આપણા શરીરના સ્વાસ્થ્ય માટે યોગ્ય આહાર અને સ્વસ્થ જીવનશૈલી ખૂબ જ મહત્વપૂર્ણ છે. આપણી ઘણી નાની આદતો આપણને ઘણી મદદ કરે છે. કેટલીકવાર આપણે આપણી કેટલીક આદતોને કારણે આપણી દિનચર્યા બગાડીએ છીએ. બધા લોકોનું સૌથી મોટું કારણ આળસ છે. આળસ માણસને ઘણી રીતે નુકશાન કરે છે.
આજે અમે તમને એક એવી ખાસ બાબત વિશે જણાવીશું જેનાથી તમારા શરીરને એક નહિ પરંતુ ઘણા ફાયદા થઇ શકે છે. ઘણા લોકો વજન ઘટાડવા માટે જુદા જુદા પ્રયોગ કરતા હોય છે. ઘણા લોકો સવારે ચાલવા જાય છે તો ઘણા લોકો સાયક્લિંગ કરે છે.
ખાસ વજન ઘટાડવાની દિનચર્યા વિશે વાત કરીએ તો સીડીઓ ચઢવાથી કેટલા ફાયદા થઈ શકે છે. જો તમે જીમમાં જઇ ના શકતા હોય તો પણ તમે ઈચ્છો છો તો તમારી ફિટનેસ બરાબર રાખી શકો છો. હવે જાણીએ કે દરરોજ રૂટિંગ માં સીડીઓ ચઢવાથી થતા ફાયદા વિશે.
1. હૃદય માટે ખૂબ સારું: સીડી ચઢવાનો પહેલો ફાયદો એ છે કે તે હૃદય માટે ખૂબ જ સારું છે. તેનાથી સ્વાસ્થ્ય સંબંધિત ઘણી સમસ્યાઓ દૂર થાય છે. તે હાઈ બ્લડ પ્રેશરનું જોખમ પણ દૂર કરે છે . એટલે કે જો તમે સીડી ચડવાની ટેવ પાડો છો, તો તમારું હૃદય વધુ સુરક્ષિત રહેશે. તે અમુક અંશે ડાયાબિટીસ જેવી ઘણી બીમારીઓ સામે પણ રક્ષણ આપે છે.
2. વજન ઘટાડવું: સીડી ચઢવાથી જે લોકો વજન ઘટાડવા માગે તે લોકો માટે ખુબજ ફાયદાકારક સાબિત થઇ શકે છે. તે બોડી ટોનિંગ માટે અને ખાસ કરીને પગની કસરત માટે ખૂબ જ સારું છે.
3. સાંધા માટે સારું: સીડી ચઢવું તમારા સાંધા માટે ખુબજ સરસ છે. તેને એક પ્રકારની કાર્યાત્મક પ્રવૃત્તિ તરીકે લો. આ પ્રવૃત્તિને તમારા સાંધાઓની કસરત તરીકે જોઈ શકાય છે. આ પ્રવૃત્તિને કારણે તમને શિયાળામાં વધુ ફાયદો થશે.
જો તમને દર વખતે સાંધાના દુખાવાની સમસ્યા રહેતી હોય તો શિયાળાની શરૂઆતના થોડા સમય પહેલા દરરોજ 10-15 મિનિટ સુધી સીડીઓ ચઢવા અને ઉતરવાનું શરૂ કરો.
4. મૃત્યુ દર ઓછો થાય છે: એક રિસર્ચ અનુસાર દરરોજ સીડીઓ ચઢવાથી વ્યક્તિના મૃત્યુ દરમાં 33 ટકાનો ઘટાડો થઈ શકે છે. આટલું જ નહીં, જો દરરોજ 7-10 મિનિટ સુધી સીડીઓ ચઢવા અને ઉતરવામાં આવે તો હાર્ટ એટેકનો ખતરો ઘણો ઓછો થઈ જાય છે.
5. ઓસ્ટીયોપોરોસીસનું જોખમ ઓછું થાય: ઑસ્ટિયોપોરોસિસ, હાડકાંનો રોગ, જેને સૌથી સામાન્ય પ્રકારનો સંધિવા પણ કહેવામાં આવે છે, તે લોકોને ઘણી મુશ્કેલીમાં મૂકી શકે છે. સીડી ચડવું અને ઉતરવું એ જોખમને નોંધપાત્ર રીતે ઘટાડી શકે છે.
6. માનસિક તણાવ દૂર કરે છે: સીડી ચડવું તે તમારી શારીરિક પ્રવૃત્તિ માટે સારું છે, પરંતુ તે તમારા માનસિક સ્વાસ્થ્ય માટે પણ સારું છે. સીડીઓ ચઢવા અને ઉતરવાની પ્રવૃત્તિમાં તમારો વધુ સમય નથી લાગતો અને તેના કારણે તમારા શરીરમાં કેટલાક એવા ફેરફારો થાય છે જેનાથી તણાવ ઓછો થાય છે. તેથી આ પ્રવૃત્તિ તમારા રૂટિંગ માં ચાલુ રાખવી જોઈએ.
7. ફેફસાં માટે ખૂબ સારું: સીડીઓ ચઢવા અને ઉતરવાથી માત્ર હૃદય જ નહીં પરંતુ ફેફસાં પણ સારા રહે છે. શરૂઆતમાં, તમને થોડી તકલીફ અને શ્વાસ લેવામાં તકલીફ થશે, પરંતુ થોડા દિવસના રૂટિંગ પછી તમારી સહનશક્તિ વધશે અને ઝડપથી શ્વાસ લેવાથી તમારા ફેફસાં માટે પણ સારું રહેશે. જે લોકો મશીનમાં કસરત કરે છે તે કરતા આ વધુ સારું છે.
જો તમને અમારી માહિતી પસંદ આવી હોય તો રસોઈ ની દુનિયા સાથે જોડાયેલા રહો. અહીંયા તમને દરરોજ જીવન ઉપયોગી માહિતી, રેસિપી, કિચન ટિપ્સ, ટ્રિક અને હેલ્થ વિશેની માહિતી મળતી રહેશે.
