દરેક લોકો ઇચ્છતા હોય છે તેમની ત્વચા ચમકદાર અને ચહેરો સુંદર હોય છે. આ માટે તેઓ ઘણા ઉપાયો કરતા હોય છે જેમાં તેઓ બજરમાંથી મોંઘી પ્રોડક્ટ્સનો ઉપયોગ કરતા હોય છે. પરંતુ બજારુ કોઈ પણ પ્રોડક્ટસ માં કેમિકલ્સ હોય છે જે તમારા ચહેરાને નુકશાન પહોંચાડે છે. અહીંયા તમને કેટલાક ઉપાયો જણાવીશું જેનો ઉપયોગ કરીને તમારી ત્વચાને ચમકદાર બનાવી શકો છો.
સૂતા પહેલા તમારા ચહેરાને સાફ કરો: તમને જણાવીએ કે ચહેરા પર મેકઅપ, બહારનું પ્રદૂષણ, ધૂળના કણો તમારા ચહેરા પરના છિદ્રો દ્વારા અંદર પહોંચે છે, પરંતુ શું તમે ક્યારેય વિચાર્યું છે કે આ ગંદકી તમારી ત્વચાને કેટલું નુકસાન પહોંચાડે છે? આખા દિવસમાં માત્ર રાત્રે તમારી ત્વચા રિપેર અવસ્થામાં આવી જાય છે.
તેથી, એ મહત્વનું છે કે તમે તમારી ત્વચાને સારી રીતે સાફ કર્યા પછી રાત્રે સૂઈ જાઓ. જો તમે મેકઅપ કર્યો છે તો સૌપ્રથમ તો ઘરે આવતા જ ચહેરા પરથી મેકઅપ ઉતારી લો. આના માટે તમે ક્લીન્ઝિંગ મિલ્ક અથવા મેકઅપ રિમૂવરનો ઉપયોગ કરી શકો છો. સાથે જ રાત્રે સૂતી વખતે સારી નાઈટ ક્રીમનો ઉપયોગ કરવાથી ચહેરા પર ચમક આવે છે.
તમારા મનને શાંત રાખો: હતાશા અને ગુસ્સો એવા કેટલાક કારણો છે જેના કારણે તમારો ચહેરો તેની ચમક ગુમાવી દે છે. તેથી એ જરૂરી છે કે પરિસ્થિતિ ગમે તે હોય, તમે તમારા મનને શાંત રાખવાનો પ્રયાસ કરો. તમારા મનને એવી સ્થિતિમાં લઈ જાઓ કે તમને સરળતાથી કોઈ દુ:ખ અને મુશ્કેલી હલાવી શકે છે.
આ સ્થિતિ પ્રાપ્ત કરવા માટે તમે ધ્યાન કરી શકો છો. તે તમારા મનને ઘણી હદ સુધી શાંત રાખવામાં મદદ કરે છે અને તમારી ત્વચા ક્યારેય ચમકતી બંધ નહીં થાય.
કુદરતી ખોરાકની શૈલી અપનાવો: આપણે બધા જાણીએ છીએ કે આપણે જે ખાઈએ છીએ તે જ આપણું શરીર દેખાશે. તેથી જ આપણે આપણા આહારમાં તાજા ફળો અને લીલા શાકભાજીનો સમાવેશ કરવો જોઈએ. તે આપણી ત્વચા પર જાદુઈ રીતે કામ કરે છે કારણકે તેમાં પ્રોટીન, વિટામિન્સ, મિનરલ્સ વગેરે હોય છે જે તમને ફાયદા લાવે છે.
જે ઋતુ હોય તે ઋતુમાં ઉપલબ્ધ શાકભાજી અને ફળો ચોક્કસપણે ખાવા જોઈએ. જેમ કે શિયાળાની ઋતુમાં નારંગી જેવા ફળો અને પાલક, મેથી જેવા લીલા શાકભાજી અને ઉનાળામાં તરબૂચ, શક્કરટેટી વગેરે.
ચમકતી ત્વચા માટે ઘરગથ્થુ ઉપચાર: ચહેરા પર ચમક લાવવી એ બહુ સહેલું નથી, સાથે તે બહુ અઘરું પણ નથી. આ માટે આપણે ફક્ત આપણા રસોડામાં અને ઘરમાં ડોકિયું કરવાની જરૂર છે. તો ચાલો ઘરગથ્થુ ઉપચાર વિષે.
એલોવેરા: એલોવેરા એ તમારી ત્વચાને ચમકદાર રાખવાની એક સૌથી કારગત સાબિત થતી રીત છે. એલોવેરા આપણી ત્વચામાં ભેજ જાળવી રાખે છે. તેમાં વૃદ્ધત્વ વિરોધી ગુણો પણ છે જે આપણી ત્વચાને તેની સ્થિતિસ્થાપકતા ગુમાવવા દેતા નથી અને ચહેરા પરની કરચલીઓ ઘટાડે છે.
તેના ભેજયુક્ત ગુણધર્મો ત્વચામાં ભેજ જાળવી રાખે છે અને શુષ્કતા આવવા દેતા નથી. આ સાથે તેમાં ખીલ વિરોધી ગુણો હોય છે જે ખીલ ઘટાડે છે અને બળતરા પણ ઘટાડે છે.
એલોવેરા ઉપયોગ કરવાની રીત: તમે ગમે ત્યારે તમારી ત્વચા પર એલોવેરા જેલ લગાવી શકો છો. જો તમારી ત્વચા સામાન્ય છે તો તમે મોઇશ્ચરાઇઝરને બદલે તેનો ઉપયોગ કરી શકો છો. તમે રાત્રે સૂતા પહેલા તમારી ત્વચા પર એલોવેરા જેલથી મસાજ કરો અને સૂઈ જાઓ.
જો તમારા ઘરમાં એલોવેરાનો છોડ છે, તો તેનો એક ટુકડો લઇ તેમાંથી જેલ કાઢીને ચહેરા પર લગાવો.
ગ્રીન ટી: ગ્રીન ટીનો ઉપયોગ માત્ર પીવા માટે જ નથી થતો, તે ત્વચા પર લગાવવા માટે પણ ઉપયોગી છે.ગ્રીન ટી તમારા ચહેરાને સૂર્યપ્રકાશથી બચાવે છે અને ત્વચાના કેન્સર જેવી સમસ્યાઓથી બચાવે છે. તે ચહેરા પરના ખીલ સામે પણ રક્ષણ આપે છે.અને વૃદ્ધત્વ ના સંકેતોને પણ નિયંત્રિત કરે છે.
ગ્રીન ટી નો ઉપયોગ કરવાની રીત: લગભગ અડધા કપ પાણીમાં ગ્રીન ટી ઉકાળો. આ પછી તેમાં બ્રાઉન સુગર અને મલાઈ મિક્સ કરો અને તેનાથી ચહેરા પર મસાજ કરો. તેનાથી તમારી ત્વચા ચમકદાર બને છે.
નાળિયેર તેલ: દક્ષિણ ભારતના લોકો નારિયેળ તેલનો ઘણો ઉપયોગ કરે છે. તે માત્ર ભેજ જ નથી પ્રદાન કરતુ પરંતુ આપણી ત્વચાને ઠંડક પણ આપે છે. તે સૂર્યના તેજ પ્રકાશથી આપણી ત્વચાનું રક્ષણ પણ કરે છે અને એક ઉત્તમ એન્ટિ-એજિંગ છે. આ સાથે તે ત્વચા પર દેખાતી ઉંમરની અસરને પણ અટકાવે છે.
નાળિયેર તેલનો ઉપયોગ કરવાની રીત: આપણે જેમ ક્રીમનો ઉપયોગ કરીએ છીએ તેમ નાળિયેર તેલનો ઉપયોગ કરી શકીએ છીએ. નાળિયેર તેલને તમારી ત્વચા પર લગાવવું જોઈએ. નાળિયેર તેલને તમે શરીરના દરેક ભાગ પર લગાવી શકો છો. નાળિયેર તેલ લગાવવાથી તમારી ત્વચામાં ચમક આવવા લાગશે.
દરરોજ નારિયેળ પાણી પીવું: પ્રેગ્નન્સી દરમિયાન મહિલાઓને નારિયેળ પાણી પીવાની સલાહ આપવામાં આવે છે, પરંતુ કોઈપણ તેને સામાન્ય દિવસોમાં પણ પી શકે છે. દરરોજ નારિયેળ પાણીનું સેવન કરવાથી ચહેરા અને શરીરના અન્ય ભાગો પર થોડા દિવસોમાં જ ફરક જોવા મળે છે. આ પાણી પીવાથી ચહેરો ચમકદાર બને છે.
હળદર: રસોડામાં રહેલી હળદરને મસાલાની રાણી કહેવામાં આવે છે. ત્વચાની સમસ્યાઓ દૂર કરવામાં પણ હળદર અસરકારક ભૂમિકા ભજવે છે.. ચહેરાને ચમકદાર બનાવવાના ઘરેલુ ઉપચારમાં, હળદરનો આપણે ઉપયોગ કરી શકીએ છીએ. હળદરમાં એન્ટી-ઓક્સીડેન્ટ ગુણ હોય છે, જે ચણાના લોટની સાથે મળી આવે છે. ત્વચાને એક્સ્ફોલિએટ કરે છે અને ત્વચામાં નિખાર લાવે છે.
ઉપયોગ કરવાની રીત: ચણાનો લોટ અને પાણીમાં હળદર મિક્સ કરીને સ્ક્રબ બનાવો. પછી તેને ચહેરા પર લગાવો અને 12 થી 15 મિનિટ પછી જ્યારે તે સુકાઈ જાય ત્યારે તેને હળવા હાથે ઘસીને ધોઈ લો. આ ઉપાય કરવાથી તમારી ત્વચામાં એટલી ચમક આવી જશે કે, જેટલી ચમક કોઈ મોંઘી ક્રીમ લાવી શકતી નથી.
દૂધ: દૂધ ત્વચા માટે પણ ખૂબ જ પૌષ્ટિક રીતે કામ કરે છે. જો તમારી ત્વચા શુષ્ક હોય તો દૂધથી વધુ સારું મોઈશ્ચરાઈઝર કોઈ હોઈ જ ન શકે. દૂધમાં રહેલું વિટામિન A તમારી ત્વચાની ચમક જાળવી રાખે છે.
ઉપયોગની રીત: કાચું દૂધ, ચણાનો લોટ અને મધ મિક્સ કરીને પેક તૈયાર કરો, હવે તેને ચહેરા પર લગાવો. લગભગ 10 મિનિટ પછી તેને ધોઈ લો, ચહેરા પર ચમક આવી જશે. તમે અઠવાડિયામાં એક કે બે વાર પણ આ પેક લગાવી શકો છો. તે ત્વચામાંથી ભેજને બહાર જવા દેતું નથી.
ઉપરોક્ત જણાવેલ ઘરગથ્થુ ઉપાયો અપનાવીને તમે સરળતાથી ગ્લોઈંગ સ્કિન મેળવી શકો છો. આ ટિપ્સ તમારી ત્વચાને ચમકદાર તો બનાવશે જ સાથે સાથે તમારા રંગને પણ ગોરો બનાવશે. આ ઘરેલું ઉપચાર ખૂબ જ સરળ છે, જેનો ઉપયોગ કરીને તમે ગ્લોઈંગ સ્કિન મેળવી શકો છો.
