શરીરના દરેક અંગનું પોતાનું મહત્વ અને એક અલગ કામ છે. પરંતુ દરેક અંગ તમારા સ્વાસ્થ્ય વિશે ઘણું બધું કહી જાય છે. ઉદાહરણ તરીકે, પગને શરીરનો ખૂબ જ મહત્વપૂર્ણ અંગ માનવામાં આવે છે. તે માત્ર ચાલવા માટે જ નથી, પરંતુ તે તમારા શરીરના આંતરિક ભાગોને પણ જોડે છે. જેના કારણે પગ ઘણા રોગોના સંકેત પણ આપે છે.
જો કે આ માટે તમે ડોક્ટર હોવ એ જરૂરી નથી. તમારે ફક્ત તમારા પગમાં મહેસુસ થતા સંકેતોને સમજવાની જરૂર છે. ઉદાહરણ તરીકે, પગમાં દુખાવાથી લઈને સુન્ન થઈ જવા સુધી, કેટલાક લક્ષણો એવા છે જે તમારા શરીરના કોઈપણ અન્ય અંગ પહેલા રોગના લક્ષણો વિશે જણાવે છે.
સામાન્ય રીતે, લોકો તેને અવગણે છે, પરંતુ તમારે ન કરવું જોઈએ. તો, આજના આ લેખમાં અમે તમને પગમાં થતા ફેરફારો અને તેની સાથે જોડાયેલી સ્વાસ્થ્ય સમસ્યાઓ વિશે જણાવીશું.
શુષ્ક ત્વચા : જો તમારી હીલ્સની આસપાસની ત્વચા ખૂબ જ શુષ્ક, તિરાડ પડેલી હોય તો તે થાઇરોઇડની નિશાની હોઈ શકે છે. તમારી થાઇરોઇડ ગ્રંથિ હોર્મોન્સ ઉત્પન્ન કરે છે જે તમારા મેટાબોલિક રેટથી લઈને બ્લડ પ્રેશર અને નર્વસ સિસ્ટમના કાર્યોને નિયંત્રિત કરે છે. પરંતુ જ્યારે પગની હીલ સુકાઈ જાય તો તે થાઈરોઈડની નિશાની હોઈ શકે છે.
જો કે, કેટલીકવાર હવામાનમાં ફેરફારને કારણે પણ ત્વચામાં શુષ્કતા પણ આવી શકે છે. પરંતુ પગની શુષ્ક ત્વચાની સાથે, તમારું વજન વધવું, હાથમાં નિષ્ક્રિયતા આવે અથવા દ્રષ્ટિ સંબંધિત સમસ્યાઓ હોય તો એકવાર ડૉક્ટરનો સંપર્ક કરો અને જરૂરી ટેસ્ટ કરાવો.
ઠંડા પગ : જો તમારા અંગૂઠા હંમેશા ઠંડા રહે છે, તો તેનું એક કારણ ખરાબ રક્ત પ્રવાહ હોઈ શકે છે. આ સિવાય અનિયંત્રિત ડાયાબિટીસને કારણે પણ તમને પગ ઠંડક મહેસુસ થઇ શકે છે. ઉપરાંત, હાઈપોથાઈરોઈડિઝમ અને એનિમિયાથી પીડિત વ્યક્તિને પગમાં ઠંડકનો અહેસાસ થઈ શકે છે.
પગ સુન્ન થઇ જવા : જ્યારે પગના વિસ્તારમાં લોહીના પ્રવાહમાં ઘટાડો થાય છે, ત્યારે તે પગ સુન્ન થઇ જાય છે. સામાન્ય રીતે, જ્યારે લોકો લાંબા સમય સુધી એક જ સ્થિતિમાં બેસે છે, ત્યારે પગમાં સુન્નતાની લાગણી થાય છે. આવું ક્યારેક-ક્યારેક બનવું સામાન્ય છે, પરંતુ જો તે નિયમિત રીતે થાય તો તમારે તેને અવગણવું જોઈએ નહીં.
પગ સુન્ન થવા એ પણ ક્યારેક ટાઈપ 2 ડાયાબિટીસની નિશાની હોઈ શકે છે. ડાયાબિટીસ તમારા પગમાં લોહીના પ્રવાહને જટિલ બનાવે છે. જેનો અર્થ થાય છે કે ઘા અથવા કટ મટાડવામાં લાંબો સમય લાગી શકે છે, જેનાથી તમે સંક્રમણ માટે વધુ સંવેદનશીલ બની શકો છો.
પગમાં સોજો : જ્યારે તમે લાંબા સમય સુધી ઊભા રહો છો ત્યારે પગમાં સોજો આવવો સામાન્ય છે. પરંતુ કેટલીકવાર તે ગંભીર તબીબી સ્થિતિ સૂચવી શકે છે. આ ખરાબ રક્ત પરિભ્રમણને કારણે હોઈ શકે છે. ક્યારેક કિડની ડિસઓર્ડર અથવા અન્ડરએક્ટિવ થાઈરોઈડને કારણે પણ સોજો આવી શકે છે. તેથી, જો તમને તમારા પગમાં સતત સોજો રહેતો હોય તો ડૉક્ટરને મળો.
પગમાં બળતરા નો અહેસાસ : જો તમે તમારા પગમાં બળતરા અનુભવો છો, તો તમારે તેને હળવાશથી ન લેવું જોઈએ. પગમાં બળતરા ઘણા કારણોસર થઈ શકે છે. ઉદાહરણ તરીકે, વિટામિન B ની ઉણપ, ક્રોનિક કિડની ડિસીઝ, પગમાં નબળું રક્ત પરિભ્રમણ એ કેટલાક કારણો છે જેના કારણે વ્યક્તિ પગમાં બળતરા અનુભવી શકે છે.
તો હવે જો તમને પણ તમારા પગમાં આવા પ્રકારના ચિહ્નો દેખાય તો તરત જ સાવધાન થઈ જાઓ અને એકવાર ડૉક્ટરની સલાહ જરૂર લો. જો તમને આ જાણકરી પસંદ આવી હોય તો રસોઈનીદુનિયા સાથે જોડાયેલા રહો.
