pani ni bottle saf karvani rit
વધુ માહિતી મેળવવા અમારી સાથે જોડાઓ
WhatsApp Group Join Now

દરેક વ્યક્તિને વારંવાર કામ છોડીને પાણી પીવા જવું ના પડે તે માટે પાણીની બોટલનો ઉપયોગ કરવાનું પસંદ છે. લાઈટ રંગની પાણીની બોટલ દેખાવમાં ખૂબ જ સરસ લાગે છે. આવી સ્થિતિમાં મોટાભાગના લોકો આવી જ બોટલ ખરીદવાનું પસંદ કરે છે.

પરંતુ થોડા સમય પછી બોટલ ગંદી થઈ જાય છે અને એકદમ ખરાબ દેખાય છે. આવી સ્થિતિમાં લોકો બોટલ સાફ કરવા માટે અલગ-અલગ ઉપાયો શોધે છે પરંતુ અંદરથી સાફ કેવી રીતે કરવું તેનાથી લોકો અજાણ હોય છે. આજે અમે તમને બોટલને સારી રીતે સાફ કરવા માટેની શાનદાર ટિપ્સ વિશે જણાવીશું.

ડીશ સોપ અને ગરમ પાણી

બોટલ સાફ કરવાની સારી રીત એ છે કે પાણીની બોટલમાં ગરમ ​​પાણી અને 1 થી 2 ચમચી ડીશ સોપ નાખો. આમ કરવાથી પાણીની બોટલ આખી ભરાઈ જશે. હવે આ બોટલને આખી રાત માટે ભરેલી રહેવા દો. સવારે ઉઠીને બોટલને પાણીથી ધોઈ લો. તમારી બોટલ એકદમ નવી દેખાશે.

મીઠું, લીંબુ અને બરફ

સૌપ્રથમ પાણીની બોટલમાં 1 કપ પાણી અને પછી લીંબુનો રસ અને મીઠું નાખો. હવે પાણીની બોટલમાં બરફ નાખીને બોટલને હલાવો અને થોડી વાર માટે એમ જ રહેવા દો. તમારી પાણીની બોટલની ચમકી ઉઠશે.

ગરમ પાણી

ગરમ પાણીનો ઉપયોગ કરીને પણ બોટલને સારી રીતે સાફ કરી શકાય છે. ખરેખર, ખૂબ લાંબા સમય સુધી બોટલનો ઉપયોગ કર્યા પછી ધૂળ અને માટી ચોંટી જાય છે. જો ધૂળ અને માટીને તાત્કાલિક સાફ કરવામાં ન આવે તો બધી ગંદકી અને ધૂળ બોટલ પર જમા થઈ જાય છે.

આવી સ્થિતિમાં, એક તપેલીમાં પાણી ઉકાળો અને તેમાં પાણીની બોટલ મૂકો. જો બોટલ જૂની છે અને બોટલ અંદરથી ગંદી થઇ ગઈ છે તો ગરમ પાણીને બોટલમાં નાખો. આ ટિપ્સની મદદથી તમારી પાણીની બોટલ અડધા કલાકમાં એકદમ સારી રીતે સાફ થઇ જશે.

આ પણ વાંચો: પ્લાસ્ટિકની બોટલમાં પાણી પીતા પહેલા આ માહિતી જરૂરથી વાંચી લેજો

બેકિંગ સોડા અને વિનેગર

પાણીની બોટલ સાફ કરવા માટે તમારે ફક્ત 2 ચમચી ખાવાનો સોડા અને 2 ચમચી વિનેગર લો. આ બંને વસ્તુઓને મિક્સ કરીને બોટલમાં નાખો અને બોટલને હલાવો.
આમ કરવાથી પ્રવાહીની સાથે બોટલમાં જમા થયેલી બધી ગંદકી નીકળી જશે.

બ્રશનો ઉપયોગ કરો

પાણીની બોટલની કિનારીઓ પર લાગેલી ગંદકીને દૂર કરવા માટે બ્રશનો ઉપયોગ કરો. બ્રશને ગમે ત્યાં ફેરવી શકાય છે, તેથી બ્રશથી બોટલ સારી રીતે સાફ થઈ જાય છે. ગંદી બોટલોને સાફ કરવા માટે આ પણ ટિપ્સ સારી છે.

પાણીની બોટલનો દરરોજ ઉપયોગ કરતા હોય તો તમે પણ આ રીતે સાફ કરો. જો તમને આ જાણકારી પસંદ આવી હોય તો રસોઈનીદુનિયા સાથે હંમેશા જોડાયેલા રહો.

રસોઇ ની દુનિયા

ગુજરાતી સ્વાદ અને રસોઈની વિવિધ વાનગીઓ ને વિશ્વ સમક્ષ પ્રસ્તુત કરતું પ્લેટફોર્મ! - રસોઇ ની દુનિયા