દરેક વ્યક્તિ સ્વસ્થ અને ફિટ રહેવા માંગે છે, પરંતુ વ્યસ્ત જીવનશૈલીના કારણે તેઓ પોતાના પર ધ્યાન આપી શકતા નથી. તેનાથી સ્થૂળતા અને સ્વાસ્થ્ય સંબંધિત ઘણી સમસ્યાઓ થતી હોય છે. આવી સ્થિતિમાં, દરરોજ કેટલાક યોગાસનોને તમારી ફિટનેસ રૂટિનમાં સામેલ કરવા જોઈએ.
શરીર અને મનને ફિટ રાખવાની સાથે યોગ તમને સુંદર પણ બનાવે છે. આજે અમે તમને સુપ્ત બદ્ધ કોનાસન વિશે જણાવીશું. આ આસન સ્વાસ્થ્ય માટે ઘણું ફાયદાકારક છે. બદ્ધ કોનાસન અથવા બાઉન્ડ એન્ગલ પોઝને ‘રેક્લાઈનિંગ કોબલર પોઝ’ પણ કહેવામાં આવે છે. સંસ્કૃતમાં ‘બદ્ધ’નો અર્થ ‘બંધાયેલ’ અને ‘કોન’નો અર્થ ‘ખૂણો’ થાય છે.
શરીરના સ્નાયુઓને આરામ આપવા માટે આ એક વિશેષ યોગ આસન છે. તે હિપ, કમર અને શરીરના અન્ય ઘણા ભાગોમાં હાજર સ્નાયુઓને ખોલવાનું કામ કરે છે. તે પગ, પીઠ, કમર, પાચનતંત્રને મજબૂત બનાવે છે. દરરોજ આ યોગાસન કરવાથી શરીરમાં નવી ઉર્જાનો વિકાસ થાય છે અને નર્વસ સિસ્ટમ શાંત થાય છે.
આ યોગાસન મહિલાઓના સ્વાસ્થ્ય માટે કેવી રીતે ફાયદાકારક બની શકે છે અને તે કેવી રીતે કરવું અને કઈ સાવચેતીઓ રાખવાની જરૂર છે તે વિશે જોઈશું તો આ લેખને અંત સુધી જરૂર વાંચો.
સુપ્ત બદ્ધ કોનાસનની રીત: આ કરવા માટે, તમારી પીઠ પર સૂઈ જાઓ. શ્વાસ બહાર કાઢતી વખતે, ઘૂંટણને વાળો અને પેલ્વિસ તરફ સ્ટ્રેચ કરો. પગના તળિયાને એક સાથે લાવો. પગની ઘૂંટીઓને શક્ય તેટલી પેલ્વિસની નજીક લાવો. આ મુદ્રામાં 1 થી 5 મિનિટ સુધી રહો. શ્વાસ લો અને ઘૂંટણને ઉપર ઉઠાવો. પગને ફરીથી પજેલી પોજીશનમાં લાવો. શરૂઆતમાં આ યોગાસન કોઈ ટ્રેનરની દેખરેખ હેઠળ કરો.
સુપ્ત બદ્ધ કોનાસનના ફાયદા: આ આસન હૃદય માટે સારું છે અને રક્ત પરિભ્રમણમાં સુધારો કરે છે. પેટના અંગો, અંડાશય, પ્રોસ્ટેટ ગ્રંથિ, મૂત્રાશય અને કિડનીને સ્વસ્થ રાખે છે. જાંઘ, કમર અને ઘૂંટણ સુધી ખેંચાણ લાવે છે.
હળવા ડિપ્રેશન, ચિંતા અને થાકને દૂર કરવામાં મદદ કરે છે.
પીરિયડ્સની સમસ્યાઓ દૂર કરે છે. મેનોપોઝના લક્ષણોમાં રાહત આપે છે. હાઈ બ્લડ પ્રેશર અને અસ્થમાની સમસ્યાને નિયંત્રણમાં રાખે છે. ગર્ભાવસ્થા દરમિયાન સતત આમ કરવાથી ડિલિવરી સરળ બને છે. રોગોનો નાશ કરે છે અને થાક દૂર કરે છે.
મસલ્સ તણાવ દૂર કરે છે. વ્યક્તિના પોઈશ્ચરમાં સુધારો કરે છે. સ્ત્રીઓમાં પ્રજનન ક્ષમતામાં સુધારો કરે છે. સારી ઊંઘ આવે છે. પેટ અને કમરની આસપાસની ચરબી ઓછી થાય છે.
સાવચેતીનાં પગલાં: હાલે સુપ્ત બદ્ધા કોનાસન એક આરામદાયક આસન હોવા છતાં, તેને કરતી વખતે કેટલીક સાવચેતી રાખવી જરૂરી છે. પીઠ અથવા ઘૂંટણની ઇજાના કિસ્સામાં, આ આસન જાંઘની નીચે ધાબળાની મદદથી કરો.
જો તમને ગરદનમાં દુખાવો હોય તો સુપ્ત બદ્ધ કોનાસન ન કરો.
જો કરોડરજ્જુમાં દુખાવો થતો હોય તો આ આસન ન કરો. ઘૂંટણના દુખાવા અથવા સંધિવાની સમસ્યાના કિસ્સામાં, તમે દિવાલનો સહારો લઈ શકો છો. હાઈ બ્લડ પ્રેશરના દર્દીઓએ આ યોગ કરવાનું ટાળવું જોઈએ.
સ્લિપ ડિસ્કના દર્દીઓએ આ આસન ન કરવું.
તમે પણ આ યોગ કરીને આ બધા ફાયદા મફતમાં મેળવી શકો છો. જો તમને પણ યોગ સંબંધિત કોઈ માહિતી જોઈતી હોય તો લેખની નીચે કોમેન્ટમાં જણાવો. જો તમને આ લેખ પસંદ આવ્યો હોય તો શેર કરજો. આવી વધુ જાણકરી ઘરે બેઠા મેળવવા રસોઈનીદુનિયા સાથે જોડાયેલા રહો.