શરીર માટે કેટલીક વસ્તુઓ જેટલી જરૂરી માનવામાં આવે છે, એટલીજ તેમની અનિયંત્રિત માત્રા એટલી જ નુકસાનકારક પણ હોઈ શકે છે. આવુ જ કંઈક કોલેસ્ટ્રોલનું પણ છે. કોલેસ્ટ્રોલ, લોહીમાં જોવા મળતું મીણ જેવું પદાર્થ હોય છે જે તંદુરસ્ત કોષોના નિર્માણ માટે મહત્વપૂર્ણ માનવામાં આવે છે.
પરંતુ કોલેસ્ટ્રોલનું સ્તર વધવું એ પણ વિવધ સ્વાસ્થ્ય સમસ્યાઓનું કારણ બની શકે છે, જેમકે હૃદય. શું તમે પણ કોલેસ્ટ્રોલના વધેલા સ્તરથી ચિંતિત છો? સ્વાસ્થ્ય નિષ્ણાતોના મતે, તમામ લોકોએ કોલેસ્ટ્રોલ ના સ્તરને નિયંત્રિત કરવા માટેના ઉપાયો કરતા રહેવું જોઈએ, જેથી શરીરમાં ગંભીર બીમારીઓનું જોખમ ઓછું થઈ શકે.
ઘણા અભ્યાસો દર્શાવે છે કે અમુક પ્રકારના ફળોનું સેવન તમને કોલેસ્ટ્રોલના સ્તરને ઘટાડવામાં મદદ કરી શકે છે. જો કે, ફળો પણ મધ્યમ માત્રામાં ખાવા જોઈએ કારણ કે તેમાં ફ્રુક્ટોઝનું પ્રમાણ વધુ હોય છે જે તમારા બ્લડ સુગરનું સ્તર વધારી શકે છે. તો ચાલો જાણીએ એવા કેટલાક ફળો વિશે, જેનું સેવન કોલેસ્ટ્રોલની સમસ્યામાં ખૂબ જ ફાયદાકારક સાબિત થઈ શકે છે.
સફરજન : તમે સફરજન વિશે જૂની કહેવત સાંભળી હશે . ‘દરરોજ એક સફરજન ખાઓ અને ડોકટરથી દૂર રહો’. સફરજનનું સેવન કોલેસ્ટ્રોલની સમસ્યાને ઓછી કરવામાં તમારા માટે ફાયદાકારક સાબિત થઈ શકે છે. અભ્યાસો દર્શાવે છે કે આ ફળ પેક્ટીન નામના સંયોજનના ભરપૂર સ્ત્રોત તરીકે જાણીતું છે જે કોલેસ્ટ્રોલ ઘટાડવામાં મદદ કરી શકે છે.
ખાટા ફળો: શિયાળાની ઋતુમાં વિવિધ પ્રકારના ખાટાં ફળો જેવા કે સંતરા, દ્રાક્ષ અને લીંબુ પુષ્કળ પ્રમાણમાં મળી રહે છે. આ ફળો વિટામિન સીનો સારો સ્ત્રોત છે જે કોલેસ્ટ્રોલ કંટ્રોલ ઉપરાંત રોગપ્રતિકારક શક્તિ વધારવામાં પણ મદદ કરી શકે છે. કોરોનાના આ યુગમાં વિટામિન સી ધરાવતી વસ્તુઓનું નિયમિત સેવન તમારા માટે ખાસ કરીને ફાયદાકારક સાબિત થઈ શકે છે.
દ્રાક્ષ: અભ્યાસ દર્શાવે છે કે જે લોકો વજન ઓછું કરવા માંગે છે તેમના માટે દ્રાક્ષ ખાવી ખાસ કરીને ફાયદાકારક હોઈ શકે છે, પરંતુ ઘણા ઓછા લોકો જાણે છે કે કોલેસ્ટ્રોલને નિયંત્રિત કરવામાં પણ તે ખૂબ જ ફાયદાકારક છે. દ્રાક્ષમાં મળતા ફાઈબર અને એન્ટીઓક્સીડેન્ટને કારણે તે કોલેસ્ટ્રોલના સંચાલનમાં ખૂબ જ ફાયદાકારક માનવામાં આવે છે.
એવોકાડો: એવોકાડો અસાધારણ પોષક તત્વો ધરાવતું ફળ માનવામાં આવે છે. મોનોઅનસેચ્યુરેટેડ ચરબી અને ફાઇબરનો ભરપૂર સ્ત્રોત માનવામાં આવે છે, આ ફળ ખરાબ કોલેસ્ટ્રોલ ઘટાડવામાં મદદ કરે છે અને શરીરમાં સારા કોલેસ્ટ્રોલને વધારે છે. એક અભ્યાસમાં જાણવા મળ્યું છે કે ઉચ્ચ એલડીએલ કોલેસ્ટ્રોલ ધરાવતા લોકો કે જેઓ દરરોજ એવોકાડો ખાય છે તેઓમાં કોલેસ્ટ્રોલનું સ્તર વધુ સારું હોય છે.
આમળા: આમળા તમારા હૃદયને સ્વસ્થ રાખવાની સાથે સાથે તમારા કોલેસ્ટ્રોલ લેવલને પણ નિયંત્રણમાં રાખવામાં મદદ કરે છે. એટલા માટે ડાયટમાં આમળાનું સેવન જરૂર કરવું જોઈએ.
જો તમને અમારી માહિતી પસંદ આવી હોય તો રસોઈ ની દુનિયા સાથે જોડાયેલા રહો. અહીંયા તમને દરરોજ જીવન ઉપયોગી માહિતી, રેસિપી, કિચન ટિપ્સ, ટ્રિક અને હેલ્થ વિશેની માહિતી મળતી રહેશે.
