આજના સમયમાં દરેક મહિલા ઈચ્છે છે કે તેના વાળ એકદમ લાંબા અને જાડા હોય અને તેઓ તે માટે ઘણા ઉપાયો કરે છે, જેમ કે પાર્લરમાં જાય છે, બજારમાંથી મોંઘી પ્રોડક્ટhair fall reason in gujarati લાવીને ઉપયોગ કરે છે, તેમ છતાં પણ કઈ ફર્ક પડતો નથી. જો કે વાળ ખરવા એ એક સામાન્ય સમસ્યા છે પણ મોટાભાગની મહિલાઓ હંમેશા આ સમસ્યાને લઈને ચિંતિત રહે છે.
એક જ વાળ તો છે જે આપણી પર્શનાલીટી બનાવે છે, પરંતુ જ્યારે વાળ જ નિસ્તેજ, કમજોર અને વારંવાર તૂટી જશે તો આપણો આત્મવિશ્વાસ પણ ઓછો થઈ જાય છે. આના કારણે સ્ત્રીઓ કેટલા તેલ, સીરમ, શેમ્પૂ અને બીજા પ્રોડક્ટની પાછળ પૈસા ખર્ચે છે, પરંતુ તેનાથી પણ બહુ ફરક પડતો નથી.
પરંતુ તમે જો એકવાર વાળ ખરવાના કારણો વિષે જાણી જશો તો તમારી અડધી સમસ્યા ત્યાં દૂર થઈ શકે છે. આજે આ લેખમાં અમે તમને જણાવી દઈએ કે આપણી ખોટી આદતોને કારણે વાળ ખરે છે, તો કઈ છે આ આદતો ચાલો જાણીએ.
1 દરરોજ શેમ્પૂ કરવાથી : જો તમને લાગે છે કે તમારા વાળ દરરોજ ધોવાથી સ્વચ્છ અને સિલ્કી રહે છે તો અમે તમને જણાવી દઈએ કે તમે વાળ ખરવા માટે સામેથી આમંત્રણ આપી રહ્યા છો. હકીકતમાં શેમ્પૂમાં સલ્ફેટ જેવા કેમિકલ્સ હોય છે જે વાળને નબળા બનાવે છે અને દરરોજ શેમ્પુથી વાળ ધોવાથી તૂટી જાય છે.
2 વાળના સાધનોનો ઉપયોગ કરવાના કારણો : આપણામાંની મોટાભાગની સ્ત્રીઓ વાળને કર્લ્સમાં અથવા ક્યારેક સ્ટેટ કરાવે છે, પરંતુ વારંવાર સ્ટાઇલ કરવાને કારણે પણ વાળ તૂટવા લાગે છે. હેર સ્ટાઇલ ટૂલ્સની ગરમી વાળને નબળા બનાવે છે અને વાળ પાતળા થાય છે અને ખરવા લાગે છે.
3 હેર ડ્રાયરને કારણે : બ્લો ડ્રાયરની ગરમી વાળને નુકસાન પહોંચાડે છે અને વાળ તૂટવા લાગે છે. જો તમારે તમારા વાળ ઝડપથી સૂકવવાના હોય તો પણ વાળને ઓછામાં ઓછા 60-70 ટકા સુકાવા દો અને પછી થોડા અંતરથી વાળને હર ડ્રાય કરો. દરરોજ બ્લો ડ્રાય કરવાથી પણ વાળ ખરે છ.
4 વાળને ટાઈટ બાંધવાથી : જો તમે વારંવાર ચોટલો અને ટાઈટ બાંધો છો તો તમારે આ કરવાનું ટાળવું જોઈએ. વાળને લાંબા સમય સુધી વધુ ચુસ્ત બાંધવાથી વાળ ખેંચવાથી તેના મૂળ નબળા થઇ જાય છે અને તૂટવા લાગે છે.
5 ઊંઘના અભાવને કારણે : જો તમે દરરોજ 7 કલાકથી ઓછી ઊંઘ લો છો તો તમારા વજન પર પ્રતિકૂળ અસર કરશે અને વાળ પણ નબળા કરી શકે છે. તેથી જ્યાં સુધી તમે 7 કલાકની ઊંઘ પૂરી ન કરો ત્યાં સુધી પથારીમાંથી વહેલા ઉઠાવાનો પ્રયાશ ના કરો.
6 ભીના વાળમાં કાંસકો કરવો : શું તમે પણ, ઉતાવરમાં નાહીને બહાર જવાની જલ્દીમાં તરત જ ભીના વાળમાં કાંસકો કરો છો ? તો આ સૌથી ખરાબ આદત છે જેના કારણે વાળ તૂટે છે. જ્યારે તમારા વાળ ભીના હોય છે ત્યારે વાળના મૂળ કમજોર હોય છે અને ખેંચાય એટલે તૂટી જાય છે. તેથી ભીના વાળમાં કાંસકો કરવાનું ટાળો.
7 ખોટો કાંસકો વાપરવાને કારણે : જો તમે તમારા ગંઠાયેલ વાળ પર ઝીણા-દાંતાવાળા કાંસકાનો ઉપયોગ કરો તો પણ વાળ તૂટે છે. તેથી તમારા વાળને બરછટ-દાંતાવાળા કાંસકાથી વિખેરી નાખો, પછી મોટા દાંતાવાળા કાંસકાનો ઉપયોગ કરો. ખાસ કરીને ભીના વાળમાં ઝીણા દાંતાવાળા કાંસકાનો ઉપયોગ ન કરો.
8 અનહેલ્ધી ખોરાક ખાવાને કારણે : ઘણા એવા તત્વો છે જે વાળ ખરવા માટે જવાબદાર છે જેમ કે આયર્ન, વિટામિન-એ, સી અને ઝિંક. જો તમારા વાળ ખરે છે તો પહેલા જાણો કે તમે આ તત્વોનું તમે પણ સેવન નથી કરી રહ્યાં ને. આ સિવાય વારંવાર ફાસ્ટ ફૂડ ખાવાથી પણ વાળ ખરે છે.
9 તણાવના લીધે : શું તમે નાની-નાની વાતોમાં સ્ટ્રેસ લો છો તો તમને જણાવી દઈએ કે તણાવના કારણે વાળ ખૂબ જ ખરી જાય છે. જ્યારે તમે તણાવમાં હોવ ત્યારે તમારું શરીર યોગ્ય રીતે કામ કરતું નથી અને તમારા વાળને યોગ્ય પોષણ મળતું નથી જે વાળના ફોલિકલ્સને નબળા બનાવે છે, જેનાથી વાળ ખરવા લાગે છે.
10 ગરમ પાણીથી વાળ ધોવાથી : જો તમે તમારા વાળને ખૂબ ગરમ પાણીથી ધોશો તો તમને પણ ડેન્ડ્રફની સમસ્યા પણ થાય છે, મૂળ પણ નબળા પડે છે અને વાળ પણ તૂટે છે. તેથી વાળને ગરમ પાણીથી ક્યારેય ના ધોવા જોઈએ.
ઉપર જણાવવામાં આવેલી આ આદતો તમારા વાળને નબળા બનાવે છે. તમારા વાળ તેની ચમક ગુમાવે છે અને વાળ તૂટે અને ખરવા લાગે છે તેથી સ્વસ્થ આદતો અપનાવીને આ આદતો બદલો. જો તમને આ લેખ ગમ્યો હોય તો . આવી વધુ હેર કેર ટિપ્સ મેળવવા માટે રસોઈનીદુનિયા સાથે જોડાયેલા રહો.
