હળદરવાળું દૂધ એ આપણા રસોડામાં હાજર એક એવી પ્રાકૃતિક ઔષધી છે જે ઘણી બીમારીઓને તરત જ મટાડવા માટે સક્ષમ છે. આપણા દાદી પણ રાત્રે સૂતા પહેલા હળદરનું દૂધ પીવાનું કહેતા હતા, જેથી આપણે રોગોથી દૂર રહીએ અને હંમેશા માટે સ્વસ્થ રહીએ. તો આ લેખમાં અમે તમને હળદરવાળા દૂધના 10 સ્વાસ્થ્ય લાભ વિશે જણાવીશું.
1) સાંધાના દુખાવા માટે : આજકાલ મોટી વયના લોકોને જ નહીં, પરંતુ યુવાનોમાં પણ સાંધાના દુખાવાની સમસ્યા થવા લાગી છે. સાંધાના દુખાવાથી છુટકારો મેળવવા માટે હળદરવાળા દૂધનું સેવન કરવું એક સારો કુદરતી ઘરેલુ ઉપાય છે.
હળદરમાં એન્ટી ઈફ્લેમેટરી ગુણ હોય છે, તેથી હળદરનું દૂધ પીવાથી સાંધાનો સોજો ઓછો થાય છે અને માંસપેશિયોના એંઠણથી પણ રાહત મળે છે. હળદરવાળા દૂધમાં રહેલ કર્ક્યુમિન અને એન્ટી ઈફ્લેમેટરી ગુણો સાંધાના દુખાવાને ઓછો કરીને અંદરથી ઠીક કરે છે.
2) હાડકાંને મજબૂત બનાવે છે : હળદર અને દૂધ બંનેમાં કેલ્શિયમ ભરપૂર હોય છે, તેથી દરરોજ બે વાર હળદરવાળું દૂધ પીવાથી હાડકાં મજબૂત થાય છે અને કોઈપણ પ્રકારના ફ્રેક્ચર કે હાડકાના નુકસાન વખતે હળદરવાળું દૂધ પી શકાય છે.
3) લીવરને ડીટોક્સીફાઈ કરે છે : હળદરવાળું દૂધ કુદરતી રીતે લીવરને ડીટોક્સીફાઈ કરવાનું કામ કરે છે. જ્યારે લીવરમાંથી તમામ ઝેર પદાર્થો દૂર થઇ જાય છે ત્યારે તે લોહીને સારી રીતે શુદ્ધ કરે છે, તેથી દરરોજ રાત્રે સૂતી વખતે હળદરવાળું દૂધ પીવું જોઈએ.
4) કેન્સર સામે લડે છે : હળદરમાં કર્ક્યુમિન નામનું તત્વ હોય છે જે કેન્સરને રોકવામાં મદદ કરે છે. દૂધમાં થોડી માત્રામાં હળદર નાખીને તમે કેન્સર જેવી ભયંકર બીમારીથી દૂર રહી શકો છો.
5) રાત્રે સારી ઊંઘ આપે છે : જે લોકોને રાત્રે ઊંઘ નથી આવતી તેમના માટે હળદરનું દૂધ ઔષધી છે. પ્રાચીન સમયમાં, લોકો સૂતા પહેલા હળદરનું દૂધ પીતા હતા, કારણ કે હળદરમાં ટ્રાઈટોફન હોય છે, જે તમને ગાઢ ઊંઘ મેળવવામાં મદદ કરે છે.
6) પાચન શક્તિ વધારે છે : હળદળવાળું દૂધ પીવાથી પાચન શક્તિ મજબૂત થાય છે, પરંતુ હળદરવાળું દૂધ પીતી વખતે તમારે ફક્ત ટોન્ડ દૂધ એટલે ઓછા ફેટવાળું જ દૂધ પીવું જોઈએ, કારણ કે હાઈ ફેટવાળું દૂધ પચવામાં મુશ્કેલી પડે છે.
7) આંતરિક ઈજાને મટાડે છે : જો તમારા શરીરના કોઈપણ બહારના ભાગમાં અથવા આંતરિક ભાગમાં ઈજા થઈ હોય તો તરત જ હળદરવાળું દૂધ પી જાઓ. હળદરના દૂધમાં હાજર એન્ટિ-બેક્ટેરિયલ અને એન્ટિસેપ્ટિક ગુણો શરીરની અંદર બેક્ટેરિયાને વધવા દેતા નથી અને કોઈપણ ઇજાને ઝડપથી મટાડવાનું કામ કરે છે.
8) ખેંચાણમાં રાહત આપે છે : હળદરમાં એન્ટિસ્પેસ્મોડિક ગુણ માટે જાણીતું છે, કારણ કે તે સ્નાયુઓની ખેંચાણને દૂર કરે છે. તમે તમારા માસિક સ્રાવના બે અઠવાડિયા પહેલા ગરમ હળદરવાળા દૂધનું સેવન કરવાથી પીરિયડ્સ દરમિયાન ઓછી ખેંચાણ આવશે.
9) શરદી અને ઉધરસ મટાડે છે : હળદરવાળું દૂધ તેના એન્ટિવાયરલ અને એન્ટિ-બેક્ટેરિયલ ગુણોને કારણે શરદી અને ઉધરસમાં તરત જ રાહત આપી શકે છે તેથી શરદીની સ્થિતિમાં હળદરનું દૂધ જરૂર પીવો.
10) વજન ઓછું કરે છે : આજના સમયની સૌથી મોટી સમસ્યા મોટાપા છે. જો તમે પણ સ્થૂળતાથી પરેશાન થઇ રહયા છો તો હળદર વાળું દૂધ પીવો. હળદરવાળું દૂધ શરીરમાંથી ચરબી ઓછી થાય છે અને શરીર ફિટ રહે છે.
