ડ્રાયફ્રૂટ્સમાં રહેલા પોષક તત્વો શરીર માટે ફાયદાકારક છે. ડ્રાયફ્રૂટનો રાજા કહેવાતું કાજુ પણ સ્વાસ્થ્ય માટે ખૂબ જ સારું છે. તમે દરરોજ સવારે બદામ તો ખાતા જ હશો, પરંતુ શું તમે જાણો છો કે સવારે ખાલી પેટ કાજુ ખાવાના પણ ઘણા ફાયદા થાય છે. તો ચાલો જાણીએ તેનાથી શરીરને શું ફાયદા થાય છે.
આંખો માટે : કાજુમાં Zeaxanthin નામનું એન્ટીઑકિસડન્ટ પિગમેન્ટ હોય છે જે રેટિના માટે સારું છે. કાજુ આંખોને હાનિકારક યુવી કિરણો અને ફ્રી રેડિકલ નુકસાનથી બચાવવામાં મદદ કરે છે. આ એન્ટીઑકિસડન્ટ પિગમેન્ટ્સ કુદરતી રીતે આંખોમાં હોય છે અને હાનિકારક લાઈટ અને બીજી ઉંમર સંબંધિત સમસ્યાઓથી બચાવે છે.
યાદશક્તિ માટે : કાજુ કોપર, મેગ્નેશિયમ અને મેંગેનીઝનો એક સારો સ્ત્રોત માનવામાં આવે છે. આ ખનિજ મગજના સ્વાસ્થ્યમાં મહત્વપૂર્ણ ભૂમિકા ભજવે છે અને તે યાદશક્તિ વધારવાની સાથે યાદ રાખવાની ક્ષમતામાં પણ સુધારે છે. કાજુ મગજની શક્તિ વધારે છે અને મૂડ ફ્રેશ કરે છે.
એનર્જી માટે : કાજુમાં કાર્બોહાઈડ્રેટ હોય છે અને તેને ખાલી પેટ ખાવાથી શરીરને એનર્જી આપવા માટે ફાયદાકારક સાબિત થઈ શકે છે. આપણું શરીર કાર્બોહાઇડ્રેટ્સને ગ્લુકોઝમાં બદલે છે અને આ શરીરના કોષો અને અંગો માટે મહત્વપૂર્ણ છે. આ કારણથી ખાલી પેટ કાજુનું સેવન ફાયદાકારક છે.
વજન નિયંત્રિત કરવા માટે : કેટલાક અહેવાલો અનુસાર કાજુના સેવનથી વજનને નિયંત્રિત રાખી શકાય છે. કારણ કે કાજુમાં કેલરી વધુ હોય છે. કાજુમાં ઓમેગા-3 હોય છે જે મેટાબોલિઝમ વધારવામાં અને ચરબી બર્ન કરવામાં મદદ કરે છે. ફાઈબરથી ભરપૂર કાજુ વજનને નિયંત્રિત કરવામાં અને કોલેસ્ટ્રોલ ઘટાડવામાં મદદ કરી શકે છે.
હાડકાં માટે : કાજુમાં રહેલા વિટામિન K, મેગ્નેશિયમ, કોપર અને ફોસ્ફરસ બધા હાડકાના નિર્માણ, હાડકાની ઘનતા જાળવવા અને એકંદર હાડકાના સ્વાસ્થ્ય માટે એકસાથે કામ કરે છે. કોપર હાડકાંને મજબૂત રાખે છે, જેનાથી તે તૂટવાની શક્યતા ઓછી થઇ જાય છે.
કબજિયાત માટે : કાજુ ખાવાથી કબજિયાત દૂર કરી શકાય છે. કારણ કે તેમાં ફાઈબરની માત્રા વધુ હોય છે, તે પાચનતંત્રને સ્વસ્થ રાખવાનું કામ કરે છે. કાજુમાં લૈક્સેટિવ હોય છે જે કબજિયાતમાં પણ રાહત આપે છે.
જો કે કાજુનું સેવન મર્યાદિત માત્રામાં જ કરવું જોઈએ. તેથી રોજ ખાલી પેટે તેનું સેવન કરો. જો તમને આ જાણકારી પસંદ આવી હોય તો, આવી જ જીવનઉપયોગી માહિતી મેળવવા માટે રોયનીદુનિયા સાથે જોડાયેલા રહો.
