ઘર બનાવતી વખતે વડીલો ચોક્કસ ઘરના દરવાજા પર ઉંબરાનું ધ્યાન રાખે છે. હિંદુ ધાર્મિક ગ્રંથોમાં પણ ઘરના ઉંબરાને ખૂબ જ મહત્વપૂર્ણ માનવામાં આવ્યું છે. તે જ સમયે, વાસ્તુ અને જ્યોતિષમાં ઘરના દરવાજાનો ઉંબરો હોવું ફરજિયાત છે.
જ્યાં એક તરફ વાસ્તુ અનુસાર મા લક્ષ્મી દરવાજાના ઉંબરામાં વાસ કરે છે, તો બીજી તરફ જ્યોતિષશાસ્ત્રમાં દરવાજાના ઉંબરાને ગ્રહોની આડઅસર ઓછી કરવાની વાત કહેવામાં આવી છે. હિંદુ ધર્મમાં પણ ઉંબરાની પૂજા પ્રચલિત છે. આજે પણ ઘણા લોકો સવારે, ઉંબરાની પૂજા કરતા હોય છે.
જ્યારે પણ ઘરમાં કોઈ પણ શુભ કાર્ય થાય છે ત્યારે સૌથી પહેલા ઘરના દરવાજાના ઉંબરાની પૂજા કરવામાં આવે છે. તેની પાછળનું સામાન્ય કારણ એ છે કે દેવી લક્ષ્મીની કૃપા બની રહે અને ગ્રહોની કૃપાથી તમામ કાર્યો સફળતાપૂર્વક પૂર્ણ થાય.
ધાર્મિક ગ્રંથો અનુસાર ઉંબરો માત્ર ઘરના મુખ્ય દરવાજા પર જ નહીં પરંતુ રસોડામાં પણ હોવો જોઈએ. જો કે, હવે દરવાજાના ઉંબરાની કામગીરી માત્ર ઘરના મુખ્ય દરવાજા સુધી જ મર્યાદિત થઇ ગઈ છે. રસોડામાં ઉંબરો પણ હવે થોડાક ઘરોમાં જ જોવા મળે છે.
ધાર્મિક શાસ્ત્રોમાં દર્શાવેલ જાણકારી અનુસાર ઘરના મુખ્ય ઉંબરો ઘરમાં નકારાત્મકતાને પ્રવેશવા દેતી નથી અને આ ઉંબરો રાહુ અને કેતુના અશુભ પ્રભાવોને રોકવાની ક્ષમતા પણ ધરાવે છે. જેમાં રસોડાના ઉંબરામાં મા અન્નપૂર્ણાના વાસને દર્શાવે છે.
રસોડામાં ઉંબરો બનાવવાથી વ્યક્તિ પર માતા અન્નપૂર્ણાની કૃપા બની રહે છે અને જે ઘરમાં રસોડામાં ઉંબરો હોય તે ઘરમાં ક્યારેય ધન-ધાન્યની કમી નથી રહેતી. હિંદુ શાસ્ત્રોમાં ઘરના દરવાજાના ઉંબરાને અરીસાની જેમ ગણવામાં આવી છે. કારણ કે કોઈ પણ અશુભ શક્તિ કે ખરાબ વ્યક્તિનો અવાજ આવતા જ તે અલગ-અલગ સંકેતો આપે છે.
ઉદાહરણ તરીકે, જો કોઈ નકારાત્મક ઉર્જા ઘરમાં પ્રવેશી ગઈ હોય તો ઘરના દરવાજાના ઉંબરો તૂટવા લાગે છે. જો ઘરમાં ગ્રહોની અશુભ અસર વધી રહી હોય તો ઘરનો ઉંબરો દબાઈ જાય છે. જો ઘરના કોઈપણ સભ્ય પર કોઈ આફત આવવાની હોય તો ઘરના દરવાજા પર તિરાડો દેખાવા લાગે છે.
હિંદુ ધર્મ અનુસાર, ઘરના દરવાજાના ઉંબરાની પૂજા સાક્ષાત મા લક્ષ્મી અને નવ ગ્રહોની પૂજા સમાન હોવાનું કહેવાય છે. એટલા માટે ઘરના દરવાજાના ઉંબરાને દરરોજ ધોવા જોઈએ, તેની પૂજા કરવી જોઈએ અને તેને સાફ પણ રાખવું જોઈએ.
તો આ ઘરના દરવાજાના ઉંબરાનું ધાર્મિક મહત્વ હતું. જો તમને આ જાણકારી પસંદ આવી હોય, તો તેને ચોક્કસ શેર કરો અને આવા વધુ લેખો વાંચવા માટે રસોઈનીદુનિયા સાથે જોડાયેલા રહો.
