ભારતમાં ભોજનની સાથે કાચી ડુંગળી ખાવાની પ્રથા જુના જમાનાથી ચાલી આવી છે. ભોજન સાથે ડુંગળી ખાવાથી ભોજનનો સ્વાદ બમણો થઇ થાય છે. પરંતુ ડુંગળી ખાધા પછી તેની વાસ મોમાં આખો દિવસ રહે છે જે માણસને ઘણી વાર શરમમાં પણ મૂકી દે છે.
ડુંગળી ખાધા પછી વાસ આવવાના કારણે ઘણા લોકો દિવસે ડુંગળી ખાવાનું ટાળે છે. પરંતુ જો કેટલાક ઉપાયો અજમાવવામાં આવે તો તમે આ પરેશાની દૂર કરી શકો છો અને ડુંગળી આરામથી ખાઈ શકો છો કોઈ સંકોચ રાખ્યા વગર.
તાજા ફળ અને શાકભાજી ખાઓ: લોહા લોહેકો કાટતા હૈ, આ કહેવત તો બધા લોકોએ સાંભળી હશે.અહીંયા પણ આ કહેવતનો ઉપયોગ થાય છે. આ કિસ્સામાં કરવામાં આવેલા કેટલાક અભ્યાસો સૂચવે છે કે તાજી વસ્તુઓ ખાવાથી મોંમાં સલ્ફરની ગંધ ઘણી હદ સુધી ઓછી થઈ શકે છે.
ખાધા પછી તાજા સફરજન અથવા કાચા લેટસ ખાવાથી ડુંગળીની દુર્ગંધ ઘણી હદ સુધી ઓછી થઈ જાય છે. સુંગધી પાનવાળી વનસ્પતિ ખાવી : સુંગધી પાનવાળી વનસ્પતિ ડુંગળીની ગંધને સૌથી ઝડપથી દૂર કરી શકે છે અને તે જ સમયે તમારા મોંને તાજું બનાવી શકે છે.
જો કે, ઘણા લોકો તુલસીના પાન ચાવવાને યોગ્ય માને છે એટલા માટે ઘણા લોકો તુલસીનો ઉપયોગ ડુંગળીની દુર્ગંધ દૂર કરવા કરે છે. આ સિવાય ઉનાળાની ઋતુમાં ફુદીનાના પાન પણ ખાઈ શકાય છે, જેનાથી મોંમાંથી આવતી ડુંગળી અને લસણ બંનેની દુર્ગંધને ઘણી હદ સુધી ઓછી કરી શકાય છે.
એપલ સીડર વિનેગર: ઘણા લોકો એપલ સીડર વિનેગર પીવાના ફાયદાઓ વિશે જાણે છે. ઘણા લોકો તેને પોતાના નિયમિત આહારમાં પણ સામેલ કરે છે, પરંતુ તેની સાથે જોડાયેલ એક ફાયદો એ છે કે તેનાથી મોંમાંથી આવતી ડુંગળીની દુર્ગંધ ઓછી થઈ જાય છે.
તેને વધુ ન પીવો, ફક્ત 1 ચમચી લો અને તેને પાણીમાં ઓગાળી લો અને પછી તે પાણી પીવો. જો તમે તેને સીધું પી શકો છો, તો તમે તે પણ કરી શકો છો, પરંતુ તેનો સ્વાદ માત્ર પાણીમાં જ સારો આવશે.
ગ્રીન ટી ઉપયોગી: તમે તમારી માટે ગ્રીન ટી બનાવી શકો છો. વાસ્તવમાં, ગ્રીન ટી એક હર્બલ પીણું છે અને તે ખાધા પછી માત્ર પાચનમાં મદદ કરે છે, પરંતુ તે મોંની દુર્ગંધને દૂર કરવામાં વધુ અસરકારક સાબિત થઈ શકે છે. તેની અસર ફુદીનાના પાન જેવી જ હોય છે. શિયાળાની ઋતુમાં જમ્યા પછી એક કપ ગ્રીન ટી પણ તમને ગરમ કરવામાં મદદ કરી શકે છે.
ચ્યુઇંગ ગમ: મોંમાંથી ડુંગળીની દુર્ગંધ દૂર કરવા માટે તમે ચ્યુઇંગ ગમનો પણ ઉપયોગ કરી શકો છો. તમે અલગ-અલગ ફ્લેવર્ડ ચ્યુઇંગ ગમ ટ્રાય કરી શકો છો. તે મોંમાં લાળ બનવાની પ્રક્રિયાને વધારે છે, જે મોંમાં હાજર બેક્ટેરિયા અને ખોરાકના કણોને દૂર કરે છે.
અમેરિકામાં એક રિપોર્ટમાં કહેવામાં આવ્યું છે કે જો તમે કોઈપણ ભોજન કર્યાના 20 મિનિટ પછી ખાંડ વગરની(ગળી) ચ્યુઈંગ ગમ ખાઓ છો, તો તમારી દાંતમાં સડો થવાની સમસ્યા ઓછી થઈ શકે છે.
આ ઉપરાંત, ટૂથબ્રશ અને ટૂથપેસ્ટ વડે મોં સાફ કરવું અથવા માઉથવોશ અથવા ફ્લોસિંગનો ઉપયોગ કરવો એ સારો વિકલ્પ હોઈ શકે છે. તે તમારા મોંની દુર્ગંધને ઘણી હદ સુધી દૂર કરી શકે છે.
જો તમને અમારી આ માહિતી પસંદ આવી હોય તો રસોઈ ની દુનિયા સાથે જોડાયેલા રહો. અહીંયા તમને દરરોજ જીવન ઉપયોગી માહિતી, કિચન ટિપ્સ, રિસીપી, યોગા અને બીજી ઘણી બધી માહિતી દરોજ મળતી રહેશે.
