શિયાળામાં દરરોજ 2 ખજૂર ખાવાથી થાય છે આ ફાયદા, પરંતુ ક્યારે ના ખાવી જોઈએ તે પણ જાણો

ખજૂરને શિયાળામાં ખૂબ જ ખાવામાં આવે છે. તે શરીરને ગરમ રાખે છે અને પોષણથી ભરપૂર હોય છે. તેના ઘણા ફાયદા છે જે શરીરને ઘણી રીતે ફાયદો કરે છે. દરરોજ 5 થી 6 ખજૂર ખાવાથી તમારા સ્વાસ્થ્ય પર ઘણી સારી અસર પડે છે. તેમાં સુગર વધુ હોવાથી તમારે તેને વધારે ન ખાવું જોઈએ.

દરરોજ 2 ખજૂર ખાવાથી તમે તમારા સ્વાસ્થ્ય પર ઘણી અસરો જોઈ શકો છો. જો તમને હંમેશા મીઠાઈ ખાવાની ઈચ્છા હોય તો ખજૂર એ તૃષ્ણાને ઘટાડે છે. તે શુષ્ક હોય છે તેથી તેની કેલરી મોટાભાગના તાજા ફળો કરતાં વધુ હોય છે.

ખજૂરમાં મોટાભાગની કેલરી કાર્બોહાઇડ્રેટ્સમાંથી આવે છે. બાકીનું પ્રોટીન ખૂબ જ ઓછી માત્રામાં છે. કેલરી સિવાય, ખજૂરમાં નોંધપાત્ર માત્રામાં ફાઇબર ઉપરાંત, કેટલાક મહત્વપૂર્ણ વિટામિન્સ અને ખનિજો હોય છે.

1. રોગપ્રતિકારક શક્તિ સારી રહેશે : ખજૂર વિવિધ એન્ટીઑકિસડન્ટો પ્રદાન કરે છે. એન્ટિઓક્સિડન્ટ્સ તમારા કોષોને ફ્રી રેડિકલ્સથી બચાવે છે અને તમારું શરીર અનેક રોગોથી મુક્ત રહે છે. કેટલાક અભ્યાસો દર્શાવે છે કે તેઓ તમારી રોગપ્રતિકારક શક્તિને સુધારી શકે છે. આ સાથે ખજૂરનું સેવન ડીએનએને થતા નુકસાનને રોકવામાં પણ મદદ કરે છે.

2. પાચન તંત્રમાં સુધારો : ખજૂરમાં ખૂબ સારી માત્રામાં ફાઈબર હોય છે, તેથી તેને તમારા આહારમાં સમાવેશ કરવો સારું રહેશે. ફાઈબર તમારા પાચન તંત્રને ફાયદો કરી શકે છે. તે નિયમિત આંતરડાની ગતિમાં પણ સુધારો કરે છે. વર્કઆઉટના થોડા સમય પહેલા 2 ખજૂર ખાવાથી તમારી એનર્જી જળવાઈ રહે છે અને ફાઈબર તમને લાંબા સમય સુધી ભરેલું રાખે છે.

3. મગજના આરોગ્યને સુધારે છે : ખજૂર ખાવાથી મગજના કાર્યને સુધારવામાં મદદ મળી શકે છે. તેને ખાવાથી તમારી યાદશક્તિ સારી રહે છે અને આ સાથે તમારી શીખવાની ઈચ્છામાં પણ  વધારો જોવા મળે છે.

કેટલાક અભ્યાસો સૂચવે છે કે ખજૂર ઈફ્લેમેટરી માર્કરને ઘટાડવામાં મદદ કરી શકે છે. ખજૂર બળતરા ઘટાડવા અને મગજમાં પ્લાકને બનતા અટકાવવામાં મદદરૂપ થઈ શકે છે, જે અલ્ઝાઈમર રોગને રોકવામાં મહત્વપૂર્ણ હોય છે. ખજૂર ખાવાથી આંખની ઘણી સમસ્યાઓ પણ ઓછી થાય છે.

4. તણાવ ઘટાડે છે : મેગ્નેશિયમથી ભરપૂર ખજૂર ફાઈબરનો એક સારો સ્ત્રોત છે. અધ્યયનોએ એ પણ દર્શાવ્યું છે કે ખજૂરનું સેવન સ્ટ્રેસ સંબંધી સમસ્યાઓને ઘટાડે છે અને યાદશક્તિ વધારવામાં અને શીખવામાં પણ મદદ કરે છે.

 

View this post on Instagram

 

A post shared by Dt. Itu Khosla Chhabra (@dt.ituchhabra)

ક્યારે ખજૂર ન ખાવી જોઈએ : જો તમને પાચનની સમસ્યા હોય તો જમ્યા પછી ખજૂર ન ખાવું જોઈએ. આ એટલા માટે છે કારણ કે તેમાં ફાઇબરનું પ્રમાણ વધુ હોય છે અને કાર્બોહાઇડ્રેટ્સને પચવામાં મુશ્કેલી બનાવે છે અને આખરે પેટનું ફૂલવું જેવી સમસ્યા થઇ શકે છે.

હવે તમારે પણ તમારા આહારમાં ફક્ત 2 ખજૂરનું સેવન કરવું જોઈએ. જો તમે કોઈપણ રોગથી પીડિત છો તો પહેલા તમારા ડૉક્ટરની સલાહ જરૂર લો. જો તમને આ માહિતી સારી લાગી હોય તો રસોઈનીદુનિયા સાથે જોડાયેલા રહો.