કપડાં ધોવાનું ઘરનું એવું એક કામ છે જે મહિલાઓ દરેક ઘરમાં દરરોજ કરે છે. કેટલીક મહિલાઓ કપડાં ભેગા કરે છે અને પછી બે ત્રણ દિવસમાં ધોઈ નાખે છે. તમે ઇચ્છો ત્યારે કપડાં ધોવો તે તમારી સગવડ પર આધાર રાખે છે. પણ કપડાં ધોવા માટે જે બે વસ્તુઓની સૌથી વધારે જરૂર છે તે છે પાણી અને ડિટર્જન્ટની.
ડિટરજન્ટ પસંદ કરવાનું પણ મહિલાઓ માટે સરળ છે, કારણ કે બજારમાં વિવિધ પ્રકારના કપડાં માટે ડિટરજન્ટ મળે છે. પણ કપડાં ધોવા માટે ગરમ પાણી વાપરવું જોઈએ કે ઠંડુ પાણી આ પ્રશ્ન ઘણી વાર મૂંઝવણમાં મુકતો હોય છે. આમ તો, પાણીનું તાપમાનની પસંદગી તમારા કપડાં પર નિર્ભર રહે છે.
કેટલાક કપડાં ખૂબ નાજુક કાપડથી બનેલા હોય છે અને તેને ગરમ પાણીમાં ધોવાથી તે તેમનો આકાર બદલાઈ શકે છે અને ક્યારેક સંકોચાઈ પણ શકે છે. એટલા માટે કપડાંને કોઈપણ સમયે ધોતા પહેલા તેની વોશ કેર લેબલ તપાસવું ખૂબ જ જરૂરી છે.
જો ગરમ પાણીથી કપડાં ધોવામાં કોઈ સમસ્યા ના હોય તો, ગરમ પાણીનો ઉપયોગ કરવો વધારે સારો વિકલ્પ હોઈ શકે છે. આજે આ લેખમાં અમે તમને ગરમ પાણીથી કપડાં ધોવાના કેટલાક ફાયદાઓ વિશે જણાવિશુ, જે જાણ્યા પછી તમે પણ ગરમ પાણીનો ઉપયોગ કરવાનું ચાલુ કરી દેશો.
તમારી પાસે એવા ઘણા કપડાં હશે જ્યાં જંતુઓ ખૂબ વધારે છે. જેમ કે વર્કઆઉટના કપડાં, મોજાં, બેડશીટ વગેરે. આ સ્થિતિમાં આ કપડાં માટે ગરમ પાણીનો ઉપયોગ કરવો વધારે સારું માનવામાં આવે છે. હૂંફાળું અથવા ગરમ પાણીનો ઉપયોગ મોટા પ્રમાણમાં જીવાણુઓ અને બેક્ટેરિયાને મારવામાં મદદ કરે છે.
તમે આ કપડાં તમારી વોશિંગ મશીનમાં નાખો તે પહેલાં, વોશ કેર લેબલ તપાસો અને મહત્તમ તાપમાનને જરૂર ચેક કરો. ગરમ પાણીનો ઉપયોગ કરવાનો ફાયદો એક એ છે કે તે સરળતાથી ડાઘ દૂર કરવામાં મદદ કરે છે. જો તમારા શર્ટ પર જ્યુસ અથવા ચોકલેટના ડાઘ હોય, તો કપડાને ગરમ પાણીની એક ડોલમાં, 2 ચમચી લિક્વિડ ડીટરજન્ટ નાખીને પલાળી રાખો.
હવે તેને આ રીતે 2 કલાક માટે આમ જ રહેવા દો. ગરમ પાણી ખાંડને સરળતાથી ઓગાળી નાખશે અને ડાઘને દૂર કરશે. પછી તમે કપડાં ધોવાવાળા ડિટર્જન્ટનો ઉપયોગ કરીને તમારા કપડા સાફ કરી શકો છો.
જિદ્દી ડાઘ પણ દૂર કરશે : કેટલીકવાર કપડાં પર એવા ડાઘ પડી જાય છે કે તેનાથી છુટકારો મેળવવો એટલો સરળ નથી હોતો. આ સ્થિતિમાં ગરમ પાણીની પણ મદદ લઈ શકાય છે. આ માટે, તમે 2 tsp લીકવીડ ડિટર્જન્ટ અને 1 tsp સફેદ વિનેગરને ઉમેરીને મિક્સ કરો અને પછી તેને તમારા કપડાના હઠીલા ડાઘ પર લગાવો અને નાયલોન બ્રશથી હળવા હાથે સાફ કરી લો.
આ પધ્ધતિ ડાઘ દૂર કરવામાં મદદ કરશે. હવે અડધી ડોલ ગરમ પાણી લો, તેમાં 1 કપ સફેદ વિનેગરને ઉમેરો અને કપડાને 40 થી 50 મિનિટ સુધી પલાળીને રાખો. પછી દરરોજ ધોતા હોય તેમ ધોઈ લો. જો તમે ઈચ્છો તો આ સ્ટેપ પછી તમે તમારા કપડા વોશિંગ મશીનમાં પણ ધોઈ શકો છો.
પરંતુ આ ઉપયોગ માટે તમે મશીન વોશ ડિટરજન્ટ નો જ ઉપયોગ કરો. આ કપડાં સાફ કરવાની સાથે તમારી વોશિંગ મશીન પણ જાળવવામાં મદદ કરશે.
નોંધ: આમ તો કપડાં ધોવા માટે ગરમ પાણીનો ઉપયોગ સારું માનવામાં આવે છે, પરંતુ તે દરેક કપડા માટે નથી. તેથી કોઈપણ ફેબ્રિક, ખાસ કરીને નાજુક ફેબ્રિકથી બનેલા કપડાં સાફ કરતા પહેલા, તેનું લેબલ ચેક કરવું જરૂરી છે. સાથે પાણીનું મહત્તમ તાપમાન પણ તપાસો.
