રસોઈ કર્યા પછી, અમારા માટે સૌથી મુશ્કેલ કામ ગેસ સ્ટવને સાફ કરવાનું હોય છે. કારણ કે રસોઈ બનાવતી વખતે તેલ, મસાલા અથવા ખોરાક ગેસ પર પડે છે અને આગને કારણે આ વસ્તુઓ પણ બળી જાય છે.
બળી ગયેલા ગેસને સાફ કરવું આપણા માટે માત્ર મુશ્કેલ કામ જ નથી, પરંતુ બળેલા ખોરાકને દૂર કરવા માટે પણ ઘણી મહેનત કરવી પડે છે. જો કે, આપણે તેને સાફ કરવા માટે અનેક પ્રકારની વસ્તુઓનો ઉપયોગ કરીએ છીએ, પરંતુ આજે અમે તમને કેટલીક એવી ટિપ્સ જણાવીશું, જેની મદદથી ગેસ પણ થઇ જશે અને તમારો વધુ સમય પણ નહીં લાગે.
ગેસ સ્ટવ પર જમા થયેલો ખોરાક કેવી રીતે સાફ કરવો: જો તમારે ગેસ સ્ટવ, બર્નર વગેરે સાફ કરવું હોય તો તમે માત્ર એક નાનું કામ કરો. રાંધ્યા બાદ ગેસ પર પાણી અને વિનેગર નાખીને 15 મિનિટ માટે રહેવા દો. તમે થોડો ખાવાનો સોડા પણ ઉમેરી શકો છો . ફક્ત 15 મિનિટ પછી સ્ક્રબથી ઘસો અને પાણીથી સાફ કરો.
આ તમારા ગેસ સ્ટવને સાફ કરવા માટે ખૂબ ઉપયોગી સાબિત થઈ શકે છે. ઘણા લોકો આ હેકને જાણતા નથી, પરંતુ ખોરાકને દૂર કરવા માટે ઘણા કેમિકલ્સ પ્રોડક્ટ પણ હોય છે, જેની મદદથી તમે ડાઘને ખૂબ જ સરળતાથી દૂર કરી શકો છો.
ગેસ સ્ટવમાંથી કાળાશ કેવી રીતે દૂર કરવી : ગેસ પર જમા થયેલ ખોરાકને દૂર કર્યા પછી પણ કેટલાક નિશાન રહી જાય છે. આ કિસ્સામાં, બેકિંગ સોડા અને વિનેગરનો ઉપયોગ કરી શકાય છે. જો આ રેસીપીમાં લીંબુ મિક્સ કરવામાં આવે તો તે વધુ સારી રીતે કામ કરશે.
આ માટે તમે પહેલા પાણી ગરમ કરો અને તેમાં લીંબુનો રસ, બેકિંગ સોડા અને વિનેગર મિક્સ કરો.
પછી, તમે આ મિશ્રણને ગેસના ચૂલા પર નાખો અને સાફ કરો. પછી, ટૂથબ્રશથી સ્ટવ સાફ કરો અને છેલ્લે તેને સ્વચ્છ પાણીથી ધોઈ લો. બસ, કાળાશ દૂર થઇ જશે અને નવાની જેમ ચમકશે.
ગેસ બર્નર અથવા નોબ કેવી રીતે સાફ કરવું? જો નોબ કે ગેસને લાંબા સમય સુધી સાફ ન કરવામાં આવે તો તેમાં ગંદકી જામી જાય છે અને નોબ જામ થવા લાગે છે. આ કિસ્સામાં, તમારે તેના નટ બોલ્ટને ખોલીને નોબને દૂર કરીને સાફ કરવી જોઈએ. પછી બોલ્ટને ટાઈટ કરો. ચાલો આ પદ્ધતિ વિશે વિગતવાર જાણીએ.
સૌપ્રથમ પાછળ થી ગેસ બંધ કરો.હવે નોબ્સ ને ખુબ ધ્યાન થી કાઢી લો. પછી તેને ડિટર્જન્ટ લગાવીને નળની નીચે રાખીને ધોઈ લો. આ સાથે જ એક બાઉલમાં વિનેગર નાખીને સાફ કરો. પછી તેને સખ્ત સ્પોન્જ અથવા જૂના ટૂથબ્રશથી હળવા હાથે સ્ક્રબ કરો.
હવે તેને વહેતા પાણીની નીચે ધોઈ લો. પછી પાણીને સૂકવવા દો અને નોબને લૂછી લો. હવે સ્ટવ પેનલને ધોઈ લો જ્યાં નોબ્સ લગાવવામાં આવે છે. નોબ્સને ફરીથી લગાવો. તમારું કામ થઈ ગયું.
દરરોજ ગેસ સ્ટવ સાફ કરો : જો તમે દરરોજ ગેસ સાફ ન કરો તો તેના પર પડેલો ખોરાક, મસાલા બળી જાય છે અને તે કાળો થઈ જાય છે. તેથી રાંધ્યા પછી સ્ટવ અને નોબ્સને સારી રીતે સાફ કરવું સારું રહેશે. જો આ દરરોજ શક્ય ન હોય, તો અઠવાડિયામાં ઓછામાં ઓછા એક વખત સફાઈ પ્રોડક્ટથી સંપૂર્ણ સફાઈ કરો.
જો તમારી પાસે આવા બીજા કોઈ સફાઈ હેક્સ હોય તો અમને પણ જણાવો. જો તમને આ જાણકારી ગમી હોય તો બીજી મહિલાઓ સુધી પહોંચાડો. આવી વધુ માહિતી મેળવવા રસોઈનીદુનિયા સાથે જોડાયેલા રહો.
