડાથી સાફ કરવી પડશે અને પછી ભીના કપડાથી સાફ કરવી પડશે. નહિંતર તમારે બદલ મહેનત કરવી પડશે. હવે ચીકણા અને સાફ કરવા માટે તમારે સાબુ ના ફીણની જરૂર પડશે કારણ કે તે મેલ જલ્દીથી સાફ થતો નથી. આ કિસ્સામાં તમારે ઓછામાં ઓછા બે વખત બ્લેડ સાફ કરવી પડશે.

ગંદા કપડાથી ક્યારેય સાફ ના કરો : આ અંગત અનુભવ પરથી કહી શકાય કે પંખાને સાફ કરવા માટે તમારે ક્યારેય ગંદુ કપડું ન લેવું જોઈએ. તેનાથી પંખાના પાંખિયા વધારે ગંદા થઇ જશે અને તેને સાફ કરવા માટે બીજી એટલી મહેનત કરાવી પડશે.

સાફ કોટનનું કપડું શ્રેષ્ઠ રહેશે. ઘણા લોકો માઈક્રોફાઈબર કાપડનો ઉપયોગ કરે છે જે એક સારો વિકલ્પ છે. પંખાની સફાઈ કરતા પહેલા જૂનું છાપું (અખબાર) અથવા ખરાબ ચાદર વગેરે રાખો, કારણ કે આ ગંદકી તમારા ફર્નિચરને પણ ગંદુ કરી શકે છે.

જો તમે દિવાળીની સફાઈ કરતી વખતે આ બધા સ્ટેપ્સનું પાલન ન કર્યું હોય તો હવેથી કરજો. જો તમને આ લેખ પસંદ આવ્યો હોય તો રસોઈનીદુનિયા સાથે જોડાયેલા રહો.

રસોઇ ની દુનિયા

ગુજરાતી સ્વાદ અને રસોઈની વિવિધ વાનગીઓ ને વિશ્વ સમક્ષ પ્રસ્તુત કરતું પ્લેટફોર્મ! - રસોઇ ની દુનિયા