Sunday, August 14, 2022
Homeગુજરાતીરાજસ્થાનમાં સૌથી વધુ પ્રખ્યાત, રાજસ્થાની મરચાંનાં ભજીયા બનાવવાની સરળ રેસિપી

રાજસ્થાનમાં સૌથી વધુ પ્રખ્યાત, રાજસ્થાની મરચાંનાં ભજીયા બનાવવાની સરળ રેસિપી

મરચાંના ભજીયા તો તમે ખાધા જ હશે. ક્યારેક તમે ઘરે તમારી માતાના હાથે બનાવેલ તો ક્યારેક રેસ્ટોરન્ટમાં અથવા કોઈ ટ્રિપ પર ગયા હોય ને સ્ટ્રીટ ફૂડની જેમ ખાધા હશે, પરંતુ શું તમે જાણો છો કે મરચાંના ભજીયા રાજસ્થાનમાં સૌથી વધારે પ્રખ્યાત છે. તેને બનાવવાની રેસિપી પણ કંઈક ખાસ છે.

રાજસ્થાનમાં લોકો ખાવામાં વધારે મરચું ખાવાનું પસંદ કરે છે અને અહીંના ભોજનનો સ્વાદ એકદમ અલગ હોય છે અને આ લોકો મસાલાનો ખુબ જ ઉપયોગ કરે છે.

સૌથી મહત્વની વાત એ છે કે રેસ્ટોરન્ટમાં રાજસ્થાની મિર્ચી ભજીયાના નામ પર જો તમને મરચાંના ભજીયા પીરસવામાં આવે છે તો તમે વિચાર્યા વગર જ ઓર્ડર કરો છો, પછી ભલે તમારે તેના માટે વધારે પૈસા ખર્ચવા પડે, તો આવી સ્થિતિમાં તમે આ રીતે ઘરે જ મરચાંના આ રાજસ્થાની સ્ટાઈલના ભજીયા બનાવવાની રેસિપી જાણો.

તમે તમારા ઘરે ગમે ત્યારે મરચાના ભજીયા બનાવીને ખાઈ શકો છો. ખાસ કરીને જ્યારે તમારા ઘરે કોઈ ખાસ મહેમાનો આવવાના હોય અથવા વરસાદની ઋતુ હોય અથવા શિયાળાની સિઝનમાં જો તમે ગરમ ચા સાથે ખાધા હોય તો તમે તેનો સ્વાદ ભૂલી શકશો નહીં.

4

તમે તેને ઘરે કેવી રીતે બનાવી શકો છો અને તેને બનાવવા માટે કઈ સામગ્રીની જરૂર પડશે, બધી જ માહિતી ચાલો જાણીયે આ ખાસ રેસિપીમાં. અમે તમને બીજી વાત જણાવી દઈએ કે જે મરચામાંથી મરચાંના ભજીયાબનાવવામાં આવે છે તેને ભાવનગરી મરચાં પણ કહેવામાં આવે છે.

રાજસ્થાની મરચાં ભજીયા બનાવવા સામગ્રી : લીલા મરચાં 250 ગ્રામ મોટા સાઈઝના, બેસન 100 ગ્રામ, બાફેલા બટાકા 250 ગ્રામ, કોથમીર જીણી સમારેલી, આદુની પેસ્ટ 1/2 ચમચી, લીલું મરચું 1 બારીક સમારેલ, મરચાં ભજીયાના મસાલા, જીરું 1/2 ચમચી (બરછટ પીસેલું)

હળદર પાવડર 1/4 ચમચી, લાલ મરચું પાવડર 1/2 ચમચી, ધાણા પાવડર 1 ચમચી, ગરમ મસાલો 1/4 ટીસ્પૂન, આમચુર પાવડર 1/2 ચમચી, અજમો 1/2 ચમચી, ખાવાનો સોડા ચપટી, મીઠું સ્વાદ મુજબ, તેલ તળવા માટે

રાજસ્થાની મિર્ચી ભજીયા બનાવવાની રીત : ચણાનો લોટને એક મોટા બાઉલમાં કાઢી લો, થોડું-થોડું પાણી ઉમેરો અને બેટર જેવું જાડું બેટર તૈયાર કરો. હવે ચણાના લોટના મિશ્રણમાં નાની ચમચી મીઠું, અજમો અને 1/2 લાલ મરચું પાવડર ઉમેરીને બધું બરાબર મિક્સ કરો. આ બેટરને 10 થી 15 મિનિટ માટે ઢાંકીને બાજુમાં રાખો.

બાફેલા બટાકાને છોલીને મેશ કરી લો. એક પેનમાં 2 ચમચી તેલ ગરમ કરો અને તેલ ગરમ થાય એટલે તેમાં જીરું નાખીને સાંતળી લો. જીરું સંતળાઈ જાય એટલે તેમાં હળદર પાવડર, ધાણાજીરું પાવડર, જીણા સમારેલા લીલા મરચાં, આદુની પેસ્ટ નાખીને આ મસાલાને થોડો ફ્રાય કરો.

હવે છૂંદેલા બટાકા, મીઠું, લાલ મરચું પાવડર, આમચૂર્ણ પાવડર અને ગરમ મસાલા પાવડર ઉમેરીને બધું બરાબર મિક્સ કરીને બટાકાને ફ્રાય કરો, આ બટાકાને 2 મિનિટ ફ્રાય કરી લીધા પછી તેમાં થોડી કોથમીર નાખીને મિક્સ કરો અને ગેસ બંધ કરો. તો સ્ટફિંગ તૈયાર છે અને તેને એક પ્લેટમાં કાઢી લો.

મરચાને ધોઈને સૂકવી લો અને મરચાંને એક બાજુથી લંબાઇમાં એવી રીતે કાપો કે મરચા બીજી બાજુથી જોડાયેલા રહે, બધાં મરચાં કાપીને તૈયાર કરીને સમારેલા મરચામાં સ્ટફિંગ ભરો. તમારા હાથમાં એક મરચું ઉપાડો અને તેને કાપેલા ભાગને ખોલો અને સ્ટફિંગ ભરવા માટે તેને ચમચીથી દબાવો, આ રીતે બધા મરચાંને ભરીને તૈયાર કરો.

બેસન બેટર પણ તૈયાર છે, તેમાં હવે ખાવાનો સોડા ઉમેરો અને મિક્સ કરો. હવે તળવા માટે એક કઢાઈમાં તેલ મૂકીને ગરમ કરો. મરચાંને ચણાના લોટમાં ડુબાડીને ગરમ તેલમાં નાખો, એક સમયે 2 થી 3 મરચાં જ તળવા માટે નાખો અને ગોલ્ડન બ્રાઉન થાય ત્યાં સુધી તળો.

આ પછી કાઢીને પ્લેટમાં રાખો. આ જ રીતે બધા મરચાના ભજીયા બનાવી લો. સ્વાદિષ્ટ ગરમ મરચાંના ભજીયા તૈયાર છે તો તેને તમે ટામેટાની ચટણી અથવા તમારી પસંદગીની કોઈપણ ચટણી સાથે સર્વ કરીને કહી શકો છો.

ટિપ્સ: બેસનનું બેટર ના તો બહુ પાતળું હોવું જોઈએ કે ના તો બહુ જાડું. તળવા માટે તેલ પૂરતું ગરમ ​​હોવું જોઈએ, ગરમ તેલમાં ભજીયાઓને તળવા માટે મૂકો, ભજીયા અડધા રાંધ્યા પછી,તેને મધ્યમ અથવા ધીમી આંચ પર બ્રાઉન અને ક્રિસ્પી થાય ત્યાં સુધી તળો.

જો તમને આ રેસિપી પસંદ આવી હોય તો આવી જ વધારે રેસિપી અને કિચન ટિપ્સ જાણવા માટે રસોઈનીદુનિયા સાથે જોડાયેલા રહો.

રસોઇ ની દુનિયા
રસોઇ ની દુનિયા
ગુજરાતી સ્વાદ અને રસોઈની વિવિધ વાનગીઓ ને વિશ્વ સમક્ષ પ્રસ્તુત કરતું પ્લેટફોર્મ! - રસોઇ ની દુનિયા
RELATED ARTICLES
- Advertisment -

Most Popular

- Advertisment -