ઉંમર વધવાની સૌથી પહેલી નિશાની ચહેરા પર કરચલીઓ દેખાવા લાગે છે. આ કરચલીઓ 30 વર્ષની ઉંમર વટાવ્યા પછી જ મહિલાઓના ચહેરા પર ધીમે ધીમે દેખાવા લાગી જાય છે. કેટલીક સ્ત્રીઓ આની અવગણના કરે છે અને પછી જ્યારે તે વૃદ્ધ દેખાવા લાગે છે ત્યારે તેના ઉપાયો શોધતી હોય છે.
જ્યારે બ્યુટી એક્સપર્ટનું એવું માનવું છે કે તમે 30 વર્ષની ઉંમર થતાની સાથે ત્વચાની થોડી વધુ કાળજી લો તો કદાચ મહિલાઓ તેમની ઉંમર કરતાં 5 વર્ષ નાની દેખાય છે. આ માટે દિવસની શરૂઆતમાં જ એટલે સવારથી ત્વચાને યોગ્ય પોષણ મળવું જોઈએ.
તો આજે લેખમાં અમે તમને જણાવીશું કે તમારી સવારની વૃદ્ધત્વ વિરોધી ત્વચા સંભાળની દિનચર્યા કેવી હોવી જોઈએ અને તમારે કયા પગલાં અનુસરવા જોઈએ તે વિશે જણાવીશું.
સ્ટેપ 1 : સૌથી પહેલા તમે ફેશિયલ ટોનિંગ કરો. આ માટે તમે સૌથી પહેલા ગુલાબજળથી આખો ચહેરો સાફ કરો. જો તમે ઈચ્છો તો ગુલાબજળમાં ચોખાનું પાણી પણ ઉમેરી શકો છો, જે તમારી ત્વચાને કડક બનાવશે.
સ્ટેપ 2 : ચહેરાને ટોન કર્યા પછી ચહેરાને સ્ક્રબ કરો. ઘરે સ્ક્રબ કરવા માટે 1 ચમચી દૂધ, 1 ચમચી ચોખાનો લોટ અને 1 ચમચી કોફી પાવડરને મિક્સ કરીને સ્ક્રબ બનાવી લો. આ સ્ક્રબને ચહેરા પર હળવા હાથે ઘસીને 2 મિનિટ પછી સ્વચ્છ પાણીથી ચહેરો સાફ કરી લો.
સ્ટેપ 3 : ત્રીજા સ્ટેપમાં સવારની સ્કિન કેર રૂટીનમાં તમારે ફેસ પેક લાગવાનો હોય છે. આ ફેસપેક તમે ઘરે જ બનાવી શકો છો અને આ માટે તમારે 4 સામગ્રીની જરૂર પડશે. જેમાં 1 ચમચી દહીં, 1 ચમચી બેસન, 1 ચમચી ચોખાનો લોટ અને 1 ચમચી મધ લેવાનું છે.
ફેસપેક બનાવવા માટે આ 4 વસ્તુને એક બાઉલમાં ઉમેરીને મિક્સ કરવાની છે. હવે આ પેસ્ટને ચહેરા પર લગાવીને 15 મિનિટ લગાવેલું રહેવા દો અને પછી ચહેરાને પાણીથી ધોઈ લો. આનાથી ચહેરા પર થોડી કડકાઈ પણ આવશે અને ફોલ્લીઓ હળવી થઇ જશે.
સ્ટેપ 4 : હવે છેલ્લા સ્ટેપમાં તમારે ચહેરાનું મોઈશ્ચરાઈઝિંગ કરવાનું છે. મોઈશ્ચરાઈઝિંગ માટે તમે એલોવેરા જેલ પણ લઇ શકો છો. આ સિવાય એલોવેરા જેલમાં ગુલાબજળ મિક્સ કરીને હળવા હાથે મસાજ કરતા તેને આખા ચહેરા પર લગાવી શકો છો.
નોંધ- તમારે કોઈપણ નુસખાને 24 કલાક પહેલા સ્કિન પેચ ટેસ્ટ જરૂર કરવો જોઈએ, તે પછી જ તમારે તમારી ત્વચા પર કોઈપણ ઘરેલું ઉપાયનો ઉપયોગ કરવો જોઈએ, દરેકની ત્વચા અલગ હોય છે અને અલગ પ્રતિક્રિયા આપે છે.
