આજના ભાગદોડવાળા જીવનમાં મહિલાઓ સવારથી લઈને સાંજ સુધી ખૂબ જ વ્યસ્ત રહે છે. ઘરનું અને ઓફિસનું કામ સંભાળવું તેમના માટે ખૂબ જ પડકારજનક હોય છે. એવામાં મહિલાઓ રાત્રે થોડા મોડા ઊંઘે છે અને તેના કારણે સૌથી મોટી મુશ્કેલી એ થાય છે કે તેઓ સવારે મોડા ઉઠે છે.
મોડું જાગવું શરીરની ઘડિયાળમાં ગડબડ થઇ જાય છે અને સવારના કામ કરવાના આયોજનમાં પણ સમસ્યાઓ આવે છે. મોડા જાગવાવાળી, કામ કરતી મહિલાઓ જે ઘણીવાર સમયના અભાવના કારણે નાસ્તો કરી શકતી નથી, જે તેમના સ્વાસ્થ્ય પર ખરાબ અસર કરે છે.
જરા વિચારીને જુઓ કે જો તમે વહેલા સવારે ઉઠી જાઓ અને સમયસર તમારું કામ કરી લો તો કેવું રહેશે. તમે સમયસર કસરત કરીને, નાસ્તો કરીને અને સમયસર ઓફિસ પહોંચી જાઓ, તો તે તણાવથી ઘણી હદ સુધી બચી શકો છો. આ માટે મહિલાઓ કેટલીક સરળ ટિપ્સ અપનાવી શકે છે કે જેના દ્વારા તેઓ સવારે વહેલી ઉઠી શકે.
હૂંફાળું પાણી પીવું
ઘણીવાર મહિલાઓ સવારની ગણે ભગાડવા માટે ચા પીવે છે. ખાલી પેટ ચા પીવાથી એસિડિટી પણ થઈ શકે છે તો આ સ્થિતિમાં ઊંઘને ભગાડવાનો શ્રેષ્ઠ ઉપાય છે એક ગ્લાસ નવશેકું પાણી પીવું. ગરમ પાણી શરીરને એક્ટિવ કરી શકે છે.
જો તમને કબજિયાતની ફરિયાદ હોય તો તે પણ તેનાથી દૂર થઈ શકે છે. જો તમે આ પાણીમાં લીંબુ મિક્સ કરીને પીઓ છો, તો તમે તેનાથી પણ વધારે લાભ મેળવી શકો છો.
રાત્રે હળવો ખોરાક ખાવાથી ફાયદો થાય છે
જો તમે દરરોજ રાત્રે બટર, દાલ મખાણી, શાહી પનીર જેવી વસ્તુઓ ખાઈ રહ્યા છો તો તમારી આ આદતમાં બદલાવ લાવો. જો તમે રાત્રે લીલા શાકભાજી, દાળ, રોટલી, સલાડ, ખીચડી વગેરે ખાઓ છો, તો તમારું પેટ હળવું રહે છે અને તમે સવારે ઉઠો ત્યારે તમને આળસ નથી લાગતી.
ચાલવા માટે જાઓ
મોટા ભાગની મહિલાઓ સવારે ઉઠીને તેમને દરરોજ ના કામો કરવામાં લાગી જાય છે, જેનાથી તેમને લાગે છે કે ઊંઘ પૂરી નથી થઇ. જો તમે ઉઠીને ફ્રેશ થઈને થોડો સમય માટે બહારની તાજી હવા લેવા માટે બહાર નીકળી જાઓ, તો તે તમારી ઊંઘ પણ ઉડી જશે સાથે સાથે સવારની બહારની તાજી ઓક્સિજન પણ મળી જશે અને તમે ઉર્જાવાન ફીલ કરશો.
એલાર્મને પથારીથી દૂર રાખો
જો તમે મોબાઈલમાં એલાર્મ લગાવીને સૂઈ જાઓ છો અને મોબાઈલને તમારી સાથે રાખો છો, તો તેનાથી બે નુકસાન થઈ શકે છે. એક તો ફોન બાજુમાં બંધ રાખીને સૂવાથી તમે નિરાંતે ઊંઘી શકતા નથી.
અને બીજી વાત, તમે સવારે એલાર્મ બંધ કરીને પછી ફરી સૂઈ શકો છો. તો આવી સ્થિતિમાં સમયસર ઉઠવા માટે તે જરૂરી છે કે તમે એલાર્મને પથરીથી થોડાક પગલાં દૂર રાખો જેથી તેને બંધ કરતી વખતે તમે પથારીમાંથી ઉભા થાઓ અને તમારી ઊંઘ ઉડી જાય.
ગેજેટ્સ લઈને ના સુવો
ઘણી મહિલાઓ રાત્રે મોબાઈલ અથવા લેપટોપ પર ઈન્ટરનેટ વાપરતી રહે છે અને રાત્રે આ મોબાઈલ અને લેપટોપમાં જોતા જોતા સૂઈ જાય છે. આનું પરિણામ એ આવે છે કે તેઓ સારી રીતે સૂઈ શકતા નથી. સારી ઊંઘ માટે જરૂરી છે કે તમે રાત્રે શાંતિથી ઊંઘી જાઓ.
જો તમે મોબાઈલ, લેપટોપ, ટીવી બંધ કરીને ઊંઘો છો, તો સારી ઊંઘ આવવાની શક્યતા વધી જાય છે. જો તમે આ સરળ ઉપાયોને અપનાવીને તમે દરરોજ સવારે વહેલા ઉઠવાની આદત પાડી શકો છો. કોઈપણ આદતને બદલવા માટે ઓછામાં ઓછા 15 દિવસ લાગે છે.
શક્ય છે કે તમને શરૂઆતમાં પરેશાન થશો, પણ ધીરજ રાખો, ધીરે ધીરે આ દરરોજ આદત પડી ગયા પછી તમે તમારા દિવસને વધુ સારી રીતે મેનેજ કરી શકશો.
